07-Feb-2026

ନୂଆପଡ଼ା  (ରାମନାଥ ପଣ୍ଡା)
ଗୋଟିଏ ପଟେ ଜିଲ୍ଲାପାଳ ମଧୁସୂଦନ ଦାସ ଉଭୟ ରାଜ୍ୟ ଓ ଦେଶରେ ବିଭିନ୍ନ କ୍ଷେତ୍ରରେ ନୂଆପଡ଼ା ଜିଲ୍ଲାର ମାନ ବଢ଼ାଉଥିବାବେଳେ ଅନ୍ୟ ପଟେ ମୁଖ୍ୟ ମନ୍ତ୍ରୀଙ୍କ କନ୍ୟା ବିବାହ ଯୋଜନା ଯାହାର ଲକ୍ଷ୍ୟ -  ବିବାହରେ ମହିଳା ମାନଙ୍କୁ ସମର୍ଥନ କରି ସେମାନଙ୍କ ଲାଗି ସାମାଜିକ ସୁରକ୍ଷା ଏବଂ ଲିଙ୍ଗାଗତ ସମାନତା କୁ ପ୍ରୋତ୍ସାହିତ କରିବା, ବିଧବା ମାନଙ୍କର ପୁନଃ ବିବାହ କୁ ପ୍ରୋତ୍ସାହିତ କରିବା ଏବଂ ଆର୍ଥିକ ସହାୟତା ମାଧ୍ୟମରେ ବାଲ୍ୟ ବିବାହ କୁ ରୋକିବା ଫଳତଃ ଆର୍ଥିକ ଦୁର୍ବଳତା ହ୍ରାସ ପାଇବ ଏବଂ ହିତାଧିକାରୀଙ୍କୁ ମର୍ଯ୍ୟାଦା ଓ ନିଜ ପସନ୍ଦ ସହିତ ସଶକ୍ତ କରାଯିବା ।ନୂଆପଡା ଜିଲ୍ଲାରେ ଅନେକ କ୍ଷେତ୍ରରେ କାର୍ଯ୍ୟ କରି ନିଜ ପରିଚୟ ସୃଷ୍ଟି କରିପାରିଛି ୟାର ଅନୁଷ୍ଠାନ ।ନୂଆପଡ଼ା ଜିଲ୍ଲାରେ ମୁଖ୍ୟ ମନ୍ତ୍ରୀ କନ୍ୟା ବିବାହ ଯୋଜନା କୁ ସୁନ୍ଦର ଭାବରେ ପରିଚାଳିତ ପାଇଁ ଜିଲ୍ଲା ପ୍ରଶାସନ ଓ ୟାର ଅନୁଷ୍ଠାନ ମଧ୍ୟରେ ଏମ ଓ ୟୁ ସ୍ବାକ୍ଷରିତ ହୋଇଛି ।ଏହି ଅବସରରେ ଜିଲ୍ଲାପାଳ ମଧୁସୂଦନ ଦାସଙ୍କ ସହିତ ଡି ଏସ ଡବ୍ଲୁ ଏସ ଗୀତା, ୟାର ଅନୁଷ୍ଠାନ ସଭାପତି ମହେନ୍ଦ୍ର କୁମାର ଯୋଶୀ ଓ ସମ୍ପାଦକ ହରି ଦାସ ପଟେଲ ଉପସ୍ଥିତ ଥିଲେ ।ଆଗକୁ ଜିଲ୍ଲାରେ ମୁଖ୍ୟ ମନ୍ତ୍ରୀଙ୍କ ଏହି ଯୋଜନାକୁ ସଫଳ କରିବାକୁ ଜିଲ୍ଲାପାଳଙ୍କ ସହିତ ସମସ୍ତ ଜିଲ୍ଲାବାସୀ ସହଯୋଗ କଲେ ନୂଆପଡ଼ା ପାଇଁ ପୁନଃ ଏକ ନୂତନ ରେକର୍ଡ ସୃଷ୍ଟି ହୋଇପାରିବ ବୋଲି ୟାର ଅନୁଷ୍ଠାନ ସଭାପତି ପ୍ରକାଶ କରିଛନ୍ତି ।