18-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ଜାମ୍ମୁ ର କଟରା ଠାରେ ବୈଷ୍ଣଦେବୀ ଙ୍କ ଦର୍ଶନ ସାରି ବସ ଧକ୍କାରେ ପ୍ରାଣ ହରାଇ ଥିବା ସୁବର୍ଣ୍ଣପୁର ଜିଲ୍ଲା ତରଭା ସହରର ସଚିତ୍ର ସାହୁ (୬୭ ) ଓ  ସ୍ତ୍ରୀ କବିତା ସାହୁ ( ୫୮) ଙ୍କ ମର ଶରୀର ଗତ କାଲି ପହଞ୍ଚିବା ପରେ ସହର ଲୋକାରଣ୍ୟ ହୋଇ ଯାଇ ଥିଲା ଓ  ତରଭା ଶ୍ମଶାନ ଘାଟରେ  ଉଭୟ ସ୍ୱାମୀ ସ୍ତ୍ରୀ ଙ୍କ ଶବ ସଂସ୍କାର କରାଯାଇଥିବା ବେଳେ ଆଜି ସକାଳେ ମୃତ ତୃତୀୟ ବ୍ୟକ୍ତି ଯୋଗେନ୍ଦ୍ର ମଟାରୀ ଙ୍କ ମର ଶରୀର  ତରଭା ପହଞ୍ଚିଛି l ସ୍ୱର୍ଗୀୟ ମଟାରୀ ଙ୍କୁ ଅନ୍ତିମ ଦର୍ଶନ ଓ ଶ୍ରଦ୍ଧାଞ୍ଜଳୀ ଜ୍ଞାପନ କରିବାକୁ ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପରାଜ ସାହୁ ଓ ସ୍ଥାନୀୟ ପ୍ରାସାସନିକ ଅଧିକାରୀ ପହଞ୍ଚି ଥିଲେ ଓ ଶୋକ ସନ୍ତପ୍ତ ପରିବାର କୁ  ସମବେଦନା ଜଣାଇଥିଲେ l  ଦୁଃଖରେ ଭାଙ୍ଗି ପଡ଼ିଥିବା ତାଙ୍କ ପରିବାର ଓ ଆତ୍ମୀୟ ସ୍ୱଜନ ସମେତ ଶହ ଶହ ଶୁଭେଛୁ  ସ୍ୱର୍ଗୀୟ ମ ଟା ରି ଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ l ଭୁବନେଶ୍ୱର ହେଲିପେଡ ରୁ ଆଜି ଫେରୁଥିବା ମୃତ ମଟାରି ଙ୍କ ଶବ କୁ ସୋନପୁର ବଲାଙ୍ଗିର ୟୁନିଅନ ବ୍ୟାଙ୍କ କର୍ମଚାରୀ ସଂଘ ଓ ବିଭିନ୍ନ ସ୍ବେଛାସେବୀ ସଙ୍ଗଠନ ଆଜି ସୋନପୁର ବ୍ଳକ୍ ଛକ ଠାରେ  ଧୂପ ପୁଷ୍ପ ପ୍ରଦାନ ପୂର୍ବକ ଅନ୍ତିମ ଦର୍ଶନ କରିଥିଲେ l ତରଭା ଠାରେ  ସାମ୍ୱାଦିକ ସଂଘ, ବରିଷ୍ଠ ନାଗରିକ ସଂଘ, ମାହେଶ୍ୱରୀ ସ୍ବେଛାସେବୀ ସଂଗଠନ  କର୍ମକର୍ତ୍ତା ଙ୍କ ସମେତ ଦଳ ମତ ନିର୍ବିଶେଷରେ ବିଭିନ୍ନ ରାଜନୈତିକ ବ୍ୟକ୍ତି ବିଶେଷ, ସ୍ଥାନୀୟ ପ୍ରଶାସନ ଓ ସହରବାସୀ ମୃତ ସାହୁ  ଙ୍କ ଅନ୍ତିମ ଯାତ୍ରା ରେ ସାମିଲ ସାମିଲ ଥିଲେ l ସୂଚନା ଯୋଗ୍ୟ ଯେ ଦୁର୍ଘଟଣା ଗ୍ରସ୍ତ ସ୍ତ୍ରୀ ସ୍ନେହଲତା ଜମ୍ମୁ ମେଡିକାଲ୍ ରେ ମୃତ୍ୟୁ ସହ ସଂଘର୍ଷ କରୁଥିବା ବେଳେ ତରଭା ଶ୍ମଶାନ ରେ  ଆଜି ସ୍ଵାମୀ ଯୋଗେନ୍ଦ୍ର ମାଟାରି ଙ୍କ ଜୁଇ ଜଳୁଥିବା ଦୃଶ୍ୟ ପରିବାର ଆତ୍ମିୟ ସ୍ୱଜନ ଓ ଏ ଅଞ୍ଚଳ ବାସୀ ଙ୍କ ପାଇଁ ହୃଦୟ ବିଦାରକ ହୋଇଛି l ସହର ସାରା ସମସ୍ତ ଙ୍କ ମୁହଁ ରେ ଗୋଟିଏ କଥା ଭଗବାନ ଏଭଳି କଷ୍ଟ ଆଉ କାହାକୁ ନ ଦେଉ l