20-May-2025

ବଲାଙ୍ଗୀର,  ଗୋଟିଏ ଚାଷୀର ନିଜସ୍ୱ ଚାଷ ଜମିରେ ଥିବା ଗଛକୁ କଟାଇ ଏହାକୁ କରତକଳକୁ ନେବା ପାଇଁ ସରକାରୀ ଅନୁମୋଦନ କରାଇ ଦେବା ବାବଦକୁ ୨ଠ୧୯ ମସିହାରେ ଜଣେ ଲୋକଙ୍କ ଠାରୁ ୧ଠହଜାର ଟଙ୍କା ଲାଂଚ ନେଇଥିବା ଅଭିଯୋଗରେ ବଲାଙ୍ଗୀର ଜଙ୍ଗଲ ବିଭାଗର ପୂର୍ବତନ ଏକାଉଣ୍ଟେଣ୍ଡ ତଥା ଲିଜ୍ କ୍ଲାର୍କ କାଳିନ୍ଦୀ ଚରଣ ଭୂୟାଁ ଙ୍କ ନାମରେ ସମ୍ବଲପୁର ଭିଜିଲାନ୍ସ ବିଭାଗ ତରଫରୁ ମୁକଦ୍ଦମା ରୁଜୁ ହୋଇଥିଲା। ଶ୍ରୀ ଭୂୟାଁ ଙ୍କ ନାମରେ ସମ୍ବଲପୁର ଭିଜିଲାନ୍ସ କେଶ ନମ୍ବର ୧୬, ଦଫା ୭ ପ୍ରିଭେନସନ୍ ଅଫ୍ କରର୍ପସନ ଏକ୍ଟ୦୨୦୧୮ରେ ବଲାଙ୍ଗିର ଭିଜିଲାନ୍ସ କୋର୍ଟରେ କେଶ୍ ଚାଲିଥିଲା । ଓଡ଼ିଶା ଭିଜିଲାନ୍ସ ତରଫରୁ ଚାର୍ଜସିଟ୍ ଦାଖଲ ହେଲା ପରେ ବଲାଙ୍ଗୀର ଭିଜିଲାନ୍ସ କୋର୍ଟରେ ଶୁଣାଣି ଚାଲିଥିଲା ।  ତେବେ ଦୀର୍ଘ ୬ ବର୍ଷ ପରେ ଆଜି ମାନ୍ୟବର ବଲାଙ୍ଗୀର  ଭିଜିଲାନ୍ସ ଜଜ୍ ଏହି କେଶର ରାୟ ଶୁଣାଇଛନ୍ତି । ସମସ୍ତ ସାକ୍ଷୀ ଓ  ପ୍ରମାଣ କୁ ଭିତ୍ତି କରି ବଲାଙ୍ଗୀର ଜଙ୍ଗଲ ବିଭାଗର ଅବସରପ୍ରାପ୍ତ ଏକାଉଣ୍ଟେଣ୍ଡ କାଳିନ୍ଦୀ ଚରଣ ଭୂୟାଁ ଙ୍କୁ ଭିଜିଲାନ୍ସ କୋର୍ଟ ୩ ବର୍ଷର ସଶ୍ରମ କାରାଦଣ୍ଡ ଓ ୧ଠହଜାର ଟଙ୍କା ଜରିମାନା ଘୋଷଣା କରିଛନ୍ତି ।