15-Feb-2026

ଲୋଇସିଂହା, (ବିନୋଦ ଦୀପ) ଓଡିଶା ସରକାର ଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼. ମୁକେଶ ମହାଲିଙ୍ଗ ଙ୍କ ପ୍ରଚେଷ୍ଟା ରେ ତଥା ସ୍ୱେଚ୍ଛାସେବୀ ସଂଗଠନ ପଲ୍ଲୀ ଆଲୋକ ପାଠାଗାର ନଅଗାଁ (ଖ) ଦ୍ୱାରା ଆୟୋଜିତ କାର୍ଯ୍ୟକ୍ରମ ରେ ଗତ ଫେବୃଆରୀ ୮ ତାରିଖ ଠାରୁ ଲୋଇସିଂହା ନିର୍ବାଚନ ମଣ୍ଡଳୀର ୩ ଟି ବ୍ଲକ ଯାହାକି ଲୋଇସିଂହା, ଆଗଲପୁର ଓ ପୁଇଁତଲା ମଧ୍ୟରେ ବିଧାୟକ କପ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଥିଲା । ୪ ଟି ଦଳ ସେମିଫାଇନାଲ କୁ ପ୍ରବେଶ କରିଥିବା ବେଳେ ଆଗଲପୁର ବ୍ଲକ ନଅଗାଁ (ଖ) ଓ ଲୋଇସିଂହା ବ୍ଲକ ବାଦୀବାହାଲ ଦଳ ଫାଇନାଲକୁ ମନୋନ୍ୱିତ ହୋଇଥିଲେ ଯାହାକି ଦୁଇ ଦଳ ମଧ୍ୟରେ ଫାଇନାଲ ଖେଳ ଲୋଇସିଂହା ମିନି ଷ୍ଟାଡିଅମ ଠାରେ ଅନୁଷ୍ଠିତ ହୋଇଥିଲା l ଖେଳ ଶେଷସୁଦ୍ଧା ସଂଘର୍ଷପୂର୍ଣ୍ଣ ମ୍ୟାଚ ଦୁଇଦଳ ମଧ୍ୟରେ ଦେଖିବାକୁ ମିଳିଥିଲା l ଖେଳ ଶେଷ ପର୍ଯ୍ୟାୟ ରେ ଟ୍ରାଇବେକର ଜରିଆରେ ନଅଗାଁ ଦଳ ବାଦୀବାହାଲକୁ ୩ -୨ ଗୋଲ ଦେଇ ପରାସ୍ତ କରି ବିଜୟୀ ହୋଇଥିଲା l ବିଧାୟକ କପ ଟୁର୍ନାମେଣ୍ଟ ର ଫାଇନାଲ ମ୍ୟାଚ ରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ. ମୁକେଶ ମହାଲିଙ୍ଗ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ଲୋଇସିଂହା ବ୍ଲକ ବିଡ଼ିଓ ଅକ୍ଷୟପାଣି ଉଡ୍ଡୁ, ଆଗଲପୁର ବ୍ଲକ ଏବିଡ଼ିଓ ରୁଦ୍ରପ୍ରତାପ ସୁନା, ପୁଇଁତଲା ବିଡ଼ିଓ  ଅମରେନ୍ଦ୍ର ସ୍ୱାଇଁ ଓ ତହସିଲଦାର ଗୌରବ ବର୍ଗେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l

ମୋଟ ୨୬ଟି ଦଳ ଏହି ଟୁର୍ଣ୍ଣାମେଣ୍ଟରେ ଭାଗ ନେଇଥିବା ବେଳେ ମ୍ୟାନ ଅଫ ଦି ମ୍ୟାଚ୍‌ ନଅଗାଁ ର ସୋମ୍ୟ ଭୋଇ, ମ୍ୟାନ ଅଫ୍‌ ଦି ସିରିଜ ବାଦୀବାହାଲ ଦଳ ର ସୁନୀଲ ଭୋଇ ଓ ଗୋଲକିପର ଭାବେ ରିଙ୍କୁ ବିଶ୍ୱାଳଙ୍କୁ ପ୍ରଦାନ କରାଗଲା l ଆଜିର ଚମ୍ପିୟାନ ନଅଗାଁ (ଖ) ଦଳକୁ ୩୦ ହଜାର  ଓ ବାଦୀବାହାଲ ଦଳକୁ ୨୦ ହଜାର ଅର୍ଥ ରାଶି ବିଧାୟକ ଙ୍କ ତରଫରୁ ପୁରସ୍କାର ପ୍ରଦାନ କରାଗଲା l ଏହିପରିପ୍ରେକ୍ଷୀରେ ଲୋଇସିଂହା ଖେଳ ପଡିଆ ପାଇଁ ସ୍ୱାସ୍ଥ୍ୟମନ୍ତ୍ରୀ ଙ୍କ ଦ୍ୱାରା ଏକ ଦଶ ଲକ୍ଷ ର ସମ୍ମିଳନୀ କକ୍ଷ ର ଶୁଭ ଉଦଘାଟନ କରାଗଲା l ଉକ୍ତ ଫାଇନାଲ ମ୍ୟାଚ କୁ ଉପଭୋଗ କରିବା ପାଇଁ ଆଖପାଖ ଅଂଚଳ ର ଶତାଧିକ ଦର୍ଶକ ଙ୍କ ଭିଡ଼ ଦେଖିବାକୁ ମିଳିଥିଲା l ଆଜିର ଖେଳ ପରିଚାଳନା ରେ ଖେଳ ର ସଭାପତି ରାମଚନ୍ଦ୍ର ସାହୁ, ସମ୍ପାଦକ ପ୍ରଶାନ୍ତ ନାୟକ ପଲ୍ଲୀ ଆଲୋକ ପାଠାଗାର ନଅଗାଁ (ଖ), ବିଧାୟକ ଙ୍କ ପ୍ରତିନିଧି ଗୌରାଙ୍ଗ ନାଏକ, ସୁଦିପ ସା, ଭୁତନାଥ ନାଏକ, ରିଙ୍କୁ ସାହୁ, କୁମର ପାଣ୍ଡେ, ନିରଜ ନାଗ, ଶିବ ଅଗ୍ରୱାଲ, ସରୋଜ ବିଶ୍ୱାଳ, ଡ଼. ସଂଜୀବ ବିଶ୍ୱାଳ, ଆନନ୍ଦ ହୋତା ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ l