11-May-2025

ଅତାବିରା(ଆକାଶ ମିଶ୍ର ) ସେବା ତଥା ଶୃଙ୍ଖଳା ର ପ୍ରତୀକ ଭାବେ ସମଗ୍ର ବିଶ୍ବର ବୃହତ୍ତମ ଅନୁଷ୍ଠାନ ହେଉଛି ସ୍କାଉଟ ଗାଇଡ । ଦୀର୍ଘ ୩ ବର୍ଷ ଧରି ନିଜର ସେବା ଓ ଶୃଙ୍ଖଳାର ଗୋଟିଏ ପରେ ଗୋଟିଏ ବ୍ୟାଜ୍ ଧାରଣ କରିସାରିଲା ପରେ ଶେଷରେ ଜଣେ ସ୍କାଉଟ  କିମ୍ବା ଗାଇଡ  ରାଜ୍ୟ ପୁରସ୍କାର ପରୀକ୍ଷା ଦେବା ପାଇଁ ଯୋଗ୍ୟ ବିବେଚିତ ହୋଇଥାଏ । ରାଜ୍ୟ ପୁରସ୍କାର ପରୀକ୍ଷାରେ ଉତ୍ତୀର୍ଣ୍ଣ ଛାତ୍ର ଛାତ୍ରୀମାନଙ୍କୁ ରାଜ୍ୟପାଳ ଦିଅନ୍ତି ସାର୍ଟିଫିକେଟ।  ଗତ ଶୁକ୍ରବାର  ରାଜଭବନ  ରେ ଥିଲା ଓଡ଼ିଶା ଭାରତ ସ୍କାଉଟ ଗାଇଡ ର ରାଜ୍ୟ ପୁରସ୍କାର ଉତ୍ସବ । ଏହି ଉତ୍ସବରେ  ମହାମହିମ ରାଜ୍ୟପାଳ  ହରିବାବୁ କମ୍ବପତି ,ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ,   କ୍ରୀଡା ମନ୍ତ୍ରୀ ସୂର୍ଯ୍ୟବଂଶୀ ସୁରଜ୍ ଓ ଓଡ଼ିଶା ରାଜ୍ୟ ସ୍କାଉଟ୍ ଗାଇଡ ର ମୁଖ୍ୟ କମିଶନର ଡଃ କାଳୀ ପ୍ରସାଦ ମିଶ୍ର ମଞ୍ଚାସିନ ଥିଲେ । ପ୍ରତି ଜିଲ୍ଲା ଭଳି ବରଗଡ଼ ଜିଲ୍ଲାରୁ ମଧ୍ୟ  ୫ ଜଣ ଗାଇଡ ଓ ୪ ଜଣ ସ୍କାଉଟ୍  ଏଥିରେ ଅଂଶଗ୍ରହଣ କରିଥିଲେ । ସେମାନଙ୍କ ମଧ୍ୟରୁ ପଞ୍ଚାୟତ ଉଚ୍ଚ ବିଦ୍ୟାଳୟ ର ଛାତ୍ରୀ  ଅନାମିକା ମେହେର ଓ ପଦମପୁର ରାଜ ବୋଡା ସମ୍ବର  ଉଚ୍ଚ ବିଦ୍ୟାଳୟ ର ଛାତ୍ର ଆୟୁଷ ବେହେରା ଜିଲ୍ଲାର ପ୍ରତିନିଧିତ୍ଵ ଭାବରେ  ପୁରସ୍କାର ଗ୍ରହଣ ପାଇଁ ମନୋନୀତ ହୋଇ ରାଜ୍ୟପାଳ ଙ୍କ ଠାରୁ  ପୁରସ୍କାର ଗ୍ରହଣ  କରିଥିଲେ ।
 ଡି ଓ ସି ଗାଇଡ କୌଶଲ୍ୟା ସାହୁ, ଡି ଟି ସି ଗାଇଡ ଅନୁସୂୟା ଦେବତା, ସ୍କlଉଟ୍ ମାଷ୍ଟର ଅକ୍ଷୟ ସାହୁ ଙ୍କ ସମେତ  ପଞ୍ଚାୟତ ଉଚ୍ଚ ବିଦ୍ୟାଳୟ , ଟୋପ ର ଗାଇଡ  ଛାତ୍ରୀ ଜାଗୃତି ଗୁରୁ,  ସୋନିଆ ପଞ୍ଚବିହା, ପ୍ରିୟl ମିର୍ଦ୍ଧା,ଅନାମିକା ମେହେର ଓ ପି ଏମ୍ ଶ୍ରୀ ଉଚ୍ଚ ବିଦ୍ୟାଳୟ ଅମ୍ବାଭୋନା ର ସୁଚିଶ୍ମିତା ପ୍ରଧାନ,ସେହିପରି ମୁନିକେଲ ଉଚ୍ଚ ବିଦ୍ୟାଳୟ ର ସ୍କାଉଟ୍  ଛାତ୍ର ଅଙ୍କିତ ବିଶ୍ୱାସ, ପ୍ରଦ୍ୟୁମ୍ନ ବେହେରା ଓ ଗୋଠୁଗୁଡ଼ା ଉଚ୍ଚ ବିଦ୍ୟାଳୟ ର  ପୀୟୂଷ ବାରିକ୍ ଏହି ରାଜ୍ୟ ପୁରସ୍କାର ଉତ୍ସବରେ ଯୋଗଦେଇଥିଲେ ।  ରାଜ ଭବନ ରୁ ଫେରିବା ପରେ ତାଙ୍କୁ ଜିଲ୍ଲା ଶିକ୍ଷା ଅଧିକାରୀ  ତଥା ଜିଲ୍ଲା  ସ୍କlଉଟ୍ ଗାଇଡ ମୁଖ୍ୟ କମିଶନର ବିଶ୍ଵନାଥ ସାହୁ ,ଜିଲ୍ଲା  ତଥା ବ୍ଲକ ସ୍କାଉଟ୍ ଗାଇଡ ପକ୍ଷରୁ ଶୁଭେଚ୍ଛା ଓ ଅଭିନନ୍ଦନ ଜଣାଇଥିଲେ ।