15-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ହୃଦରୋଗରେ ପିଡୀତ ୧୫ ବର୍ଷୀୟ ହୃଦ୍ ରୋଗୀ ତଥା ସାମ୍ୱାଦିକ ଯୁଧିଷ୍ଟିର ସାହୁଙ୍କ ପୁଅ ହର୍ଷବର୍ଦ୍ଧନ ଙ୍କ ବାସଭବନ ରେ ଆଜି ପହଁଚିଲେ ସୁବର୍ଣ୍ଣପୁର ଏସପି ଶ୍ରୀ ନାରାୟଣ ନାଏକ ଓ ୧୦ ହଜାର ଟଙ୍କା ଆର୍ଥିକ ସହାୟତା କରି ରୋଗୀ ର ସ୍ୱାସ୍ଥ୍ୟ ଅବସ୍ଥା ବୁଝି ନିରୀହ ପରିବାର କୁ ସାହସ ଯୋଗାଇଲେ l କଟକ ଏସ୍ ସି ବି ମେଡ଼ିକାଲ ର ପ୍ରାକ୍ତନ ଅଧୀକ୍ଷକ ତଥା ନେସନାଲ ମେଡିକାଲ୍ କାଉନସିଲ ମେମ୍ବର  ଡାକ୍ତର ଦତ୍ତେଶ୍ୱର ହୋତା ମଧ୍ଯ ପିଡୀତ ଙ୍କ ଘରେ ପହଞ୍ଚି ଭିଡିଓ କଲ ମାଧ୍ୟମରେ କଟକ ବଡ଼ ଡ଼ାକ୍ତରଖାନାର କାଡିଓଲୋଜି ମୁଖ୍ୟ ଡ଼ାକ୍ତର ମନୋଜ ପଟ୍ଟନାୟକ ଓ ଡାକ୍ତରୀ ଦଳ ସହ ରୋଗୀ ର ସ୍ୱାସ୍ଥ୍ୟ ଅବସ୍ଥା ଉପରେ ଓ ଅପରେସନ ପ୍ରସ୍ତୁତି ଉପରେ ଆଲୋଚନା କରିଥିଲେ l ଚାରି ପାଞ୍ଚ ଦିନ ପୂର୍ବରୁ ସାମ୍ୱାଦିକ ଙ୍କ ଠାରୁ ଏ ଖବର ଶୁଣି ପ୍ରଥମେ ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପରାଜ ସାହୁ ମଧ୍ୟ ଓଡ଼ିଶା ସାମ୍ୱାଦିକ ସଂଘ ଜିଲ୍ଲା ଶାଖା କର୍ମକର୍ତ୍ତାଙ୍କ ସହ ପହଞ୍ଚି ହର୍ଷବର୍ଦ୍ଧନ ର ସ୍ୱାସ୍ଥ୍ୟ ଅବସ୍ଥା ଦେଖି ସ୍ୱାସ୍ଥ୍ୟ ବିଭାଗ ସହ ଆଲୋଚନା କରି ସରକାରୀ ସ୍ଥରରେ ଉଚ୍ଚ ଓ ଉତ୍ତମ ଚିକିତ୍ସା ପାଇଁ ଫୋନ୍ ମାଧ୍ୟମରେ ପରାମର୍ଶ କରିଥିଲେ l ଏହି ସମୟରେ ଓଡ଼ିଶା ସାମ୍ୱାଦିକ ସଂଘ ପକ୍ଷରୁ ହର୍ଷବର୍ଦ୍ଧନ ଙ୍କ ଚିକିତ୍ସା ପାଇଁ ୧୦ ହଜାର ଟଙ୍କା ଆର୍ଥିକ ସହାୟତା କରି ଥିଲେ l ଜିଲ୍ଲାପାଳ ଙ୍କ ଅନୁରୋଧ  କ୍ରମେ ପରେ ଡାକ୍ତର ହୋତା ଏଠାରେ ପହଞ୍ଚି  ପିଡୀତ ଙ୍କ ସ୍ୱାସ୍ଥ୍ୟ ଓ ପୂର୍ବରୁ ଚିକିତ୍ସା କରିଥିବା ସବୁ ଡକ୍ୟୁମେଣ୍ଟ ଯାଞ୍ଚ କରି ସ୍ଥିତି ପରଖି ଥିଲେ l ଏ ଖବର ପ୍ରଚାର ପରେ ସ୍ଥାନୀୟ କୋଶଳ ଆବାସିକ ବିଦ୍ୟାଳୟ ପକ୍ଷରୁ ୫ ହଜାର ଟଙ୍କା, ମହାରାଜା ହାଇସ୍କୁଲ ୧୯୯୧ ବ୍ୟାଚ୍ ପକ୍ଷରୁ କୋଡିଏ ହଜାର ଟଙ୍କା ପିଡୀତ ଙ୍କ ପିତାମାତା ଙ୍କୁ ସହାୟତା ପ୍ରଦାନ କରାଯାଇଛି l ଓ ଜିଲ୍ଲାପାଳ, ଏସପି, ଡାକ୍ତରୀ ଦଳ, ସାମ୍ୱାଦିକ ସଂଘ, ଓ ହର୍ଷବର୍ଦ୍ଧନ ଙ୍କ ପଡିଶା ଲୋକ ଙ୍କ ପକ୍ଷରୁ ମା ସୁରେଶ୍ଵରୀ ଓ ନିକଟସ୍ଥ ଗୁଣ୍ଡିଚା ମନ୍ଦିର ର ନରସିଂହ ବାବା ଙ୍କ ଠାରେ ପିଡୀତ ଙ୍କ ପାଇଁ ଆରୋଗ୍ୟ କାମନା କରାଯାଇଛି l ଜିଲ୍ଲାପାଳ, ଏସପି,  ଡାକ୍ତର  ହୋତା ଙ୍କ ସମେତ ଜିଲ୍ଲା ପ୍ରଶାସନ, ଓଡ଼ିଶା ସାମ୍ୱାଦିକ ସଂଘ ଓ ସ୍ବେଛାସେବୀ ଓ ଶିକ୍ଷା ଅନୁଷ୍ଠାନ ର  ଏ ମହନୀୟତା କାର୍ଯ୍ଯ କୁ ବୁଦ୍ଧିଜୀବି ମହଲ ରେ ଉଚ୍ଚ ପ୍ରଶଂସା କରାଯାଇଛି l