06-Sep-2025

ଲୁହରେ ଭିଜିଲା ଗାଁ ମାଟି, ଶେଷ ଯାତ୍ରାରେ ସାମିଲ ହେଲେ ହଜାର ହଜାର ଜନତା

ଅତାବିରା(ଆକାଶ ମିଶ୍ର): ସମସ୍ତଙ୍କ ମନରେ କ୍ଷୋଭ, ଆଖିରେ ଲୁହ ଆଉ ଅନ୍ତରରେ କୋହ। ଚାରି ଆଡେ ଗୁଞ୍ଜରିତ ହେଉଥିଲା ଗୋଟିଏ ନାରା ‘ସହିଡ ଖଗେନ୍ଦ୍ର ଅମର ରହେ’। ଗୋଟିଏ  ପଟେ ଜିଲ୍ଲା ତଥା ଅଞ୍ଚଳର ଜନତାଙ୍କ  ନାରା ଆଉ ଅନ୍ୟ ପଟେ ପରିବାର  ର କ୍ରନ୍ଦନର ରୋଳ ରେ ହା ହାକାର  ହୋଇ ଉଠୁଥିଲା ବରଗଡ଼ ଜିଲ୍ଲା ଅତାବିରା ଅଞ୍ଚଳ ଗୋଡଭାଗା ।  ମଣିପୁର  ,ମିଜୋରାମ  ଅନ୍ତର୍ଗତ ଆଇଯାଲ ରେ ବି ଏସ ଏଫ ଜୱାନ ଭାବେ ଦୀର୍ଘ ବାର ବର୍ଷ ଧରି ମାତୃ ଭୂମିର ସେବାରେ ନିଜକୁ ସମର୍ପିତ  କରି ଥିବା ଭାରତୀୟ ଜୱାନ୍ ଖଗେଶ୍ବର ମହାପାତ୍ରଙ୍କ ମର ଶରୀର ଆଜି ସକାଳେ ୩ ଟା ରେ ଆସି ପହଞ୍ଚିଥିଲା ରାୟପୁର ବିମାନ ବନ୍ଦରରେ।ସେଠାରେ ତାଙ୍କୁ ରାଷ୍ଟ୍ରୀୟ ମର୍ଯ୍ୟାଦା ସହ ରାୟପୁର ର ବି ଏସ ଏଫ୍ 

କାର୍ଯ୍ୟାଳୟ ର  ସୀମା ସୁରକ୍ଷା ବଳ ଙ୍କ ଦ୍ଵାରା ତାଙ୍କ ଜନ୍ମ ମାଟିକୁ  ଅଣାଯାଇଥିଲା । ଟୁଟନ ଦାସ, କରୁଣା ସୁତ୍, କ୍ରିଷ୍ଣା କୁମାର, ମୁନେଶ ସିଂ,ଅଜୟ ସିଂ,ଯୋଗେନ୍ଦ୍ର ସିଂ,ତରଣି ମଣ୍ଡଳ, ବିରେନ୍ଦ୍ର ଯାଦବ, ମହମ୍ମଦ ମୁଖବୁଲ,ସୁରେଶ ଶର୍ମା ଆଦି ଜଵାନ୍ ମାନେ ତାଙ୍କ ମର ଶରୀରକୁ ଅତି ସମ୍ମାନ ର ନେଇ ଆସିଥିଲେ ତାଙ୍କ ପୈତୃକ ମାଟିକୁ ।
 ସହିଦ ହୋଇଥିବା  ଓଡ଼ିଆ ବୀର ଯବାନଙ୍କ ମରଶରୀରକୁ ଶୋଭାଯାତ୍ରାରେ ନିଆଯାଉଥିବା ବେଳେ ହଜାର ହଜାର ଜନତା ଅତାବିରା  ରାସ୍ତାର ଉଭୟ ପାର୍ଶ୍ବରେ ଉପସ୍ଥିତ ରହି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।   ଗୋଡଭଗା ଗ୍ରାମରେ ପହଞ୍ଚିବା ପରେ  ତାଙ୍କ ମର ଶରୀର କୁ ଘର ସମ୍ମୁଖରେ ରଖି   ରାଷ୍ଟ୍ରୀୟ  ସଲାମୀ ଦେଇ  ଶରୀର ଉପରେ ଘୋଡା ଯାଇଥିବା   ତ୍ରିରଙ୍ଗା ପତାକା କୁ  ପରିବାର କୁ ହସ୍ତାନ୍ତର କରିଥିଲେ ।ଜିଲ୍ଲା ତଥା ଅଞ୍ଚଳର ହଜାର ହଜାର ଲୋକ , ମାନ୍ୟଗଣ୍ୟ ବ୍ୟକ୍ତି, ଅନୁଷ୍ଠାନ ,ସମସ୍ତେ ତାଙ୍କର ଶେଷ ଦର୍ଶନ କରିଥିଲେ । ଏହାପରେ  ଭାରତୀୟ ଜଵାନ ଙ୍କ  ମାର୍ଚ୍ଚ ପାଷ୍ଟ ସହ  ଗ୍ରାମ ପରିକ୍ରମା  କରାଯାଇ ଗ୍ରାମର ସ୍ଵର୍ଗଦ୍ଵାର କୁ  ନିଆଯାଇଥିଲା ।  ସାନ ଭାଇ ଅନିଲ ମୁଖlଗ୍ନୀ ଦେଇଥିଲେ ।  ସେଠାରେ ଶେଷ ସଲାମୀ ଦିଆଯାଇ ଶେଷ କୃତ୍ୟ ସଂପନ୍ନ ହୋଇଥିଲା ।