10-Feb-2026

ବଲାଙ୍ଗୀର(ପ୍ରେରଣା ଖବର): ମୋଟର ସାଇକେଲରେ ଟେକ୍ନିକାଲ ଡିଫେକ୍ଟ ଥାଇ ଗ୍ରାହକଙ୍କ ଅଭିଯୋଗକୁ ମୋଟେ ଦୃଷ୍ଟି ନ ଦେଇ ହଇରାଣ କରିବା ଅଭିଯୋଗରେ ମୋଟର ସାଇକେଲ କମ୍ପାନୀ ଙ୍କ ବିରୋଧରେ ବଲାଙ୍ଗୀର ଜିଲ୍ଲା ଖାଉଟି ଅଦାଲତ ଏକ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ।

  ସୂଚନାରୁ ପ୍ରକାଶ ଯେ, ପୁଇଁନ୍ତଳା ଥାନା ଶିକାବେହେଙ୍ଗା ଗାଁ ର ଦୀପେଶ କୁମାର ଗଡୁଆ ଗତ ୨ଠ୨୩ ମସିହାରେ ରୋୟାଲ ଏନଫିଲ୍ଡ କମ୍ପାନୀର ଏକ ମୋଟରସାଇକେଲ (ଓଡିଠ୩ ଜେଡ୍ ୩ଠ୩ଠ) କିଣିଥିଲେ । ଇଫକୋ ଟୋକିଓ ଇନସ୍ୟୁରେନ୍ସ କଂପାନୀ ସହିତ ଏହି ଗାଡିର ୨୧.୦୩.୨୦୨୩ ରୁ ୨୧.ଠ୩.୨୦୨୭ ପର୍ଯ୍ୟନ୍ତ ୱାରେଣ୍ଟି ମଧ୍ୟ ଥିଲା । ତେବେ କିଣିଲା ଦିନ ଠାରୁ ବାଇକ୍ ର Malfunction Indicator Lamp(ଇଣ୍ଡିକେଟର) ଟି ସବୁବେଳେ ଜଳୁଥିବା ମୋଡରେ ରହୁଥଲା । ଏହାଦ୍ୱାରା ମୋଟରସାଇକେଲର ଇଂଜିନ ଉପରେ ପ୍ରଭାବ ପଡିବାର ଆଶଙ୍କା ହେବା ପରେ ସୁରକ୍ଷା ଦୃଷ୍ଟିରୁ ଗ୍ରହକ ଜଣକ ବଲାଙ୍ଗୀର-ସମ୍ବଲପୁର ରୋଡ ମାଧିଆପାଲିସ୍ଥିତ ରୋୟାଲ ଏନଫିଲ୍ଡ ମୋଟରସାଇକେଲର ଅଧିକୃତ ବିକ୍ରେତା ଲୋୟାଲ ଅଟୋମୋବାଇଲସ୍ ନିକଟରେ ଅଭିଯୋଗ ମଧ୍ୟ କରିଥିଲେ । ଏ ନେଇ ବଇକ୍ କୁ ନେଇ ସଜାଡିଲା ପରେ ମଧ୍ୟ ପୁଣି ସେହି ସମସ୍ୟା ଦେଖା ଦେଇଥିଲା । ଏ ନେଇ ଗ୍ରହକ ଜଣକ ଭୁବନେଶ୍ୱରରେ ଥିବା କଂପାନୀର ଅଧିକୃତ ବିକ୍ରେତା ଗୁଗନାନି ଅଟୋମୋବାଇଲସ୍ ଏବଂ ଦିଲ୍ଲୀ ସ୍ଥିତ ରୋୟାଲ ଏନଫିଲ୍ଡ ର ମେନେଜିଙ୍ଗ ଡାଇରେକ୍ଟରଙ୍କୁ ଯୋଗାଯୋଗ କରି ବହୁ ହଇରାଣ ହୋଇଥିବା ସତ୍ତ୍ୱେ ବାଇକ୍ ର ମରାମତି କରିବାରେ କମ୍ପାନୀ ସକ୍ଷମ ହୋଇନଥିଲା । କିଣିବା ଦିନ ଠାରୁ ବାଇକ୍ ରେ ଦେଖାଇଦେଇଥିବା ଟେକ୍‌ନିକାଲ ଡିଫେକ୍ଟ ସଂପର୍କରେ କଂପାନୀକୁ ବାରମ୍ବାର ଅଭିଯୋଗ କରିଥବା ସତ୍ତ୍ୱେ କୌଣସି ସୁଫଳ ନମିଳିବାରୁ ଶେଷରେ ନିରାଶ ହୋଇ ଦୀବେଶ ବଲାଙ୍ଗୀର ଖଉଟି ଅଦାଲତର ଆଶ୍ରୟ ନେଇଥିଲେ । ମାନ୍ୟବର ଖାଉଟି ଅଦାଲତ ରୋୟାଲ ଏନଫିଲ୍ଡ କଂପାନୀକୁ  କୋର୍ଟରେ ହାଜର ହେବା ପାଇଁ ନିର୍ଦ୍ଦେଶ ଦେଇଥିଲେ । ଅଭିଯୋଗକାରୀ ଓ ବିକ୍ରେତା କଂପାନୀ ରୋୟାଲ ଏନଫିଲ୍ଡ ପକ୍ଷରୁ ଅଦାଲତରେ ନିଜ ନିଜ ପକ୍ଷ ରଖିଥିଲେ । ଦୁଇ ପକ୍ଷଙ୍କ ଯୁକ୍ତି ଶୁଣିବା ପରେ ମାନ୍ୟବର ଖାଉଟି ଅଦାଲତ ଗତ ୩ ତାରିଖରେ ନିଜ ରାୟରେ ଗ୍ରହକ ଦୀପେଶ କୁମାର ଗଡୁଆ ଙ୍କୁ ରୋୟାଲ ଏନଫିଲ୍ଡ ର ପୂରୁଣା ବାଇକ୍ ବଦଳାଇ ସେହି ସମାନ ଫିଚର୍ ଥିବା ନୂତନ ବଇକ୍ ପ୍ରଦାନ କରିବାକୁ ନଚେତ ମୁକଦ୍ଦମା ଆରମ୍ଭ ହେବା ଦିନ ଠାରୁ ୬ ପ୍ରତିଶତ ସୂଧ ହାରରେ ମୋଟରସାଇକେଲ ବାବଦକୁ ମୋଟ୍ ୨ଲକ୍ଷ ୮ହଜାର ୫୯୩ ଟଙ୍କ ପ୍ରଦାନ କରିବା ପାଇଁ ଆଦେଶ ଦେଇଛନ୍ତି । ଏଥିସହ ମାନସିକ ଯନ୍ତ୍ରଣା ବାବଦକୁ ୩ଠହଜାର ଟଙ୍କା ଓ ଲିଟିଗେସନ୍ ଏକ୍ସପେନସେସ୍ ବାବଦକୁ ୧ଠହଜାର ଟଙ୍କ ପେଠ କରିବାକୁ ନିର୍ଦ୍ଦେଶ ଦେଇଛନ୍ତି । ଅଭିଯୋଗକାରୀଙ୍କ ତରଫରୁ ଏଡ଼ଭୋକେଟ ଅମ୍ବୁଜ କୁମାର ମହାନ୍ତି କେଶ ପରିଚାଳନା କରୁଥିଲେ।