12-Mar-2026

ସୋନପୁର (ମନୋରଞ୍ଜନ ତ୍ରିପାଠୀ )
 ଆନ୍ତର୍ଜାତୀୟ ମହିଳା ଦିବସ ରେ ସୋନପୁର ଠାରେ ଜଣେ ଅବସର ପ୍ରାପ୍ତ ସମବାୟ ବ୍ୟାଙ୍କ ମ୍ୟାନେଜର ତାଙ୍କ ୫୦ ତମ ବିବାହ ବାର୍ଷିକୀ ଉତ୍ସବ (ସୁବର୍ଣ୍ଣ ଜୟନ୍ତୀ) କୁ ନିଆରା ଭାବେ ପାଳନ କରିଛନ୍ତି l ନାତି ନାତୁଣୀ ପୁଅ ଝିଅ ଆତ୍ମୀୟ ସ୍ୱଜନ ସାଙ୍ଗ ସାଥୀ ବରିଷ୍ଠ ନାଗରିକ,  ଅନେକ ବୁଦ୍ଧିଜିବୀ ଓ ଶୁଭେଛୁ ଙ୍କ ଗହଣ ରେ ଧୁମ୍ ଧାମରେ ପାଳି ଥିଲେ ଉତ୍ସବ l ସ୍ଵାମୀ ମାଗୁଣୀ ସାହୁ ଓ ଧର୍ମ ପତ୍ନୀ ଯମୁନା ସାହୁ ଉଭୟେ ଉଭୟ ଙ୍କୁ ମିଠା ଖୁଆଇ ଫୁଲ ମାଳା ପିନ୍ଧାଇ ଥିଲେ l ଓ ସମସ୍ତ ଅତିଥି ଙ୍କ ପାଇଁ ମିଠା ଭୋଜି ଭାତ ର ମଧ୍ଯ ବ୍ୟବସ୍ଥା କରିଥିଲେ l ଆମେ ବାହା ଘର ମଣ୍ଡପ ରେ ପ୍ରତ୍ୟେକ ପତି ପତ୍ନୀ ସାରା ଜୀବନ ର ଦୁଃଖ ସୁଖ ସାଥୀ ଭାବେ ସଂକଳ୍ପ ବା ଶପଥ ନେଇ ଅଗ୍ନି ଦେବତା ଙ୍କୁ କୋଟି ଦେବତା ଙ୍କୁ ସାକ୍ଷୀ ରଖୁଛୁ l କିନ୍ତୁ ଏବେ ଏବେ ଆଧୁନିକ ଯୁଗରେ ବିବାହ ର କିଛି ଦିନ କିଛି ମାସ ପରେ ପ୍ରାୟତଃ ଦେଖିବାକୁ ମିଳୁଛି ଯେ, କେତେବେଳେ ପୁଅ ଝିଅ କୁ ତ କେବେ ଝିଅ ପୁଅ କୁ ଡିଭର୍ସ କରିବା ସହ ନାନା ଝମେଲା ରେ ଛନ୍ଦି ହୋଇ ଯାଉଛନ୍ତି l ୫୦ ବର୍ଷ ତ ଦୂର କଥା  ୫୦ ମାସ ୫୦ ଦିନ ବି ଘର ସଂସାର ସମ୍ଭାଳିବା କଷ୍ଟ ହୋଇ ପଡୁଛି l କଥା ରେ ଅଛି ଦୁହିତା ଦୁହି କୁଳର ହିତା l ଜଣେ ନୂଆ ବୋହୂଟିଏ କେତେ ଉତ୍ସର୍ଗ କରି ସୂ ସଂପର୍କ ଗଢ଼ି ପରିବାର ରେ ସଂସ୍କାର ର ମହା ଦ୍ରୁମ ସୃଷ୍ଟି କରିଥାଏ l ଏହା ସହିତ ଶାଶୁ ଶ୍ୱଶୁର ଙ୍କ ସାରା ପରିବାର