06-Feb-2021

କୋଲକାତା(ପ୍ରେରଣା ଖବର) ଜଣେ ୯ ବର୍ଷୀୟ ଶିଶୁକୁ ଦୁଷ୍କର୍ମ ଓ ହତ୍ୟା ମାମଲାରେ ପୋଲିସ ଜଣେ ୪୫ ବର୍ଷୀୟ ସୁରକ୍ଷାକର୍ମୀକୁ ଗିରଫ କରିଛି । କୋଲକାତାର ଜୋରବାଗନରେ ଥିବା ଏକ ବିଲ୍ଡିଂରେ ଗୁରୁବାର  ଜଣେ ସୁରକ୍ଷାକର୍ମୀ ଏହି ପାଶବିକ କାମ କରିଥିଲା ।
ତଦନ୍ତକାରୀ ସଂସ୍ଥା ବିଲ୍ଡିଂର ସିକ୍ୟୁରିଟି ଗାର୍ଡ ରାମ କୁମାର ଆଲିଆସ ଲୋମ୍ବୁକୁ ଗିରଫ କରିଥିଲେ । ସେ ଗୁରୁବାର ରାତି ପ୍ରାୟ ୮ଟା ୪୫ରେ ୯ ବର୍ଷୀୟା ପୀଡିତାକୁ ବିରିୟାନୀ ଓ ଚିପ୍ସ ଲୋଭ ଦେଖାଇ ଏକ ପୁରୁଣା ଘରକୁ ନେଇ ଯାଇଥିଲା । ଏହି ବିଲ୍ଡିଂରେ ଦୀର୍ଘ ୧୨ ବର୍ଷ ଧରି ଅଭିଯୁକ୍ତଜଣଙ୍କ ରକ୍ଷଣାବେକ୍ଷଣ ଦାୟିତ୍ୱରେ ରହିଥିଲା ।ଗିରଫ ହେବା ପରେ ଅଭିଯୁକ୍ତ ନିଜ ଦୋଷ ସ୍ୱୀକାର କରିଥିଲେ ମଧ୍ୟ ବାରମ୍ବାର ଘଟଣାର ଦିଗ ପରିବର୍ତ୍ତନ କରି ଅଧିକାରୀଙ୍କୁ ଭୂଆଁ ବୁଲାଉଛି । କିପରି ଏହି ପାଶବିକ କାଣ୍ଡ କଲା ସେନେଇ କୌଣସି ସୂଚନା ଦେଉନାହିଁ । ତେବେ ତଦନ୍ତକାରୀ ଅଧିକାରୀ ବିଲ୍ଡିଂରେ ବିଭିନ୍ନ ପ୍ରମାଣ ଏକାଠି କରିବାକୁ ଚାହୁଁଛନ୍ତି । ଏଥିପାଇଁ ଟେକନିକାଲ୍ ଟିମ୍‌ର ସାହାଯ୍ୟ ନିଆଯାଉଛି ।
ପୋଲିସ କମିଶନର ମୁରଲିଧର ଶର୍ମାଙ୍କ କହିବାନୁସାରେ, ଅଭିଯୁକ୍ତ ଶିଶୁଙ୍କ ଦୁଷ୍କର୍ମ ଭିଡିଓ ଦେଖିଥାଏ । ଏହା ତାର ମେବାଇଲ ଫୋନରୁ ସ୍ପଷ୍ଟ ହୋଇଛି । ଦୁଷ୍କର୍ମ ବାବଦରେ ଅଭିଯୁକ୍ତକୁ ଅନେକ ପ୍ରଶ୍ନ ପଚରା ଯାଇଥିଲେ ମଧ୍ୟ ସେ ସଠିକ୍ ଉତ୍ତର ଦେଇନଥିଲା । ତା ବିରୋଧରେ ଆଇପିସି ଧାରା ୩୦୨, ୩୭୬ଏବି, ପୋକ୍ସୋ ଆକ୍ଟରେ ସେକ୍ସନ ୬ରେ ମାମଲା ରୁଜୁ ହୋଇଛି ।ସୂତ୍ରାନୁସାରେ, ପୀଡିତା ସୋମବାର ନିଜର ଜନ୍ମଦିନ ପାଳନ କରିଥିଲେ । ତେବେ ୨ ଜଣ ମାମୁ ଜନ୍ମଦିନରେ ସାମିଲ ନଥିବାରୁ ସେ ଦୁଃଖି ଥିଲେ । ଏହାପରେ ସେ ବଡ ଭଉଣୀ ସହ ମିଶି ମାମୁଙ୍କ ଘରକୁ ଯାଇଥିଲେ । ସେଠାରେ ସେ କିଛି ବନ୍ଧୁଙ୍କ ସହ ଖେଳିବା ପରେ ଏକ ବିଲ୍ଡିଂରେ ଲୁଚକାଳି ଖେଳିଥିଲେ । ସେହି ପୁରୁଣା ବିଲ୍ଡିଂରେ ସେ ଖେଳୁଥିବା ବେଳେ ଦୁଷ୍କର୍ମର ଶିକାର ହୋଇଥିଲେ । ଏହାପରେ ସିକ୍ୟୁରିଟି ଗାର୍ଜ ପୀଡିତାଙ୍କୁ ହତ୍ୟା କରିଥିଲା । ଗୁରୁବାର ହିଁ ପୀଡିତାର ମୃତଦେହ ମିଳିଥିଲା । ଏହି ଜଘନ୍ୟ କାଣ୍ଡ ରାତି ୯ରୁ ୨ଟା ମଧ୍ୟରେ ଘଟିଥିଲା । ତେବେ ସେ ବିଲ୍ଡିଂରେ ରହୁଥିବା କିଛି ଅନ୍ୟ ଲୋକଙ୍କ ଉପରେ ମଧ୍ୟ ପୋଲିସ ସନ୍ଦେହ କରୁଛି ।