30-May-2026

କଟକ,(ତପନ ମହାନ୍ତି) ସାଂସଦ ଭର୍ତ୍ତୃହରି ମହତାବଙ୍କ ସାଂସଦ ପାଣ୍ଠିରୁ ସାତ ଲକ୍ଷ ଟଙ୍କା ବ୍ୟୟରେ ଏକ ଆମ୍ବୁଲାନ୍ସ ସ୍ଵେଛାସେବୀ ସଂଗଠନ କଲ୍ୟାଣୀ ଚାରିଟେବୁଲ ଟ୍ରଷ୍ଟକୁ ପ୍ରଦାନ କରାଯାଇଛି। କଲ୍ୟାଣୀ ଚାରିଟେବୁଲ ଟ୍ରଷ୍ଟ ପକ୍ଷରୁ ଉକ୍ତ ଆମ୍ବୁଲାନ୍ସ ସେବାକୁ ଶନିବାର ଲୋକାର୍ପଣ କରାଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ସାଂସଦ ଭର୍ତ୍ତୃହରି ମହତାବ ଯୋଗ ଦେଇ ଫିତା କାଟି ଏହି ଆମ୍ବୁଲାନ୍ସ ସେବାକୁ ଲୋକର୍ପଣ କରିଛନ୍ତି। ୭ ଲକ୍ଷ ଟଙ୍କା ବ୍ୟୟରେ ଉକ୍ତ ଆମ୍ବୁଲାନ୍ସରେ ରୋଗୀମାନେ ଏଵେ ବିନା ମୂଲ୍ୟରେ ଡାକ୍ତରଖାନା ଯାଇପାରିବେ।  ବାଇଶି ଦିଗଭାଗ ସର୍ବାଧିକାରୀ ସୁବାଷ ଚନ୍ଦ୍ର ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ସମ୍ମାନିତ ଅତିଥିଭାବେ ପୂର୍ବତନ ବିଧାୟକ ଡ଼ଃ ପ୍ରଭାତ ରଞ୍ଜନ ବିଶ୍ୱାଳ, ଇଂ ପ୍ରଦୀପ୍ତ ବେହେରା, କର୍ପୋରେଟର ଅରବିନ୍ଦ ଜେନା, କଲ୍ୟାଣୀନଗର ଅଂଚଳର ମୁରବୀ ତଥା ଟ୍ରଷ୍ଟର ଉପଦେଷ୍ଟା ଡ଼ଃ ବିପିନ ଭୋଳ ପ୍ରମୁଖ ଯୋଗ ଦେଇ ଟ୍ରଷ୍ଟ କର୍ମକର୍ତାଙ୍କୁ ପ୍ରଶଂସା କରିବା ସହିତ ସାଂସଦଙ୍କୁ ସାଧୁବାଦ ଜଣାଇଥିଲେ। ଖାଲି ଆମ୍ବୁଲାନ୍ସ ଆସିଗଲେ ସେବା ହେବ ନାହିଁ, ବରଂ ଏହାକୁ ସେବା ଉଦ୍ୟଶ୍ୟରେ ସଠିକ ପରିଚାଳନା କରିପାରିଲେ ଏହି ପ୍ରଚେଷ୍ଟା ଫଳପ୍ରସୂ ହେବ ବୋଲି ମୁଖ୍ୟ ଅତିଥି ସାଂସଦ ଶ୍ରୀ ମହତାବ କହିଥିଲେ। ସ୍ଥାନୀୟ ୫୩ ନମ୍ବର ୱାର୍ଡ ରେଡକ୍ରସ ଖେଳପଡିଆରେ ଆୟୋଜିତ କାର୍ଯ୍ୟକ୍ରମରେ ସାଂସଦଙ୍କ ପ୍ରତିନିଧି ଜ୍ୟୋତିରଞ୍ଜନ ରାୟ, ଅନ୍ଦରପୁର ସାହୀ ଅଧିକାରୀ ପ୍ରମୋଦ ଭୋଳ, ସଂଗ୍ରାମ ପାତ୍ର, ବିନୋଦ ବେହେରା, ଚିତ୍ତରଞ୍ଜନ ନାୟକ, ବିଜୟା ନନ୍ଦ ସାହୁ, ମାଗୁଣି ଦାସ, ନଗେନ ଦାସ, ଧୀରପ୍ରସାଦ ମହାନ୍ତି, ସରୋଜ ରାଉତ ପ୍ରମୁଖ ଉପସ୍ଥିତ ଥିଲେ। ଏହି ଆମ୍ବୁଲାନ୍ସ ଟି ଏବେ ଟ୍ରଷ୍ଟର ମୁଖ୍ୟ କାର୍ଯ୍ୟାଳୟ ସ୍ଥାନୀୟ କଲ୍ୟାଣୀନଗର ଠାରେ ରହିବ, ଯଦି କୌଣସି ରୋଗୀଙ୍କ ଆବଶ୍ୟକ ପଡେ ତେବେ ୭୨୦୫୮୧୦୪୧୭ ଓ ୯୯୩୭୯୪୪୭୨୨ ରେ ଯୋଗାଯୋଗ କଲେ ଏହା ଅବିଳମ୍ବେ ମିଳିପାରିବ ବୋଲି ଟ୍ରଷ୍ଟର ପ୍ରତିଷ୍ଠାତା ଲିପ୍ତିମୟୀ ମହାନ୍ତି, ସଭାପତି ସଂଜୀବ କୁମାର ସ୍ୱାଇଁ ଓ ସମ୍ପାଦକ ମାନସ ମୁଦୁଲି କହିଛନ୍ତି। ଏହି କାର୍ଯ୍ୟକ୍ରମରେ ବହୁ ସଂଖ୍ୟାରେ ସ୍ଥାନୀୟ ଅଂଚଳବାସି ଉପସ୍ଥିତ ଥିଲେ।