12-Aug-2025

ଅତାବିରା(ଆକାଶ ମିଶ୍ର): ଆଜି ଅତାବିରା ମହାବିଦ୍ୟାଳୟରେ ବରଗଡ଼ ଜିଲ୍ଲା ଓ ଅତାବିରା ବ୍ଲକ ବରିଷ୍ଠ ନାଗରିକ ସଂଘର ମିଳିତ ଆନୁକୁଲ୍ୟରେ " ବରିଷ୍ଠ ହତାଦର" ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି ।ମହାବିଦ୍ୟାଳୟ ର ଅଧ୍ୟକ୍ଷ ଅଶ୍ୱିନୀ କୁମାର ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଚେତନତା କାର୍ଯ୍ୟକ୍ରମରେ ଜିଲ୍ଲା ବରିଷ୍ଠ ନାଗରିକ ସଂଘର ସଭାପତି ପ୍ରମୋଦ ଝାଙ୍କର, ସମ୍ପାଦକ ଗୋବିନ୍ଦ ଦାଶ, ସଂଗଠନ ସମ୍ପାଦକ କେଦାର ମିଶ୍ର, ବ୍ଲକ ବରିଷ୍ଠ ନାଗରିକ ସଂଘର ସଭାପତି ଭରତ ଚନ୍ଦ୍ର ପ୍ରଧାନ, ପୂର୍ବତନ ବ୍ଲକ ବରିଷ୍ଠ ନାଗରିକ  ସଂଘର ସଭାପତି ବେଣୁଧର ମିଶ୍ର, ଅଧ୍ୟାପକ ସୂର୍ଯ୍ୟନାରାୟଣ ବିଶ୍ଵାଳ ପ୍ରମୁଖ ମଞ୍ଚାସିନ

ରହିଥିଲେ । ଅଧ୍ୟକ୍ଷ ଶ୍ରୀଯୁକ୍ତ ପ୍ରଧାନ ଅତିଥି ପରିଚୟ ପ୍ରଦାନ   ସ୍ଵାଗତ ଅଭିଭାଷଣ ପ୍ରଦାନ କରିଥିଲେ । ମଞ୍ଚାସିନ ବରିଷ୍ଠ ନାଗରିକ ମାନଙ୍କୁ   ଫୁଲ ଚନ୍ଦନ ଦେଇ ସ୍ଵାଗତ କରିବା ଉପଢୌକନ  ଦେଇ ସମ୍ମାନିତ କରାଯାଇଥିଲା ।ଉପସ୍ଥିତ ୬୦ ରୁ ଉର୍ଦ୍ଧ୍ବ ବରିଷ୍ଠ ନାଗରିକ ଙ୍କୁ  ଛାତ୍ର ଛାତ୍ରୀ  ମାନେ ଫୁଲ ଚନ୍ଦନ ଦେଇ  ସ୍ଵାଗତ ସଙ୍ଗୀତ ମାଧ୍ୟମରେ ସମ୍ମାନ ଜଣାଇଥିଲେ ।
ରାଜ୍ୟରେ ନିର୍ଯ୍ୟାତିତ ଓ ଅସହାୟ ବରିଷ୍ଠ ନାଗରିକଙ୍କ ସଂଖ୍ୟା ବଢ଼ି ଚାଲିଛି। କିଏ ପରିବାର ଭିତରେ ରହି ଯନ୍ତ୍ରଣା ପାଉଛି ତ ଆଉ କିଏ କୋର୍ଟ କଚେରୀ ଦୌଡ଼ି ନ୍ୟାୟ ପାଇବା ପାଇଁ ଅସମର୍ଥ।  ବରିଷ୍ଠ ନାଗରିକମାନେ ଜୀବନର ଶେଷ ସମୟରେ ବହୁତ ସମସ୍ୟାର ସମ୍ମୁଖୀନ ହୋଇଥାନ୍ତି। ଅନେକ ଦମ୍ପତ୍ତିଙ୍କ ପିଲାମାନେ ବାହାରେ ରହୁଛନ୍ତି। ପରିବାର ସଦସ୍ୟ ପାଖରେ ଥାଇ ମଧ୍ୟ ସେମାନେ ଅବହେଳାର ଶିକାର ହେଉଛନ୍ତି। ପରିବାର ରେ ବରିଷ୍ଠ ଲୋକଙ୍କ ଭୂମିକା  ଅତୀତରେ ମହାନ୍ ଭୂମିକା ରହିଥିଲା ।   ସେମାନେ ଅନୁଭୂତି ସମ୍ପନ୍ନ ।ତେଣୁ ପରିବାର ର ଆର୍ଥିକ, ନୈତିକ, ସାମାଜିକ, ସାଂସ୍କୃତିକ ଅଭିବୃଦ୍ଧି ରେ ପ୍ରତ୍ୟକ୍ଷ ବା ପରୋକ୍ଷରେ  ବରିଷ୍ଠ ବ୍ୟକ୍ତି ମାନଙ୍କର ପରାମର୍ଶ  ଲୋଡା ଯାଉଥିଲା ।କିନ୍ତୁ ଏବେ ଯେମିତି  ବୋଝ

