08-Nov-2025

ସୋନପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ବିଜୁ ପଟ୍ଟନାୟକ ମହିଳା ଡିଗ୍ରୀ କଲେଜ ଠାରେ ଅଷ୍ଟାଦଶ ତମ ଶ୍ରାଦ୍ଧ ବାର୍ଷିକୀ, ଅଧ୍ୟକ୍ଷା ରିତା ରାଣୀ ପୂଜାରୀ ଙ୍କ ପୌରହିତ୍ୟ ରେ ଅନୁଷ୍ଟିତ ହୋଇ ଯାଇଛି l ସଧାରଣ ଭାବରେ ଏହା ଏକ ସ୍ମୁତି ସଭା ଥିଲା ମାତ୍ର ଆଜିର ପୀଢ଼ି ର ଛାତ୍ରୀ ମାନଙ୍କ ଭିତରେ ସ୍ଵର୍ଗତ କୁନ୍ଦୁରୁ କୁଶଳ ଙ୍କ ତ୍ୟାଗ ଉତ୍ସର୍ଗ ବଳିଦାନ, ମାଟି ପ୍ରତି ମମତା ର ମହା ଦ୍ରୁମ ର ମଞ୍ଜି ବପନ କରିଥିଲା l ଛାତ୍ରୀ ମାନଙ୍କ ଉତ୍କଣ୍ଠା ସ୍ୱର୍ଗତ କୁଶଳ ଙ୍କ ପ୍ରତି ଭକ୍ତି ପୂତ ଶ୍ରଦ୍ଧାଞ୍ଜଳୀ ମହା ବିଦ୍ୟାଳୟ ର ପରିସର କୁ ଯେତିକି ଭାବ ବିହ୍ୱଳ କଲା, ତା ଠାରୁ ଅଧିକ ପ୍ରେରଣା ଦାୟୀ ହେଲା l

ଉକ୍ତ ସଭାରେ ମହା ବିଦ୍ୟାଳୟର ସମସ୍ତ ଅଧ୍ୟାପକ,  କର୍ମଚାରୀ  ଓ ଛାତ୍ରୀ ମାନେ ଉପସ୍ଥିତ ରହି ସ୍ଵର୍ଗତ କୁଶଳ ଙ୍କ ଫଟୋ ଚିତ୍ର ରେ ଶ୍ରଦ୍ଧା ସୁମନ ଅର୍ପଣ କରି ଥିଲେ l ବିଭିନ୍ନ ଜିଲ୍ଲା ରୁ ଆସିଥିବା ନବାଗତା ଆଶ୍ଚର୍ଯ୍ୟ ହେଉଥିଲେ ଯେ ଶିକ୍ଷା ର ଏରୁଣ୍ଡି ବନ୍ଧ ମାଡ଼ି ନ ଥିବା ବ୍ୟକ୍ତି ବି ଏକ ମହିଳା ମହା ବିଦ୍ୟାଳୟ ର ସ୍ଵପ୍ନ ଦେଖିପାରେ l ଅଧ୍ୟାପିକା ସଞ୍ଜୁ ରାଣୀ ସିଂ ସଭା ସଂଯୋଜନା କରିଥିବା ବେଳେ କଲେଜ ଅଧ୍ୟକ୍ଷା ଶ୍ରୀମତୀ ପୂଜାରୀ ଧନ୍ୟ ବାଦ ଅର୍ପଣ କରିଥିଲେ l