10-Mar-2026

ବରପାଲି -(ସୁଦାମ ଦୀପ )  ବରଗଡ ଜିଲ୍ଲା ବରପାଲି ବ୍ଲକ ଅନ୍ତର୍ଗତ ହଳଦୀପାଳି ଗ୍ରାମର ଉପକଣ୍ଠ ଟିକ୍ରା ପାଖରେ ନକୁଳ ସହଦେଵ ଙ୍କ ନବ ନିର୍ମିତ ମନ୍ଦିର ପ୍ରତିଷ୍ଠା ହେବାକୁ ଯାଉଛି. ପୁରାଣ ବର୍ଣିତ ପାଞ୍ଚୁପାଣ୍ଡବ ଙ୍କ ଅଜ୍ଞାତ ବନବାସ ସମୟ ରେ ବିରାଟ ରାଜା ଙ୍କ ଘୋଡ଼ାଶାଲ ଓ ଗୋରୁଗଠ କୁ ସମ୍ଭାଳୁ ଥିଲେ ପଞ୍ଚୁପାଣ୍ଡବ ଙ୍କ ଅନୁଜ ଦୁଇଭାଇ ନକୁଳ ଏବଂ  ସହଦେଵ.ମୁଖ୍ୟତହ ଚାଷୀ ମାନଙ୍କ ଦ୍ୱାରା ଗାଈଗୋରୁ ଙ୍କ ରୋଗ ରୁ ମୁକ୍ତି ପାଇବା ପାଇଁ ବିରାଟକାଣ୍ଡ ଗୀତ ବୋଲାଯାଏ ଏବଂ ନକୁଳ ସହଦେଵ ଙ୍କୁ ପୂଜା କରାଯାଏ.ଲୋକ ମୁଖରୁ ଶୁଣାଯାଏ ଅନେକ ବର୍ଷ ପୂର୍ବରୁ ହଳଦୀପାଳି ଗାଁ ମୁଣ୍ଡରେ ଥିବା ଗାଈଗୋଠ କୁ ଚାରିଜଣ ମାହାତ୍ମା ଋଷି ଆସି ଗାଈଗୋରୁଙ୍କ ଫାଟୁଆ ରୋଗରୁ ମୁକ୍ତି ପାଇବା ପାଇଁ ନକୁଳ ସହଦେଵ ଙ୍କ ପୂଜା କରିବା ପାଇଁ ପରାମର୍ଶ ଦେଇଥିଲେ. ସେଇ ଦିନଠୁ ସେଠାରେ ନକୁଳ ସହଦେଵ ଙ୍କୁ ପ୍ରସ୍ତର ମୂର୍ତ୍ତିରେ ପୂଜା କରି ଆସୁଛନ୍ତି.ଇତ୍ୟ ବସର ରେ ଟିକ୍ରା ର ସ୍ବର୍ଗତ ପୁର୍ଣ ସାହୁ ଙ୍କ ଜ୍ୟେଷ୍ଟ ପୁତ୍ର ଦେବାର ସାହୁ ସେଠାରେ ଏକ ବଟ ବୃକ୍ଷ ରୋପଣ କରି, ତା ତଳେ ଉକ୍ତ ପ୍ରସ୍ତର ମୂର୍ତ୍ତି କୁ ପୂଜା କରୁଥିଲେ. ଏବଂ ଗାଁ ର ମଧ୍ୟ ଅନେକ ବିଭିନ୍ନ ପୂଜା ଦିନରେ ପୂଜା କରି ଆସୁଛନ୍ତି.
ଦେବାର ସାହୁଙ୍କ ପରଲୋକ ପରେ ତାଙ୍କ ଧର୍ମପତ୍ନୀ ସୁକାନ୍ତି ସାହୁ (ବର୍ତ୍ତମାନ ଇହଧାମ )ମାନସିକ କରିଥିଲେ ଉକ୍ତ ସ୍ଥାନରେ ଏକ ମନ୍ଦିର ନିର୍ମାଣ କରିବା ପାଇଁ.ନିଜ ବାପା ଙ୍କ ସ୍ମୃତି ତଥା ସ୍ବର୍ଗତା ମା ' ଙ୍କ ମାନସିକ କୁ ସାକାର ରୂପ ଦେବା ପାଇଁ, ତାଙ୍କ ଦୁଇ ସୁପୁତ୍ର ଯୋଶବନ୍ତ ସାହୁ (ଜଗତ )ଏବଂ ରବି ସାହୁ (ଭକ୍ତ )ଏକ ଭବ୍ୟ ମନ୍ଦିର ନିର୍ମାଣ କରିଛନ୍ତି ଏବଂ ନକୁଳ ସହଦେଵ ଙ୍କ ମୂର୍ତ୍ତି ର ପ୍ରାଣ ପ୍ରତିଷ୍ଠା କରିବାକୁ ଯାଉଛନ୍ତି.ତାଙ୍କ ସେହି ମହତ କାର୍ଯ୍ୟ କୁ ହଳଦୀପାଳି ତଥା ଟିକ୍ରା ବାସୀ ପୁର୍ଣ ମାତ୍ର ରେ ସହଯୋଗ କରୁଛନ୍ତି 
ଆସନ୍ତା କାଲି ଠୁ ଚାରି ଦିନ ପର୍ଯ୍ୟନ୍ତ ମନ୍ଦିର ପ୍ରତିଷ୍ଠା ମହୋତ୍ସବ ପାଳନ ହେବାକୁ ଯାଉଛି ନକୁଳ ସହଦେଵ ଙ୍କ ମନ୍ଦିର ଆମ ଅଂଚଳ ପାଇଁ ବିରଳ ଅଟେ ଉକ୍ତ ଆଧ୍ୟାତ୍ମିକ ପରିବେଶ କୁ ଆସି ଭଗବାନ ଙ୍କ ଚାରଣାଶ୍ରିତ ହେବାକୁ ଟିକ୍ରା ତଥା ହଳଦୀପାଳି ବାସୀ ଅନୁରୋଧ କରିଛନ୍ତି.