22-Sep-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ସ୍ଥିତ ବାବା କପିଳେଶ୍ୱର ପୀଠରେ ହେବାକୁ ଯାଉଥିବା କଲାସି ଯାତ୍ରା ନେଇ ଆଲୋଚନା ଓ ପ୍ରଭୁଙ୍କ ଦର୍ଶନ ପାଇଁ ଆଜି ସୁବର୍ଣ୍ଣପୁର ଜିଲ୍ଲାପାଳ ନୃପରାଜ ସାହୁ ମନ୍ଦିର ପରିଦର୍ଶନ କରିଥିଲେ।ଏହି ପରିପ୍ରେକ୍ଷୀରେ ମନ୍ଦିର କମିଟି ସଭାପତି ଅଶୋକ ପୃଷ୍ଟିଙ୍କ ସହ ମନ୍ଦିର ସେବାୟତ, ଶ୍ରଦ୍ଧାଳୁ ଭକ୍ତ ଓ ଅଞ୍ଚଳର ଜନସାଧାରଣଙ୍କ ତରଫରୁ ଜିଲ୍ଲାପାଳଙ୍କୁ ସ୍ବାଗତ କରାଯାଇ ମନ୍ଦିରକୁ ପାଛୋଟି ଅଣାଯାଇଥିଲା। ଜିଲ୍ଲାପାଳ ଶ୍ରୀ ସାହୁ ପ୍ରଥମେ ବାବା କପିଳେଶ୍ୱରଙ୍କୁ ଦର୍ଶନ କରି ମାଁ ଚରଦେଇଙ୍କ ଆଶୀର୍ବାଦ ନେଇଥିଲେ ।ପରେ ସ୍ଥାନୀୟ କଲ୍ୟାଣ ମଣ୍ଡପ ଠାରେ ଟ୍ରଷ୍ଟ ବୋର୍ଡ ସଭାପତି ଶ୍ରୀ ପୃଷ୍ଟିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆଲୋଚନାଚକ୍ରରେ ଅଂଶ ଗ୍ରହଣ କରି ଜିଲ୍ଲାପାଳ ମନ୍ଦିରର ଉନ୍ନତି ଦିଗରେ ପଦକ୍ଷେପ ନିଆଯିବ ବୋଲି କହିଥିଲେ।ଏହି ଅବସରରେ ପୀଠରେ ହେବାକୁ ଯାଉଥିବା କଳସୀ ଯାତ୍ର କିପରି ସଫଳତା ସହିତ ଅନୁଷ୍ଟିତ ହେବ ସେ ନେଇ ବିଶଦ ଆଲୋଚନା କରାଯାଇଥିଲା ।ଯାତ୍ରା ଦିନ ବିଭିନ୍ନ ଗ୍ରାମରୁ ଆସୁଥିବା ବରୁଆ ମାନଙ୍କୁ ଜିଲ୍ଲାପାଳ ଉପଢୌକନ ଦେଇ ସମ୍ବର୍ଦ୍ଧିତ କରିବା ସହିତ ତାଙ୍କ ଠାରୁ  ସମସ୍ୟା ସମ୍ବନ୍ଧୀୟ ଦାବିପତ୍ର ଗ୍ରହଣ କରିଥିଲେ।ଅନୁଷ୍ଟିତ ଏହି ସଭାରେ ବିନିକା ତହସିଲଦାର,ଥାନା ଅଧିକାରୀ,ବିଡ଼ିଓ,ସ୍ଥାନୀୟ ସରପଞ୍ଚ ଉପସ୍ଥିତ ଥିଲେ ।ପରେ ମନ୍ଦିର କମିଟି ସଭାପତି ଶ୍ରୀ ପୃଷ୍ଟି ଜିଲ୍ଲାପାଳଙ୍କୁ ୭ଦଫା ସମ୍ବଳିତ ଏକ ଦାବିପତ୍ର ପ୍ରଦାନ କରିଥିଲେ।ଦାବିପତ୍ରରେ ଉଲ୍ଲେଖ କରିଛନ୍ତି ଯେ କଳସୀ ଯାତ୍ରାକୁ ସ୍ଵତନ୍ତ୍ର ଅନୁଦାନ ଯୋଗାଇ ଦିଆଯିବା ସହ ବିଭିନ୍ନ ଗ୍ରାମରେ ଥିବା କଲାଶି କୁଠି କୁ ଆର୍ଥିକ ମଞ୍ଜୁର,ଯାତ୍ରାରେ ଅତ୍ୟଧିକ ଭିଡ ଦୃଷ୍ଟିରୁ ଆବଶ୍ୟକୀୟ ସ୍ଥାନ ଦରକାର ପଡୁଥିବାରୁ ମନ୍ଦିର ଚତୁରପାର୍ଶ୍ଵରେ ଥିବା ଜବରଦଖଲ କାରୀଙ୍କୁ ଉଚ୍ଛେଦ କରାଯାଉ,ଦର୍ଶନ ପାଇଁ ଆସୁଥିବା ଭକ୍ତ ଓ ଅନ୍ୟ ସ୍ଥାନରୁ ଆସୁଥିବା ଛତର ସହ ବରୁଆ ଙ୍କୁ ସୁରକ୍ଷା ପ୍ରଦାନ,ଓରମାସ ତରଫରୁ ସ୍ୱଚ୍ଛ ସେବା ଯୋଗାଇ ଦିଆଯାଉ,ମିଶନ ଶକ୍ତି କେନ୍ଦ୍ର ଖୋଲାଯାଉ,ନନ୍ଦନମାଲ ଠାରୁ ଆସିଥିବା ପ୍ରଧାନମନ୍ତ୍ରୀ ରାସ୍ତାକୁ ସମ୍ପୂର୍ଣ୍ଣ କରଣ ସହ ଚରଦା ଗ୍ରାମର ଚାରି ପାର୍ଶ୍ୱ ରାସ୍ତାକୁ ସମ୍ପ୍ରସାରଣ କରାଯାଉ ଆଦି ପ୍ରମୁଖ ଦାବି ରହିଛି ।