15-Feb-2026

ମାୟାବର୍ହା ହାଇସ୍କୁଲରେ ମ୍ୟାଟ୍ରିକ ପରୀକ୍ଷାର୍ଥି ଙ୍କ ଉଦ୍ଦେଶ୍ୟରେ  ସମ୍ବର୍ଦ୍ଧନା 

ଡୁଙ୍ଗୁରିପାଲି, ତା ୫/୦୨(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ ମାୟାବର୍ହା ର  ପ୍ରଧାନ ଶିକ୍ଷକ ଡ. ରବିଚନ୍ଦ୍ର ପଶାୟତଙ୍କ ଅଧ୍ୟକ୍ଷତା ରେ ଦଶମ ଶ୍ରେଣୀ ଆୟୋଜିତ ହୋଇଥିବା ବିଦାୟ  ସମ୍ବର୍ଦ୍ଧନା ଉତ୍ସବରେ ୨୦୨୬ ମ୍ୟାଟ୍ରିକ ଛାତ୍ର ଛାତ୍ରୀଙ୍କୁ ନିଜସ୍ଵ ମାନସିକ ସ୍ଥିତିକୁ ସୁଦୃଢ଼ କରି ବାର୍ଷିକ ପରୀକ୍ଷା ଦେବାକୁ ଛାତ୍ରଛାତ୍ରୀଙ୍କୁ ଅତିଥି ମାନେ ଉଦବୋଧନ ଦେଇଥିଲେ। ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ କାର୍ଯ୍ୟକ୍ରମକୁ  ସଂଯୋଜନା କରିବା ସହ ସ୍ବାଗତ ଅଭିଭାଷଣ ପ୍ରଦାନ କରିଥିଲେ। ସୁଦୂର ଗଞ୍ଜାମ ଗୋପାଳପୁର ସହର ର  ପ୍ରବୀଣ ଶିକ୍ଷାବିଦ୍, ଲେଖକ , ରାଜ୍ୟ  ଜୁନିଅର ରେଡକ୍ରସ ର ପୂର୍ବତନ ସାଧନ କର୍ମୀ ତଥା ରାଜ୍ୟ ପୁରସ୍କାର ପ୍ରାପ୍ତ ଶିକ୍ଷକ ଡ. ସରୋଜକାନ୍ତ ରଥ ମୁଖ୍ୟ ଅତିଥି ଭାବରେ ଯୋଗଦାନ କରି " କଠିନ ପରିଶ୍ରମ ହିଁ  ସଫଳତା ପାଇବାର ମୂଳ ମନ୍ତ୍ର" ବୋଲି ମତ ପ୍ରକାଶ କରିଥିଲେ। ଶିକ୍ଷକ ନନ୍ଦିଘୋଷ ବାରିକ  ଓ ସମ୍ପଦ ଖମାରୀ ମଞ୍ଚ।ସୀନ ହୋଇ ବିଦାୟୀ ଛାତ୍ର ଛାତ୍ରୀଙ୍କୁ ମ୍ୟାଟ୍ରିକ ପରୀକ୍ଷାର ଗୁରୁମନ୍ତ୍ର ଦେଇଥିଲେ। ଛାତ୍ରୀ ଶ୍ରିମୟୀ ସେଠ୍, ଜାଗୃତି  ଓ ଦିପ୍ତିଶିଖା ବାଗ ସ୍ବାଗତ ସଙ୍ଗୀତ ପରିବେଷଣ କରିଥିବା ବେଳେ ଶିକ୍ଷକ କିରଣ କୁମାର ପୁଟେଲ ଓ ସ୍ନିଗ୍ଧା ପ୍ରଧାନ ନିଜନିଜ ବକ୍ତବ୍ୟ ପ୍ରଦାନ କରିଥିଲେ। ଛାତ୍ରଛାତ୍ରୀ ଙ୍କ ମଧ୍ୟରୁ ପୂଜା ରାଣୀ, ଝରଣା, ଅନୁପମା,ଆଭା, ପ୍ରୀତି, ଆକାଶ ବିଦ୍ୟାଳୟରେ ବିତେଇଥିବା ସମୟର ନିଜ ନିଜ ଅନୁଭୂତି ବର୍ଣ୍ଣନା କରିଥିଲେ।

ଏହି ଅବସରରେ ଗ୍ରାମୀଣ ମେଧାବୃତ୍ତି ପରୀକ୍ଷା ରେ ଉତ୍ତୀର୍ଣ୍ଣ ହୋଇ ବିଦ୍ୟାଳୟର ଗୌରବ ବୃଦ୍ଧି କରିଥିବା ଛାତ୍ରୀ ଆଭା ସାହୁଙ୍କୁ ଅତିଥିମାନେ ପୁରସ୍କୃତ କରିଥିଲେ। ଶେଷରେ ଶିକ୍ଷକ ଚିନ୍ମୟ କୁମାର ଦାସ ଧନ୍ୟବାଦ୍ ଅର୍ପଣ କରିଥିଲେ। ଏହି କାର୍ଯ୍ୟକ୍ରମକୁ ସଞ୍ଜୀବ ପୂଜାରୀ, ମୀନକେତନ ଦାସ, 
ବିଭୀଷଣ ଖମାରୀ, ସୁରଜ୍ ଖମାରୀ, ସମୀର କଠାର , ସୋଭାଗିନି ସାହୁ,ସୂର୍ଯ୍ୟକନ୍ତୀ କାଣ୍ଡ ପ୍ରମୁଖ  ସହଯୋଗ କରିଥିଲେ ।