19-Apr-2025

ବରଗଡ଼:(ନିରଞ୍ଜନ ତ୍ରିପାଠୀ) -ବରଗଡ଼ ଜିଲ୍ଲା ବିଜେପୁର ସ୍ଥିତ ଏସ.ଏଚ୍.ଜି ଭବନ ଠାରେ ବିଜେପୁର ନିର୍ବାଚନ ମଣ୍ଡଳୀର ବିଜେପି ଦଳର ସକ୍ରୀୟ ସଦସ୍ୟ ସଦସ୍ୟା ଙ୍କୁ ନେଇ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ବିଜେପି ଜିଲ୍ଲା ସଭାପତି ଡ଼ା. ଅରୂପା ନନ୍ଦ ସାହୁଙ୍କ ସଭାପତିତ୍ବରେ ଅନୁଷ୍ଠିତ ପ୍ରଶିକ୍ଷଣ ଶିବିରରେ ପୂର୍ବତନ ଜିଲ୍ଲା ସଭାପତି ସୁକାନ୍ତ ଦାସ, ସଂଯୋଜକ ମଦନ ଦୀପ, ଅଜିତ କୁମାର ସାହୁ, ପ୍ରବୀଣ ପାଣିଗ୍ରାହୀ,ମଣ୍ଡଳ ସଭାପତି ଆନନ୍ଦ ବାରିକ,ଯୋଗିନ୍ଦ୍ର ପଧାନ, ଜିଲ୍ଲା ପରିଷଦ ସଭ୍ୟ ସୁଶାନ୍ତ ଗଡତିଆ, ଜିଲ୍ଲା ପରିଷଦ ସଦସ୍ୟା ଝରଣା ପାଣିଗ୍ରାହୀ, ସଂଯୁକ୍ତା ସାହୁ,ଯୋଖିପାଲି ଗ୍ରାମପଞ୍ଚାୟତ ସରପଞ୍ଚ ସବିତା ସାହୁ,ଶରତ ବିଶି ପ୍ରମୁଖ ନିର୍ବାଚନ ମଣ୍ଡଳୀର ସକ୍ରୀୟ ସଦସ୍ୟ, ସଦସ୍ୟା ଗଣ ଯୋଗଦାନ କରିଥିଲେ।

ଯଶସ୍ୱ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକଶିତ ଭାରତର ସ୍ୱପ୍ନ କୁ ଦୃଷ୍ଟି ରେ ରଖି ବୁଥ ସ୍ତରରୁ ଦଳକୁ ମଜଭୁତ କରିବା ସହ ଜନସାଧାରଣଙ୍କ ବିଭିନ୍ନ ସମସ୍ୟାକୁ ବୁଝିବା ଏବଂ ତାର ସମାଧାନ ଦିଗରେ ଯତ୍ନଶୀଳ ହୋଇ କାମ କରିବାକୁ ପ୍ରଶିକ୍ଷଣ ପ୍ରଦାନ କରାଯାଇଥିଲା। ବିଜେପୁର ବ୍ଲକ ବିଜେପି ର ସାଧାରଣ ସମ୍ପାଦକ ତଥା ପୂର୍ବତନ ସାଂସଦ ପ୍ରତିନିଧି  ମହେଶ କୁମାର ଦେବତା ସଂଯୋଜନାରେ ଏହି ପ୍ରଶିକ୍ଷଣ ଶିବିର କାର୍ଯ୍ୟକ୍ରମ ଟି ବେଶ ସୁରୁଖୁରୁରେ ସମାପନ ହୋଇଥିଲା।