05-Feb-2021

କୋଦଳା(ଉମା ମହାରଣା) :ଗଞ୍ଜାମ ଜିଲ୍ଲା କୋଦଳା ପୂର୍ତ୍ତ ବିଭାଗରେ ଚାଲିଛି କୋଟି କୋଟି ଟଙ୍କାର କାମ ହେଲେ ତଦାରଖ କରିବା ନିମନ୍ତେ ଅଫିସରଙ୍କୁ ସମୟ ନାହିଁ, ଏହିପରି କାମ ଦେଖିବାକୁ ମିଳିଛି ବେଗୁନିଆପଡ଼ା ବ୍ଳକର ସୁମଣ୍ଡଳ ଠାରେ।୩୧/୧୨/୨୦୧୮ ରେ କଣ୍ଟ୍ରାକ୍ଟର ନଟବର ବେହେରା ନାମରେ ବାଣିଆ ବାଡ଼ି ଛକ ଠାରୁ ସୁମଣ୍ଡଳ ରାସ୍ତା ପର୍ଯ୍ୟନ୍ତ ୧୨୦୦ ମି.ମି କଂକ୍ରିଟ ବାବଦକୁ ନିର୍ମାଣ ପାଇଁ ୧ କୋଟି ୩୧ ଲକ୍ଷ ୨୬ ହଜାର ୨୨୮ ଟଙ୍କା ମଞ୍ଜୁର ହୋଇଥିଲା। ଏହା ୩୦/୦୬/୨୦୧୯ ମଧ୍ୟରେ କାର୍ଯ୍ୟ ଶେଷ କରିବାକୁ ଶେଷ ସମୟ ଧାର୍ଯ୍ୟ ହୋଇଥିଲା। କିନ୍ତୁ ତାହା ଏବେ କିଛି ମାସ ହେବ ଆରମ୍ଭ ହେଉଛି। ଶୁଣିବାକୁ ମିଳୁଛି କାଳେ ଏହି କାମକୁ ଜୈନିକ ବ୍ୟକ୍ତି ନଟବର ବେହେରାଙ୍କ ନାମରେ ଆଣି ସିଏ ଅନ୍ୟ ଜଣଙ୍କୁ ବିକ୍ରି କରି ଖୁବ ଟଙ୍କା ନେଇଛି।କିନ୍ତୁ ଏଠାରେ ପ୍ରଶ୍ନ ଉଠୁଛି ଯେ ଗୋଟିଏ କାମକୁ ତିନୋଟି କଣ୍ଟ୍ରାକ୍ଟର ମିଶି ଅତି ନିମ୍ନମାନର କାମ କରୁଥିବା ନଜର ରହିଛି। ଏହା ବି ଶୁଣିବାକୁ ମିଳୁଛି ଯେ ଏହି କଣ୍ଟ୍ରାକ୍ଟର ମାନଙ୍କ ରାଜନୀତି ରେ ଲମ୍ବା ହାତ ରହିଛି। ତେଣୁ ଏହି କାମକୁ କୋୖଣସି ଅଫିସର ମଧ୍ୟ ତଦାରଖ କରୁନାହାନ୍ତି। ଯାହା ଫଳରେ କି ଏହି କାମ ଅତି ନିମ୍ନ ମାନର ହେଉଛି। କିଛି ସ୍ଥାନୀୟ ଲୋକଙ୍କ କହିବା ମୁତାବକ ଏହି କାମ ପାଇଁ ଟେଣ୍ଡର ଫିକ୍ସିଂ ହୋଇଛି। କୋଟି କୋଟି ଟଙ୍କାର କାମ ଅତି ନିମ୍ନ ମାନର ହେଉଥିଲେ ମଧ୍ୟ କାହିଁକି ଏଥିପ୍ରତି ବିଭାଗୀୟ କର୍ତ୍ତୃପକ୍ଷଙ୍କ ସହ ଜେ.ଇ,ଏସ.ଡିଓ ତଦାରଖ କରୁନାହାନ୍ତି ତାହା ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି। କାଳେ ଏହି କାମ ପାଇଁ ରାଜନେତାଙ୍କୁ ହାତଗୁଞ୍ଜା ଦେଉଛନ୍ତି। ରାଜ୍ୟ ସରକାର ଯେଉଁ ଡିଣ୍ଡିମ ପିଟୁଛନ୍ତି ଯେ ରାଜ୍ୟରେ ଦୁର୍ନୀତିକୁ ପ୍ରଶୟ ଦିଆଯିବ ନାହିଁ ତାହାର ଏଠି ପ୍ରତିଫଳନ ଦେଖାଯାଉଛି।ଏଣୁ ଦେଖିବାକୁ ବାକି ରହିଲା ଯେ କେବେ ଏହା ଉପରେ ବିଭାଗୀୟ କର୍ତ୍ତୃପକ୍ଷଙ୍କ ଆଖିପଡୁଛି ।ଆଗକୁ କିଭଳି ରାଜ୍ୟ ସରକାରଙ୍କ ରାଜକୋଷରୁ ଆସୁଥିବା କୋଟି କୋଟି ଟଙ୍କା ଯେପରି ବିଫଳ ନ ହେଇଯାଉ ସଠିକ ଦିଗରେ  କାର୍ଯ୍ୟ ହେଉ ତାହା ଦେଖିବାକୁ ବାକି ରହିଲା।