ହୋଇ ଯାଉଛନ୍ତି  ତଥାକଥିତ ଶିକ୍ଷିତ ଯୁବ ସମାଜ ପାଇଁ । ଜୀବନର ପରିଣତ ବୟସରେ ପରିବାର ଠାରୁ ଦୂରରେ ବୃଦ୍ଧାଶ୍ରମ ରେ  ଜୀବନ ଅତିବାହିତ କରୁଥିବା ସେଇ  ବୃଦ୍ଧ ବୃଦ୍ଧା ମାନେ ନିଜ ଭାଗ୍ୟକୁ ନିନ୍ଦୁଛନ୍ତି । ଜୀବନ ସାରା ପରିବାର ର ବୋଝ ବହନ କରି ଆସିଥିବା ବୃଦ୍ଧ ବାପା ମାଁ  ଆଜି ସମାଜ ରେ ମୂଲ୍ୟହୀନ ହୋଇଛନ୍ତି ।ଏମିତି ଅନେକ ସତ୍ୟ ଘଟଣାକୁ କାହାଣୀ ରୂପରେ ପ୍ରୋଜେକ୍ଟର  ମାଧ୍ୟମରେ ଦେଖାଇ  ଛାତ୍ର ଛାତ୍ରୀଙ୍କୁ ସଚେତନ କରାଯାଇଥିଲା । କାରଣ  ଯୁବ ପୀଢ଼ି  ସଚେତନ ହେଲେ  ଏହି ସମସ୍ୟାର  ସମାଧାନ ସରଳ ହୋଇଯିବ  ବୋଲି ଶ୍ରୀ ଝlଙ୍କର ଛାତ୍ରଛାତ୍ରୀଙ୍କୁ ଉଦବୋଧନ ଦେଇଥିଲେ । ଶ୍ରୀ ଦାଶ  ପ୍ରୋଜେକ୍ଟର ମାଧ୍ୟମରେ କାର୍ଯ୍ୟକ୍ରମ ର ଅବତାରଣା  କରିଥିଲେ । ଶେଷରେ ଅଧ୍ୟାପକ ଶ୍ରୀଯୁକ୍ତ ବିଶ୍ଵାଳ ଧନ୍ୟବାଦ୍ ଅର୍ପଣ କରିଥିଲେ ।ଉକ୍ତ କାର୍ଯ୍ୟକ୍ରମରେ ନିତ୍ୟା ପ୍ରଧାନ,ରଘୁ ବିଶ୍ଵାଳ,ଲେଶ ପ୍ରଧାନ, ନବୀନ ଦାଶ,ତୁଳସୀ ଚରଣ ଦାଶ,ବିରେନ୍ଦ୍ର ମିଶ୍ର ପ୍ରମୁଖ ସହଯୋଗ କରିଥିଲେ ।