05-Jun-2025

ବରୀ (ରଞ୍ଜିତ ମହାନ୍ତି):  ଯାଜପୁର,ଜିଲ୍ଲାର ଅନ୍ୟତମ ବ୍ୟସ୍ତ ବହୁଳ ରାସ୍ତା -ବରୀ ରାସ୍ତା । ଏହି ରାସ୍ତାର ବିଭିନ୍ନ ଛକ ସ୍ଥାନ ମାନଙ୍କରେ ଜବର ଦଖଲ ବଢିବା ଦ୍ୱାରା ଛକ ସ୍ଥାନ ମାନଙ୍କରେ ବିଭିନ୍ନ ସମୟରେ ରାସ୍ତା ଜାମ ହେଉଛି । ଏହି ଜାମ ବିଶେଷ କରି ସଂଧ୍ୟା ସମୟରେ ଦେଖିବାକୁ ମିଳୁଛି । ପ୍ରମୁଖ ଛକରେ ସନ୍ଧ୍ୟା ସମୟରେ ରାସ୍ତା ଜାମ ହେବା ନୀତି ଦିନିଆ ଘଟଣା ହୋଇଛି । ପୂର୍ବରୁ ଏହି ଛକରେ ଜବର ଦଖଲ ଉଚ୍ଛେଦ ହୋଇଥିଲା ବେଳେ ଏହା ପୁଣି ଜବର ଦଖଲ ହୋଇ ସାରିଛି । କିଛି ଦୋକାନ ରାସ୍ତା ଉପରେ ସଂଧ୍ୟା ସମୟରେ ଖୋଲୁଛି । ଏହି ରାସ୍ତାର ବାଲିଆପାଳ, ସନ୍ଥନଛକ ସହିତ ବରୀ ମାଉଣ୍ଡ ବଜାର ଅବସ୍ଥା ମଧ୍ୟ ସଙ୍ଗିନ । ଜବର ଦଖଲ ପାଇଁ ରାସ୍ତା ଜାମ ହେବା ସହିତ ଦୁର୍ଘଟଣା ମଧ୍ୟ ବଢୁଥିବା ଅଭିଯୋଗ ହୋଇଛି । ତୁରନ୍ତ ଜିଲ୍ଲାପାଳ ଏ ନେଇ ପଦକ୍ଷେପ ନେବା ସହିତ ଜବର ଦଖଲ ଉଚ୍ଛେଦ କରିବାକୁ ଦାବି ହୋଇଛି ।