08-Feb-2026

ସୋନପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକରେ ନୂତନ ବିଡିଓ ଭାବେ ଯୋଗ ଦେଲେ ଶ୍ରୀ ସଞ୍ଜୀବ କୁମାର ସାହୁ । ୨୦୨୫ ବର୍ଷରେ ସୋନପୁର ବ୍ଲକରେ ବିଡିଓ ଭାବେ ଦାୟିତ୍ଵ ଗ୍ରହଣ କରି କିଛି ମାସ ଏ ବ୍ଲକର ବହୁ ଉନ୍ନୟନ ମୂଳକ କାର୍ଯ୍ଯ ପାଇଁ ସେ ଖୁବ ପ୍ରଶଂସା ପାଇଥିବା ବେଳେ କଳାପଥର ବଡ଼ବନ୍ଧ ର ଜଟିଳ ସମସ୍ୟାର ସମାଧାନ କରି ଅଞ୍ଚଳବାସୀ ଉପକୃତ ହେବା ଘଟଣା ଓ ଜିଲ୍ଲା ପ୍ରଶାସନ ସହ ବେସାହାରା ତରାସ ମାଉସୀ ପାଇଁ ଘର ଯୋଗାଇବାରେ ତାଙ୍କ ଉଲ୍ଲେଖନୀୟ ଅବଦାନ ଥିଲା । ଯେଉଁ ବଡ ବନ୍ଧ ସମସ୍ୟା ପାଇଁ କି ଗାଁ ଲୋକେ ସୋନପୁର ବଲାଙ୍ଗିର ୫୭ ନଂ ଜାତୀୟ ରାଜପଥକୁ ଅବରୋଧ କଲା ପରେ ଜିଲ୍ଲାପାଳ ଏବଂ ଏସପି ଙ୍କୁ ଲୋକଙ୍କ ସମ୍ମୁଖୀନ ହେବାକୁ ପଡ଼ିଥିଲା l ପୁଣି ସେ ସମସ୍ତଙ୍କୁ ଫିଟ୍ ରହିବା ପାଇଁ ସଚେତନତା ବାର୍ତ୍ତା ଦେବା ଉଦ୍ଦେଶ୍ୟରେ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣୀ କୁ ସାଇକେଲ ରେ ଯିବା ସହ ପ୍ରଶଂସା ସାଉଁଟି ଥିଲେ। ଶ୍ରୀ ସାହୁ ଡୁଙ୍ଗୁରିପାଲିରେ ଯୋଗ ଦେବା ପରେ ସ୍ଥାନୀୟ ରେଲୱେ ଷ୍ଟେସନ ରେ ଦୀର୍ଘ ବର୍ଷ ରୁ ଜମି ଥିବା ଅଳିଆ ଆବର୍ଜ୍ଜନା କୁ ପ୍ରଥମେ ସାମୁହିକ ଭାବରେ ସଫେଇ ଅଭିଯାନ କରି ସହରର ପରିବେଶକୁ ସ୍ବଚ୍ଛ ସୁନ୍ଦର ରଖିବାକୁ ସହରବାସୀ ଙ୍କୁ ନିବେଦନ କରିଛନ୍ତି l ଓ ବ୍ଲକ ର ଗ୍ରାମାଞ୍ଚଳ ତଥା ଅପହଞ୍ଚ ଅଞ୍ଚଳ ର ବିକାଶ ପାଇଁ ପ୍ରଥମେ ଗୁରୁତ୍ଵ ଦେଇ ରାଜ୍ୟ ସରକାର ଙ୍କ ସବୁ ଲୋକାଭିମୁଖୀ ଯୋଜନା କୁ ଟିମ୍ ୱାର୍କ୍ସ ଜରିଆରେ ଲୋକ ଙ୍କ ପାଖକୁ  ପହଞ୍ଚାଈବୁ ବୋଲି ଶ୍ରୀ ସାହୁ ଓଡ଼ିଶା ସାମ୍ବାଦିକ ସଂଘ ର ପ୍ରତିନିଧି ଦଳ ଙ୍କୁ ପ୍ରକାଶ କରିଛନ୍ତି l ଏହା ପୁର୍ବରୁ ଓଡ଼ିଶା ର ଅନେକ ସ୍ଥାନରେ ସଫଳତାର ସହିତ କାର୍ଯ୍ଯ କରି ଆସିଥିବା ବେଳେ ସେ ଭାରତୀୟ ବାୟୁସେନାରେ ବାଙ୍ଗାଲୋର, ପଶ୍ଚିମବଙ୍ଗ, ହିମାଚଳ ପ୍ରଦେଶ, ଦିଲ୍ଲୀ, ଗୁଜୁରାଟ ଓ ଜାମ୍ମୁ କାଶ୍ମୀରରେ ସଫଳତାର ସହ କାର୍ଯ୍ୟ କରି ବିଭିନ୍ନ ଅଞ୍ଚଳରେ ଦେଶ ପାଇଁ ଉତ୍ସର୍ଗୀକୃତ ସେବା ଯୋଗାଇ ଆସିଛନ୍ତି। ଶ୍ରୀ ସାହୁ ଜଣେ ଉଚ୍ଚ ଶିକ୍ଷିତ ବ୍ୟକ୍ତି ଥିବା ବେଳେ ସମ୍ବଲପୁର ବିଶ୍ଵ ବିଦ୍ୟାଳୟରୁ ବିଏ, ସିକ୍କିମ ମଣିପାଳ ବିଶ୍ୱବିଦ୍ୟାଳୟରୁ ବିକମ, ଇଗ୍ନୋରୁ ବିଏସସି ସହଯୋଗୀ ଡିଗ୍ରୀ, ଆଇସିଏଫଏଆଇ ବିଶ୍ୱବିଦ୍ୟାଳୟ ଏମବିଏ ଫାଇନାନ୍ସ, ସିଏଫଏ, ଆମିଟି ବିଶ୍ୱବିଦ୍ୟାଳୟ ରୁ ବୀମା ପରିଚାଳନାରେ ପିଜି ଡିପ୍ଲୋମା, ଭାରତୀୟ ମାନବାଧିକାର ସଂସ୍ଥାନ ରୁ ଏମଏ ମାନବାଧିକାର, ୟୁଜିସି ନେଟ୍ (ପରିଚାଳନା) ଡ଼ିଗ୍ରୀ ହାସଲ କରିଛନ୍ତି । ଶ୍ରୀ ସାହୁଙ୍କ ଭଳି ଜଣେ ଉଚ୍ଚ ଶିକ୍ଷିତ ଦକ୍ଷ ଅଫିସରଙ୍କ ପୁଣି ଏହି ଜିଲ୍ଲାରେ ଦାୟିତ୍ଵ ଗ୍ରହଣ କରିବା ବିଷୟ ନିଶ୍ଚୟ ଜିଲ୍ଲାର ଉନ୍ନୟନ ମୂଳକ କାର୍ଯ୍ଯରେ ସହାୟକ ହେବ ବୋଲି ବୁଦ୍ଧିଜୀବି ମତ ରଖିଛନ୍ତି। ଓ ସ୍ଥାନୀୟ ଲୋକ ପ୍ରତିନିଧି, ଜିଲ୍ଲା ପ୍ରଶାସନ ଓ ରାଜ୍ୟ ସରକାର ଙ୍କୁ ସାଧୁବାଦ କୃତଜ୍ଞତା ଜ୍ଞାପନ କରିଛନ୍ତି l