26-Nov-2025

ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ଆଗାମୀ ୨୮ ତାରିଖ ଜିଲ୍ଲାର ଧାନ ସଂଗ୍ରହ ହେବାକୁ ଥିବା ବେଳେ ତା’ର ସପ୍ତାହେ ପୂର୍ବରୁ ଗୋଡ଼ଭଗା ମଣ୍ଡିକୁ ଅଣ ସରକାରୀ ଭାବେ ୨ହଜାର ୯୩୬ ପାକେଟ୍ ଧାନ ଚାଷୀ ଆଣିଥିବା ଦେଖିବାକୁ ମିଳିଛି। ଏହା ଛଡ଼ା ଅତାବିରା ମୁଖ୍ୟ ମଣ୍ଡିକୁ ୨ ହଜାର ପାକେଟ୍, ନିୟନ୍ତ୍ରିତ ବଜାର କମିଟି ଅଧିନସ୍ଥ ବିଭିନ୍ନ ମାର୍କେଟ ୟାର୍ଡ, କ୍ରୟକେନ୍ଦ୍ରକୁ ଚାଷୀ ଧାନ ଆଣିଛନ୍ତି। ୨୮ ତାରିଖ ମଣ୍ଡି ଖୋଲିବା ଦିନ ବେଳାକୁ ଆରଏମ୍ସି ସାରା ଲକ୍ଷ ଲକ୍ଷ ବସ୍ତା ଧାନ ପଡ଼ିଯାଇଥିଲା। ଗୋଡ଼ଭଗା, ଅତାବିରା, ଗୌରଟିକ୍ରା ଭଲି ଆଗୁଆ ଚାଷ ହୋଉଥିବା ମଣ୍ଡିଗୁଡ଼ିକରେ ୪୦/୫୦ ହଜାର ପଡ଼ିଯିବାର ଆଶଙ୍କା ରହିଛି। ୨୨ ତାରିଖରୁ ହେବାକୁ ଥିବା ଲଘୁଚାଷ ବର୍ଷା ଯୋଗୁଁ ଚାଷୀମାନେ ଧାନ ଅମଳ କରି ମଣ୍ଡିକୁ ଧାନ ଆଣି ସୁରକ୍ଷିତ ରଖିବା ପାଇଁ ଆପ୍ରାଣ ଉଦ୍ୟମ କରୁଛନ୍ତି। ଗୋଡ଼ଭଗା ମାର୍କେଟ୍ ୟାର୍ଡରେ ଓଡ଼ିଶା ରାଜ୍ୟ କୃଷକ ସଂଗଠନ ପକ୍ଷରୁ ବିଧିବଦ୍ଧ ଭାବେ ଅନୁକୂଳ କରାଯାଇଛି। ପାଖାପାଖି ୨୨ ଜଣ ଚାଷୀ ଟ୍ରାକ୍ଟର-ଟ୍ରଲିରେ ଧାନ ଆଣି ଥିଲେ। କୃଷକ ସଂଗଠନର ବ୍ଳକ ସଭାପତି ବୀରେନ୍ଦ୍ର କର ପକ୍ଷରୁ ଧାନ ଆଣିଥିବା କୁଜାପାଲି ଗ୍ରାମର ଟିକେଶ୍ଵର ସାହୁ, ନୂଆଁଖଇରପାଲିର ଭି ପାପା ରାଓଙ୍କୁ ସମ୍ବର୍ଦ୍ଧିତ କରିଥିଲେ। ଆସନ୍ତା କାଲିଠାରୁ ସମସ୍ତ ମଣ୍ଡିରେ ବହୁ ପରିମାଣରେ ଧାନ ଚାଷୀମାନେ ଆଣିବାର ସମ୍ଭାବନା ରହିଛି। ଧାନ ସଂଗ୍ରହ ପାଇଁ ପ୍ରଶାସନ ଉପଯୁକ୍ତ ଦିନ ଆରମ୍ଭ ନ କରି ନିଜ ମନଇଚ୍ଛା ମଣ୍ଡି ଖୋଲା ଦିନ ଧାର୍ଯ୍ୟକୁ ଚାଷୀମାନେ ପ୍ରତ୍ୟାକ୍ଷାନ କରି ଏକ ପ୍ରକାର ଖୋଲା ଚାଲେଜ୍ ଦେଇ ମଣ୍ଡିରେ ଧାନ ପକାଇଛନ୍ତି। ଆଗକୁ ମଣ୍ଡିରେ ପଡ଼ି ଥିବା ଧାନକୁ ପ୍ରଶାସନ କିଣିବ ତାହା ପ୍ରଶାସନ ପାଇଁ ବଡ଼ ଚାଲେଜ୍ ହେବ ବୋଲି ଆଶଙ୍କା କରାଯାଉଛି।