16-Dec-2025

କୋକସରା(ତ୍ରିନାଥ ବେଶ୍ରା )
ଓଡ଼ିଶା ସରକାରଙ୍କ ପଞ୍ଚାୟତ ରାଜ ଓ ପାନୀୟ ଜଳ ଯୋଗାଣ ଏବଂ ଗ୍ରାମୀଣ ବିକାଶ ବିଭାଗ ମନ୍ତ୍ରୀ ମାନ୍ୟବର ରବି ନାରାୟଣ ନାଏକ ନବରଙ୍ଗପୁର ଜିଲ୍ଲା ଦେଇ ସୋମବାର କଲାହାଣ୍ଡି ଜିଲ୍ଲା  କୋକସରା ବ୍ଲକ ଗସ୍ତରେ ଆସି ଗୁଡହାଣ୍ଡି ମଞ୍ଚ ଠାରେ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମରେ ଯୋଗ ଦେଇଥିଲେ । ମନ୍ତ୍ରୀ ଙ୍କ କର କମଲରେ ଧର୍ମଗଡ଼,କୋକସରା, କଳମପୁର, ଜୟପାଟଣା ଓ ଜୁନାଗଡ଼ ବ୍ଲକ ନିମନ୍ତେ ୩୯. ୯୨ କୋଟି ଅଟକଳ ମୂଲ୍ୟରେ ୧୭୨ ଗୋଟି ପ୍ରକଳ୍ପ ର ଲୋକାର୍ପଣ ଓ ୨୪୬. ୪୫ କୋଟି ଅଟକଳ ମୂଲ୍ୟର ୨୬୯ ଗୋଟି ନୂତନ ପ୍ରକଳ୍ପ ର ଶିଳାନ୍ୟାସ କରିଥିଲେ। କୋକସରା ବ୍ଲକ ବିଡ଼ିଓ ଡ଼. ହିମାଞ୍ଚଳ ମାଝୀ ସ୍ୱାଗତ ଭାଷଣ ପ୍ରଦାନ କରିଥିଲେ।ଅତିଥିଙ୍କ ଦ୍ୱାରା ଦୀପ ପ୍ରଜ୍ଜଲନ କରାଯାଇଥିଲା। ପରେ ସ୍ୱାଗତ ସଂଗୀତ ଗାନ କରାଯାଇଥିଲା।କାର୍ଯ୍ୟକ୍ରମରେ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ଜିଲ୍ଳା ପରିଷଦ କଳାହାଣ୍ଡି ଦୟାମୟ ପାଢ଼ୀ, ପଞ୍ଚାୟତ ସମିତି ଅଧକ୍ଷ୍ୟା ଶ୍ରୀମତୀ ରୀତା ଅଗ୍ରୱାଲ, ଧର୍ମଗଡ଼ ବିଧାୟକ ସୁଧୀର ରଞ୍ଜନ ପାଟ୍ଟଯୋଶୀ, ବିଜେପି ଜିଲ୍ଲା ସଭାପତି ଯୁଗଲ କିଶୋର ପୋଡ଼, ଜିଲ୍ଲାପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂ ଦେଓ ପ୍ରମୁଖ ମଞ୍ଚାସିନ ରହି କଲାହାଣ୍ଡି ଜିଲ୍ଲା
ତଥା କୋକସରା ବ୍ଲକ ର ବିଭିନ୍ନ ସମସ୍ୟା ଉପରେ ଦୃଷ୍ଟି ଆକର୍ଷଣ କରିବା ସହ ଅଭିଭାଷଣ ପ୍ରଦାନ କରିଥିଲେ । 
ଚାଷୀମାନଙ୍କ ତଥା, ଶ୍ରମିକ, ବେକାରୀ ଯୁବକ ଯୁବତୀ, ଗାଁ ମାନଙ୍କରେ ପାନୀୟ ଜଳ ଯୋଗାଣ, ରାସ୍ତା ଘାଟ , ଅନ୍ତୋଦୟ ଗୃହ , ପ୍ରଧାନମନ୍ତ୍ରୀ ଆବାସ ଗୃହ ଭଲି 
ଯେଉଁ ସବୁ ଛୋଟ ବଡ ସମସ୍ୟା ରହିଛି ଆଗାମୀ ଦିନରେ ତାହା ନିଶ୍ଚିତ ଭାବରେ ସଫଳ ହେବ । ଗ୍ରାମାଞ୍ଚଳର ବିକାଶ ପାଇଁ ସରପଞ୍ଚ ସମିତି ବ୍ଳକ ଅଧ୍ୟକ୍ଷ ବୁଦ୍ଧିଜୀବୀ, ଗଣମାଧ୍ୟମ ପ୍ରତିନିଧି ତଥା  ପ୍ରଶାସନିକ ଅଧିକାରୀ ମାନଙ୍କ
ପକ୍ଷରୁ ମତ ତଥା ସଜେସନ ସଠିକ ଭାବରେ ଆସେ ତାହେଲେ ଗ୍ରାମାଞ୍ଚଳର ବିକାଶ ନିଶ୍ଚିତ ଭାବରେ
ବହୁ ଆଗକୁ ବଢିପାରିବ ବୋଲି ମାନ୍ୟବର ମନ୍ତ୍ରୀ ରବିନାରାୟଣ ନାଏକ ଅବିଭାଷଣ ରଖିଥିଲେ ।
 ଏହି କାର୍ଯ୍ୟକ୍ରମରେ ସମସ୍ତ ଅଧିକାରୀ, କର୍ମଚାରୀ, ସରପଞ୍ଚ, ସମିତି ସଭ୍ୟ ସଭ୍ୟା, ଏମବିକେ, ସିଆରପି, ଏସଏଚଜି ମହିଳା, ବୁଦ୍ଧିଜୀବୀ, ଜନସାଧାରଣ ହଜାର ହଜାର ସଂଖ୍ୟାରେ ଉପସ୍ଥିତି ରହିଥିଲେ। କାର୍ଯ୍ୟ କ୍ରମ ପୁର୍ବରୁ ପ୍ରଥମେ ଧର୍ମଗଡ଼ ବିଧାନସଭା ନିର୍ବାଚନ ମଣ୍ଡଳୀ ବିଧାୟକ ସୁଧିର ରଞ୍ଜନ ପାଟ୍ଟଯୋଶୀ ମହୋଦୟ ଙ୍କ ନେତୃତ୍ବରେ ଆମପାଣି ଠାରେ ବିଜେପି ପକ୍ଷରୁ ମାନ୍ୟବର ମନ୍ତ୍ରୀ ରବିନାରାୟଣ ନାଏକ ଙ୍କୁ ଶହ ବିଜେପି ନେତା ଓ କର୍ମୀଙ୍କ ସମାଗମରେ ବିପୁଳ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା ।ଆରାଧ୍ୟା ଦେବ ପ୍ରଭୁ ବୁଢ଼ାରଜା ଙ୍କ ଦର୍ଶନ କରି ମନ୍ତ୍ରୀ କୋକସରା ଅଭିମୁଖେ ବାହାରି ଥିବା ବେଳେ । ଶହ ଶହ ବିଜେପି କର୍ମୀ ବାଇକ ରେଲିରେ ସାମିଲ ହୋଇଥିବା ଦେଖିବାକୁ ମିଳିଥିଲା । ଆମପାଣି ଓ କୋକସରା ପୋଲିସ ପକ୍ଷରୁ ଟ୍ରାଫିକ ନିୟନ୍ତ୍ରଣ କଡାକଡି କରାଯାଇଥିଲା l