07-Feb-2021

ଟିଟିଲାଗଡ଼(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଟିଟିଲାଗଡ ଉପଖଣ୍ଡ କାରାଗାରରେ ବିବାହ ପ୍ରଲୋଭନ ଦେଖାଇ ବଳାତ୍କାର କରାଯାଇଥିବା ଟିଟିଲାଗଡ ଥାନାରେ ଅଭିଯୋଗ ହୋଇଛି । ଇତି ମଧ୍ୟରେ ଟିଟିଲାଗଡ ଉପଖଣ୍ଡ ମୁଖ୍ୟ ଚିକିତ୍ସାଳୟ ଡାକ୍ତରଖାନା ପରିସସରରେ ଭିନ୍ନକ୍ଷମ ନାବାଳିକା କୁ ଧର୍ଷଣ କରାଯାଇଥିବା ନେଇ ବେଶ ଆଲୋଡନ ସୃଷ୍ଟି ହୋଇଥିଲା । ସୂଚନା ଅନୁଯାୟୀ, ଜେଲ ଭିତରେ ଥିବା ଜଣେ ଅନ୍ତେବାସୀନିଙ୍କୁ ବିବାହ ପ୍ରଲୋଭନ ଦେଖାଇ ସେହି ଜେଲରେ ଥିବା ଆଉଜଣେ ଅନ୍ତେବାସୀ ପ୍ରଥମେ ଜୋର ଜବରଦସ୍ତ ଶାରୀରିକ ସମ୍ପର୍କ ରଖି ପରେ ବାରମ୍ବାର ସମ୍ପର୍କ ସ୍ଥାପନ କରି ଆସୁଥିଲେ । ଏ ନେଇ ସମ୍ପୃକ୍ତ ଅନ୍ତେବାସିନୀ ଶନିବାର ସନ୍ଧ୍ୟା ରେ ଲିଖିତ ଅଭିଯୋଗ କରିଛନ୍ତି । ଏ ନେଇ ଟିଟିଲାଗଡ ଉପଖଣ୍ଡ  ଆରକ୍ଷୀ ଅଧିକ୍ଷକ ଘଟଣାକୁ ସ୍ୱୀକାର କରି ଅଧିକ ତଦନ୍ତ ଆରମ୍ଭ କରାଯିବା ସହ ଆଜି ଉଭୟଙ୍କୁ ଡାକ୍ତରୀ ମାଇନା  କରାଯାଇ ଉପଯୁକ୍ତ ପଦକ୍ଷେପ ଗ୍ରହଣ କରିବା ପ୍ରକାଶ କରିଛନ୍ତି । ତେବେ ଜେଲ ଭିତରେ ଜେଲ କର୍ତ୍ତୃପକ୍ଷ ଥାଇ ଏଭଳି ଘଟଣା କିଭଳି ଘଟିଛି ସେ ନେଇ ଜେଲ କର୍ତ୍ତୃପକ୍ଷ କିଛି ଉତ୍ତର ଦେଇପାରି ନ ଥିବା ବେଳେ ତାଙ୍କ କାର୍ଯ୍ୟଦକ୍ଷତା ସ୍ପଷ୍ଟ ପ୍ରମାଣିତ ହେଉଛି । ସୂଚନା ଅନୁଯାୟୀ ଅଭିଯୋଗକାରିଣୀ ଅନ୍ତେବାସୀନି ତୁଷରା ଅଞ୍ଚଳ ହୋଇଥିବା ଓ ପାରିବାରିକ କଳହକୁ ନେଇ ତାଙ୍କ ସ୍ବାମୀଙ୍କ ବିରୋଧରେ  ଦୀର୍ଘଦିନ ହେବ ପୋଲିସ ର ଦ୍ୱାରସ୍ଥ ହୋଇଥିଲେ । ଥାନାରେ ଉପଯୁକ୍ତ ନ୍ୟାୟ ନ ମିଳିବା ଓ ଅପରପକ୍ଷ ଠାରୁ ଅର୍ଥ ନେଇ ପୋଲିସ କାର୍ଯ୍ୟାନୁଷ୍ଠାନ ନ ନେବା ନେଇ ବଲାଙ୍ଗୀର ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନିକଟରେ ଅଭିଯୋଗ କରିଥିଲେ । ଏପରି କି ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ଆଗରେ ଧାରଣା ମଧ୍ୟ ଦେଇଥିଲେ । ପରେ ଉକ୍ତ ମହିଳାଙ୍କୁ ଅପରାଧିକ ମାମଲାରେ ପୋଲିସ ଗିରଫ କରି କୋର୍ଟ ଚାଲାଣ ସହ ଜେଲ ଯାଇଥିଲେ । ସେ ଜେଲ ଯିବା ପରେ ଏକ ଆର୍ଥିକ ଠକେଇ ମାମଲାରେ ଥିବା ଜଣେ ବ୍ୟକ୍ତିଙ୍କ ସହ ତାଙ୍କ ସହ ଚିହ୍ନା ପରିଚୟ ହେବା ଓ ଦିନେ ସୁଯୋଗ ପାଇ ଜୋର ଜବଲଦସ୍ତ ଶାରୀରିକ ସମ୍ପର୍କ ରଖିଥିବା ଓ ପରେ ବିବାହ ପ୍ରଲୋଭନ ଦେଖାଇ ବରମ୍ବାର ଶାରୀରିକ ସମ୍ପର୍କ ରଖିଥିବା ନିଜ ଅଭିଯୋଗରେ ଦର୍ଶାଇଛନ୍ତି । ପରେ ଉକ୍ତ ବ୍ୟକ୍ତି କୌଣସି କାରଣରୁ ବିବାହ ହେବାକୁ ମନା କରି ଦେଇଥିଲେ, ଏ ନେଇ ସେ ଥାନାରେ ଅଭିଯୋଗ କରିବା ଜେଲ କର୍ତ୍ତୃପକ୍ଷ ଙ୍କୁ କହିବା ଓ ସେମାନେ ବାରଣ କରିବା ଯୋଗୁଁ ଜେଲ ରେ ସେ ଅନଶନ କରିବା ଧମକ ଦେବାରୁ ପରେ ଜେଲ କର୍ତ୍ତୃପକ୍ଷ ଅଭିଯୋଗ ପାଇଁ ରାଜି ହୋଇଥିଲେ । ଜେଲ ଭିତରେ ଏପରି ଘଟଣା ଘଟିବା ନେଇ  ସାଧାରଣରେ ତୀବ୍ର ଅସନ୍ତୋଷ ସୃଷ୍ଟି ହୋଇଥିବା ବେଳେ ପ୍ରଶାସନ କି ପଦକ୍ଷେପ ନେବ ସେ ନେଇ ସମସ୍ତ ଙ୍କ ନଜର ରହିଛି ।