ର ସାରା ଜୀବନ ଯତ୍ନ ନେଇଥାଏ l ଏଠି ଆମ ସମାଜ ରେ କିନ୍ତୁ ସବୁଠି ବେଶୀ ପ୍ରଶଂସା ହୁଏ ଏଇ ନୂଆଁ ବୋହୂ ର ବାପା ମାଆ ,ଶାଶୁ ଶ୍ୱଶୁର ଙ୍କ ଓ ପୁରା ପରିବାର ର l ଲୋକେ କହନ୍ତି ବୋହୂ ର ବାପା ମାଆ କେତେ ଭଲ ଶାଶୁ ଶ୍ୱଶୁର କେତେ ଭଲ l କିନ୍ତୁ ଏବେ ଏହାର ଖୁବ୍ ବ୍ୟତିକ୍ରମ ଦେଖିବାକୁ ମିଳୁଛି ସମାଜ ରେ l ଆଉ ସେ ପ୍ରସଂଶା କ୍ଵଚିତ ଶୁଣିବାକୁ ମିଳୁଛି l ସେ ସୋସିଆଲ ମିଡ଼ିଆ ର ପ୍ରଭାବ ହେଉ କି ଶିକ୍ଷା ର ଅଭାବ ହେଉ ଏହାର ଜବାବ ଦେବା ଏବେ କଷ୍ଟ ହୋଇ ପଡ଼ିଛି l  ସବୁ ସୀମା ଟପି ଗଲାଣି l ବଧୂ ହତ୍ୟା ବଧୂ ନିର୍ଯାତନା ସଂଖ୍ୟା ବଢ଼ି ବଢ଼ି ଚାଲିଛି l  ଶ୍ରୀ ସାହୁ ଦମ୍ପତ୍ତି କିନ୍ତୁ ଏହି ୫୦ ତମ ବିବାହ ବାର୍ଷିକୀ ପାଳନ ମାଧ୍ୟମ ରେ ସମାଜ କୁ ଯୁବ ପୀଢ଼ି ଙ୍କୁ ବାର୍ତ୍ତା ଦେଇଛନ୍ତି ଯେ ଶୃଙ୍କଳିତ ହୁଅ ସଂସ୍କାରିତ ହୁଅ, ପତ୍ନୀ କେବଳ ସାଥୀ ନୁହେଁ ଜୀବନ ସାଥୀ ବୋଲି ଭୁଲି ନ ଯାଅ l ହିନ୍ଦୁ ସନାତନ ଧର୍ମ ର ମର୍ଯ୍ୟାଦା କ୍ଷୁର୍ଣ୍ଣ ନ କର l ଯେଉଁ ବୋହୂ ଟିକୁ ଆମେ ନିର୍ଯାତନା ଦେଉଛୁ ମାରି ଦେଉଛୁ କାଲି ଆମ ଝିଅ ଭଉଣୀ ପୁଣି ବୋହୂ ହୋଇ ଯିବେ ପର ଘରକୁ, ସୁନ୍ଦର ଘର ସଂସାର କରିବା ର ସ୍ବପ୍ନ ଦେଖିବେ ,ତାହା ଆମେ ଭୁଲି ନ ଯିବା କଥା l ଏହି ବିବାହ ବାର୍ଷିକୀ ଆତଙ୍କ ନୁହେଁ ବରଂ ଆଶ୍ଵାସନା ର ବାର୍ତ୍ତା ଦିଏ l ଆଜିର ଚୁକ୍ତି ବିବାହ ଯୁଗରେ ୫୦ ବର୍ଷ ର ଅନାବିଳ ପ୍ରେମ ଭରା ସୁବର୍ଣ୍ଣ ଜୟନ୍ତୀ କେତେ ପ୍ରେରଣା ଦାୟୀ ତାହା ଯୁବ ପୀଢ଼ି ଙ୍କୁ ବିଚାର କରିବା ସମୟ ଆସିଛି l