23-Jul-2025

ନବରଙ୍ଗପୁର(ମିହିର ଶଙ୍କର ପାତ୍ର)
-"ରାଜ୍ୟରେ ନୂଆ ସରକାର ଆସିବାପରେ ‘ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା’, ‘ଗୋପବନ୍ଧୁ ଜନ ଆରୋଗ୍ୟ ଯୋଜନା’ ଏବଂ ‘ଆୟୁଷ୍ମାନ ବୟୋ ବନ୍ଦନା ଯୋଜନା’ ଲାଗୁ ହୋଇଯାଇଛି। ଏହି ପରିପ୍ରେକ୍ଷୀରେ ନବରଙ୍ଗପୁର ଜିଲ୍ଲା ରେ ମଧ୍ୟ ଏହି ଯୋଜନା ଆରମ୍ଭ ହୋଇଯାଇଛି। ପ୍ରଥମ ପାଳିରେ ଆଶା ଦିଦିମାନେ ଘର ଘର ବୁଲି ହିତାଧିକାରୀଙ୍କୁ ଆୟୁଷ୍ମାନ ଭାରତ ସ୍ବାସ୍ଥ୍ୟ କାର୍ଡ ବଣ୍ଟନ କରୁଛନ୍ତି। ଆୟୁଷ୍ମାନ କାର୍ଡ ସହ ବାୟୋମେଟ୍ରିକ ଯୋଡିବା କିମ୍ବା ଇ-କେୱାଇସି ପାଇଁ ଗ୍ରାମ ସ୍ତରୀୟ ଉଦ୍ୟୋଗୀ – ସାଧାରଣ ସେବା କେନ୍ଦ୍ର ( ସିଏସସି ) ସେଣ୍ଟର ଗୁଡିକୁ ଦାୟିତ୍ୱ ଦିଆଯାଇଛି। ଯାହାକି ରାଜ୍ୟ ଓ କେନ୍ଦ୍ର ସରକାର ଘୋଷଣା ମୁତାବକ ହିତାଧିକାରୀଙ୍କୁ ଏହି ବାବଦକୁ କୌଣସି ଅର୍ଥ ପୈଠ କରିବାକୁ ପଡିବ ନାହିଁ। ହେଲେ ନବରଙ୍ଗପୁର ଜିଲ୍ଲା ପାପଡାହାଣ୍ଡି  ଏବଂ ଡାବୁଗାଁ ବ୍ଲକ ରେ ଏହାର ଭିନ୍ନ ବ୍ୟତିକ୍ରମ ଦେଖିବାକୁ ମିଳିଛି। ପାପଡାହିଣ୍ଡି କିଛି କମନ ସର୍ଭିସ ସେଣ୍ଟର ଗୁଡିକରେ ବାୟୋମେଟ୍ରିକ ବା ଇ-କେୱାଇସି ପାଇଁ ହିତାଧିକାରୀଙ୍କ ଠାରୁ ଅର୍ଥ ଆଦାୟ କରୁଥିବା ଅଭିଯୋଗ ହୋଇଛି।  ଇ-କେୱାଇସି ପାଇଁ  ମୁଣ୍ଡ ପିଛା ୨୦ ରୁ ୧୦୦ଟଙ୍କା ଲେଖାଏଁ ହିତାଧିକାରୀ ମାନଙ୍କୁ ମାଗୁଥିବା ଦେଖି ବାକୁ ମିଳିଛି। ଏପରି ଦୂଶ୍ୟ ପାପଡାହାଣ୍ଡି ବ୍ଳକ ମାନିଗାଁ ଅନ୍ତର୍ଗତ ରାଉଲିଗୁଡା ରେ  ସି ଏସ୍ ସି ସେଣ୍ଟର ଖୋଲିଥିବା ପୁରୁଷୋତ୍ତମ ଜାନୀ ମାନିଗାଁ ର ମୂଷାପାଲା ଗ୍ରାମ ସହ ବିଭିନ୍ନ ଗ୍ରାମରେ ଯାଇ ଇ- କେଓ୍ବାସି କରିବା ପାଇଁ ମୁଣ୍ଡ ପିଛା ୨୦ ଟଙ୍କା ମାଗୁଥିବା ନିଜେ ପ୍ରକାଶ କରିଛନ୍ତି । ଏହି କାମରେ ତାଙ୍କୁ ସ୍ଥାନୀୟ ଆଶା ଦିଦି ମଧ୍ୟ ସହଯୋଗ କରିଥିବା ଦେଖିବାକୁ  ମିଳିଛି। ଆୟୁଷ୍ମାନ ଯୋଜନାରେ ହିତାଧିକାରୀଙ୍କୁ ଯୋଡିବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ସମ୍ପୂର୍ଣ୍ଣ ମାଗଣା ଘୋଷିତ କରିଥିବା ବେଳେ ଲାଭଖୋର ମନୋବୃତ୍ତି ରଖିଥିବା କମନ ସର୍ଭିସ ସେଣ୍ଟର ଗୁଡିକରେ ଗରୀବ ଲୋକଙ୍କୁ ଶୋଷଣ କରୁଥିବା ଅଭିଯୋଗ ହୋଇଛି। ପୂର୍ବରୁ ରାଜ୍ୟ ସରକାର ଙ୍କ ତରଫରୁ ଏକ ଚିଠି ନଂ.୮୨ ତା-୧୫. ୦୪. ୨୦୨୫  ପ୍ରକାଶ ପାଇଛି ଯେଉଁଥିରେ କି ସିଧାସଳଖ କମନ ସର୍ଭିସ ସେଣ୍ଟର ଗୁଡିକୁ ଆୟୁଷ୍ମାନ ଯୋଜନାରେ କୌଣସି ପ୍ରକାରର ଅର୍ଥ ଆଦାୟ ନ କରିବା ଓ ହିତାଧିକାରୀଙ୍କ ଠୁ ଅନ୍ୟଥା ଟଙ୍କା ନନେବା ପାଇଁ ସିଧାସଳଖ ମନା କରାଯାଇଛି। ଯଦି ଏହାର ଅବମାନନା କରାଯାଏ ତାହେଲେ କମନ୍ ସର୍ଭିସ ଖୋଲି ଥିବା ବ୍ୟକ୍ତିମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ଖବର ପ୍ରସାରଣ ପରେ ଜିଲ୍ଲାପାଳ ଏବଂ ନବରଙ୍ଗପୁର ଜିଲ୍ଲା ସାଧାରଣ କେନ୍ଦ୍ର ପରିଚଳକ ମୁଖ୍ୟ ଏମଡି ଆନିଶ ରାଉଲିଗୁଡା ସିଏସ ସେଣ୍ଟର ର ପୁରୁଷୋତ୍ତମ ଜାନୀ ଙ୍କ ଉପରେ କଣ  କାର୍ଯ୍ୟନୁଷ୍ଠାନ ଗ୍ରହଣ କରିବେ ଦେଖିବାକୁ ବାକି ରହିଲା।

*ବିଦ୍ର:- ଆୟୁଷ୍ମାନ କାର୍ଡ ପାଇଁ ଟଙ୍କା ଆଦାୟ ଘଟଣାରେ ପାପଡାହାଣ୍ଡି ଠାରେ ଚାଲିଥିବା ଜଣାଶୁଣାଣୀରେ ଜିଲାପାଳଙ୍କୁ ଲିଖିତ ଭାବେ ଅଭିଯୋଗ କରିଥିଲେ ହିତାଧିକାରୀ*