16-Jun-2025

ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସଦର ତହସିଲ ପରା ରାଜସ୍ୱ ସର୍କଲ ଘୁଲୁଘୁଲାପଦର ମୌଜା ରୁ ଗ୍ରାମବାସୀ ଙ୍କ ଅଜାଣତରେ ୫୯.୬୦ ଏକର ପତିତ କିସମ ର ଜମିକୁ ସରକାର ପରିଚାଳନା ନିର୍ଦେଶକ ଓଡିଶା ଶିଳ୍ପ ଭିତ୍ତିଭୂମି ଉନ୍ନୟନ ନିଗମ ଭୁବନେଶ୍ୱର ଙ୍କ ନାମରେ କରିନେବା ପରେ ସୋମବାର ଜିଲ୍ଲାପାଳଙ୍କ କଣ୍ଟାମାଳ ବ୍ଲକ ସ୍ତରୀୟ ଅଭିଯୋଗ ଶିବିରରେ ଗ୍ରାମର ଶତାଧିକ ମହିଳା ଜିଲ୍ଲାପାଳଙ୍କୁ ଅଭିଯୋଗ କରି ତାଙ୍କ ଗ୍ରାମର ଜମିକୁ ଆଉ କାହାରିକୁ ନଦେବା ପାଇଁ ଲିଖିତ ଭାବରେ ଜଣାଇଛନ୍ତି |ମହିଳାଙ୍କ ଅଭିଯୋଗ ଅନୁସାରେ ଘୁଲୁଘୁଲାପଦର ମୌଜା ରୁ ପୂର୍ବରୁ ସରକାର ଉଦ୍ୟାନ ବିଭାଗ କୁ ୫ଏକର, ବିଦ୍ୟୁତ ବିଭାଗ, ମହିଳା ମହାବିଦ୍ୟାଳୟ ପଲଶାଗୋରା କୁ ଜମି ଦେଇଥିବା ବେଳେ ଆଉ ଯାହା ବଳକା ଥିଲା ସେତକ ବି ସରକାର ଶେଷରେ କମ୍ପାନୀ ହାତକୁ ଟେକି ଦେଇ ଗ୍ରାମବାସୀ ଙ୍କ ଜୀବନ ଜୀବିକା ଉପରେ ଲାତ ମାରୁଥିବା ଅଭିଯୋଗ ଆଣିଛନ୍ତି ମହିଳା | ମହିଳା ଙ୍କ କହିବା ଅନୁସାରେ ଉକ୍ତ ଜମିରେ ଗ୍ରାମର ମହିଳା ମାନେ କେନ୍ଦୁପତ୍ର ତୋଳି, ଝାଡୁ ତିଆରି ବାଢୁନ ସଂଗ୍ରହ କରି ନିଜର ପରିବାର ପ୍ରତିପୋଷଣ କରିବା ସହ ଗ୍ରାମର ଦୁଇ ଶହରୁ ଅଧିକ ଗୋରୁ ଗାଇ ଚରିଥାନ୍ତି |ଉକ୍ତ ସ୍ଥାନରୁ ପାଣି ଆସି ପୋଖରୀରେ ବର୍ଷା ଦିନେ ଜମା ହୋଇ ଖରାଦିନ ପର୍ଯ୍ୟନ୍ତ ଜଳ ରହୁଥିବାରୁ ଗ୍ରାମବାସୀ ସ୍ନାନ ସଉଚ ହୋଇଥାନ୍ତି |ଏହି ଠାରେ ଗ୍ରାମର ଯୁବକ ମାନେ ଖେଳ ପଡିଆ କରିଥିଲେ |ଉକ୍ତ ଜମିକୁ ତୁରନ୍ତ କମ୍ପାନୀକୁ ନଦେଇ ଉକ୍ତ ସ୍ଥାନରେ କୌଣସି ସୋଲାର କିମ୍ବା ଅନ୍ୟ କୌଣସି କାର୍ଯ୍ୟ ନକରିବା କୁ ଜିଲ୍ଲାପାଳ ଙ୍କୁ ଲିଖିତ ଭାବରେ ଜଣାଇବା ସହ ଯଦି ଏହାକୁ ବାତିଲ କରାନଯାଏ ଗ୍ରାମବାସୀ ଜୀବନ ଦେବେ ପଛେ ନିଜର ଜମି ପାଇଁ ଜୋରଦାର ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି |