17-Oct-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ର ଦୁଡୁକା କଲ୍ୟାଣମଣ୍ଡପ ଠାରେ ଖଦୀ ଓ ଗ୍ରାମ୍ୟ ଶିଳ୍ପ ଆୟୋଗ ତରଫରୁ ଏକ ଉଦ୍ୟୋଗୀ ସଚେତନତା କାର୍ଯକ୍ରମ ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥି ଭାବରେ ଆଗଲପୁର ବ୍ଲକ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ୍ ଯୋଗ ଦେଇଥିଲେ l ସମ୍ମାନିତ ଅତିଥି ଭାବରେ ଆଗଲପୁର ଥାନା ଅଧିକାରୀ ଶ୍ରୀ ବାସୁଦେବ ଭୋଇ, ନିରବଚ୍ଚନ ପଞ୍ଚାୟତ ସରପଞ୍ଚ ଶ୍ରୀମତୀ ପ୍ରମିଳା ଦୋରା ଓ ଉପର୍ ବାହାଲ୍ ସରପଞ୍ଚ ଶ୍ରୀମତୀ ମାମି ସାହୁ ଉପସ୍ଥିତ ଥିଲେ l ଏହାସହ ଭୁବନେଶ୍ୱର ରୁ ଆସିଥିବା ସ୍ପେସ ସଂସ୍ଥା ର ଚେୟାରମେନ ଶ୍ରୀ ଜଗତ୍ କୁମାର୍ ଯୋଗ ଦେଇଥିଲେ। ଏହାସହ ଶ୍ରୀ ଅରବିନ୍ଦ ସାହୁ ଭାଇସ ଚେୟାରମେନ ମଧ୍ୟ ଉପସ୍ଥିତ ଥିଲେ। ସଂସ୍ଥା ର ସମ୍ପାଦକ ଶ୍ରୀ ସୁବ୍ରତ ନାୟକ, ରାଜ୍ୟ ମୁଖ୍ୟ ଶ୍ରୀ କୁଲ୍ ଭମନ୍ ପଟ୍ଟନାୟକ, ଜନ ସଂପର୍କ ଅଧିକାରୀ  ଲିଯାରାଣୀ ପରିଡ଼ା, ସହ ସଂଯୋଜକ ଶ୍ରୀ ଦେବବ୍ରତ ଦାସ ଓ ଅନ୍ୟଜଣେ ଅଧିକାରୀ ଶ୍ରୀ ଅଜିତ୍ ପଧାନ୍ ଯୋଗ ଦେଇଥିଲେ। ଖଦୀ ଓ ଗ୍ରାମ୍ୟ ଶିଳ୍ପ ଆୟୋଗ ତରଫରୁ ଆୟୋଜିତ ଉଦ୍ୟୋଗୀ ସଚେତନତା କାର୍ଯକ୍ରମ ରେ ସ୍ଥାନୀୟ ସରପଞ୍ଚ ତଥା ସମାଜସେବୀ ଶ୍ରୀ ଅଶୋକ ପଟେଲ୍ ଙ୍କ ଉଦ୍ୟମ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମ ରେ ସ୍ପେସ ତରଫରୁ ପି ଏମ ଇ ଜି ପି ଏବଂ ସ୍ବାବଲମ୍ବୀ ହେବା ପାଇଁ ଯୋଜନା ଓ କାର୍ଯକ୍ରମ ସମ୍ପର୍କ ରେ ସ୍ପେସ ର ସଭାପତି ଶ୍ରୀ ଜଗତ କୁମାର ଜନ ସାଧାରଣ ତଥା ମହିଳା, ଏମ ବି କେ, ସି ଆର୍ ପି ଓ ବ୍ୟାଙ୍କମିତ୍ର ମାନଙ୍କୁ ଅବଗତ କରିଥିଲେ। ଏହି କାର୍ଯ୍ୟକ୍ରମ ଦ୍ଵାରା ଉଭୟ ପୁରୁଷ ଓ ମହିଳା ମାନେ କିପରି ସ୍ବାବଲମ୍ବୀ ହୋଇ ପାରିବେ ସେ ବିଷୟରେ ସମସ୍ତ ଅତିଥି ମାନେ ଆଲୋପାତ୍ କରିଥିଲେ। କିପରି ବ୍ୟାଙ୍କ୍ ମାନଙ୍କ ଠୁ ଋଣ ଆଣି ନିଜେ ନିଜେ ଘରେ କ୍ଷୁଦ୍ର ଶିଳ୍ପ ବସାଇ ସ୍ବାବଲମ୍ବୀ ହୋଇ ପାରିବେ ତାହା ଥିଲା ଆଜିର ସଚେତନତା କାର୍ଯକ୍ରମ ର ମୂଳ ଉଦ୍ଦେଶ୍ୟ  l