19-Apr-2025

ଡୁଙ୍ଗୁରିପାଲି, ତା ୧୯/୪: ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ ମାୟାବର୍ହ୍। ଠାରେ ବିଦ୍ୟାଳୟର ପ୍ରଧାନ ଶିକ୍ଷକ ଡ. ରବିଚନ୍ଦ୍ର ପଶାୟତଙ୍କ ସଭାପତିତ୍ବରେ ୨୦୨୫-୨୬ ଶିକ୍ଷା ବର୍ଷର ପ୍ରଥମ ଶିକ୍ଷକ-ଅଭିଭାବକ ବୈଠକ ଅନୁଷ୍ଠିତ ହୋଇଯାଇଛି।  ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ ସଭା  ସଂଯୋଜନା କରି ସରକାରଙ୍କ ମୁଖ୍ୟମନ୍ତ୍ରୀ ପୋଷଣ ଯୋଜନା ଅନ୍ତର୍ଗତ ମଧ୍ୟାହ୍ନ ଭୋଜନ , ଅନୁସୂଚିତ ଜାତି ଓ ଅନୁସୂଚିତ ଜନଜାତିଙ୍କ ମାଗଣା ପୁସ୍ତକ ଯୋଜନା, ମାଗଣା ସାଇକେଲ ଯୋଜନା ଓ ଖରା ଛୁଟିରେ ଶିକ୍ଷକ ତଥା ଅଭିଭାବକ ୱାଟସଏପ୍ ଗ୍ରୁପ ରେ ପିଲାଙ୍କ ହୋମୱର୍କ ସୁନିଶ୍ଚିତ କରାଇବା ଯୋଜନା ବିଷୟରେ ସମସ୍ତଙ୍କୁ  ଅବଗତ କରାଇଥିଲେ। ଡୁଙ୍ଗୁରିପାଲି ଏବିଇଓ ଗୁଞ୍ଜୁଲୁ ମିର୍ଦ୍ଧା ସରକାରଙ୍କ ଯୋଜନା ଅନୁସାରେ ସ୍କୁଲରେ ଶୈକ୍ଷିକ ବାତାବରଣ ସୃଷ୍ଟି କରି ପିଲାମାନଙ୍କ ଶିକ୍ଷାର ବିକାଶଦିଗରେ ସାମୁହିକ ଉଦ୍ୟମ ବଜାୟ ରଖିବାକୁ ଶିକ୍ଷକ ଓ ଅଭିଭାବକ ମାନଙ୍କୁ ମାର୍ଗଦର୍ଶନ କରିଥିଲେ। ହିନ୍ଦୀ ଶିକ୍ଷକ ନନ୍ଦିଘୋଷ ବାରିକ ମଞ୍ଚ।ସିନ ହୋଇ ନବମ ଶ୍ରେଣୀର ଛାତ୍ର ଛାତ୍ରୀ ମାନଙ୍କ ବାର୍ଷିକ ପରୀକ୍ଷା ଫଳାଫଳ ତର୍ଜମା କରିଥିଲେ।  
  ବିଦ୍ୟାଳୟର ଦଶମ ଶ୍ରେଣୀର ଛାତ୍ରୀ ପୂଜାରାଣୀ ଦୀପ , ଅନ୍ତରା ଜାଲ,ଝରଣା ସାହୁ, ଅନୁପମା, କରିଷ୍ମା,ଅନିମା,  ପ୍ରଜ୍ଞା କୁଦେଇ ସ୍ବାଗତ ସଙ୍ଗୀତ ପରିବେଷଣ କରିଥିଲେ । ସଭାରେ ଦଶମ ଶ୍ରେଣୀର  ପୂଜାରାଣୀ ଦୀପ ବିଦ୍ୟାଳୟରେ ନିଜର  ଉପଲବ୍ଧି ବିଷୟରେ ମତ ପ୍ରଦାନ କରିଥିବା ବେଳେ ସଂସ୍କୃତ ଶିକ୍ଷକ ରାଜୁ ମେହେର ସମସ୍ତଙ୍କୁ ସ୍ବାଗତ କରିଥିଲେ  
।

ଅଭିଭାବକ ଓ ଅଭିଭାବିକା  ମାନଙ୍କ ମଧ୍ୟରୁ ପିତାମ୍ବର ସାହୁ ଓ ଶ୍ରୀମତୀ ତାଣ୍ଡିଆ ସ୍କୁଲ ବିକାଶର ଗଠନମୂଳକ ମତ ପ୍ରକାଶ କରିଥିଲେ। ଶେଷରେ ଖେଳ ଶିକ୍ଷକ ଚିନ୍ମୟ କୁମାର ଦାସ ଧନ୍ୟବାଦ୍ ଅର୍ପଣ କରିଥିଲେ। କାର୍ଯକ୍ରମରେ କିରଣ କୁମାର ପୁଟେଲ, ସ୍ନିଗ୍ଧା ପ୍ରଧାନ, ସଞ୍ଜୀବ ପୂଜାରୀ, ବିଭୀଷଣ ଖମାରୀ, ମୀନକେତନ ଦାସ,  ସୁରଜ୍ ଖମାରୀ ଓ ସମୀର କଠାର ଉପସ୍ଥିତ ରହି ସହଯୋଗ କରିଥିଲେ ।