18-Apr-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ପାଇଁ ଖୁସି ଖବର। ଜିଲ୍ଲାକୁ ଦୁଇଦୁଇଟି କେନ୍ଦ୍ରିୟବିଦ୍ୟାଳୟ ମିଳିଛି । ଟିଟିଲାଗଡ ଓ ପାଟଣାଗଡରେ ଦୁଇଟି କେନ୍ଦ୍ରିୟବିଦ୍ୟାଳୟ ହେବାକୁ ଘୋଷଣା ହୋଇଥିଲା। ଗତକାଲି କେନ୍ଦ୍ରଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆସି ଏହାର ଉଦଘାଟନ କରିବାର ଅଛି । ସେଥିପାଇଁ ବର୍ଲାଙ୍ଗୀର ଜିଲ୍ଲା ଚଳଚଞ୍ଚଳ ରହିଛି । ଶନିବାର ଦିନ ଶ୍ରୀ ପ୍ରଧାନ ଦିନ ୧୧ଟାରେ ବେଳେ ଟିଟିଲାଗଡର ରେଲୱେ କଲୋନୀରେ କେନ୍ଦ୍ରୀୟବିଦ୍ୟାଳୟକୁ ଉଦଘାଟନ କରିବେ। ସେହିପରି ୧୧.୪୫ମି.ରେ ପାଟଣାଗଡ ପହଞ୍ଚି ଇଟିଇଆଇ କେମ୍ପସରେ ମଧ୍ୟ କେନ୍ଦ୍ରିୟବିଦ୍ୟାଳୟର ଶୁଭାରମ୍ଭ କରିବେ । ଠିକ ସେହିପରି ଦିନ ୩ଟାରେ ବଲାଙ୍ଗୀର ନିକଟସ୍ଥ ବରକାନୀଠାରେ ଓଭୋଫାର୍ମର ଏଗପ୍ରୋସେସିଂ ପ୍ରକଲ୍ପର ଉଦଘାଟନ କରିବେ ବୋଲି ସୂଚନା ମିଳିଛି । ସେଥିପାଇଁ ବଲାଙ୍ଗୀର ଜିଲ୍ଲା ପ୍ରଶାସନ,ପୋଲିସ ବିଭାଗ ଓ ଭାଜପାଦଳ ପକ୍ଷରୁ ପୂର୍ବପ୍ରସ୍ତୁତି ହୋଇଯାଇଛି। ନିଜେ ଜିଲ୍ଲାପାଳ ଓ ଏସପି ସଭାସ୍ଥଳଗୁଡିକୁ ପହଞ୍ଚି ସମୀକ୍ଷା କରିଛନ୍ତି। ପ୍ରକାଶ ଯେ, ଧର୍ମେନ୍ଦ୍ର ପ୍ରଧାନ କେନ୍ଦ୍ର ଗ୍ୟାସ ଓ ପେଟ୍ରୋଲିୟମ ମନ୍ତ୍ରୀ ଥିବା ବେଳେ ୧୧୦କୋଟି ଟଙ୍କାର  ବିପିସିଏଲ କମ୍ପାନୀର ଗ୍ୟାସ ବୋଟଲିଂ ପ୍ଲାଣ୍ଟ ଓ ବଲାଙ୍ଗୀର ସହରରେ ଏକ ଇଣ୍ଡୋର ବ୍ୟାଡମିଣ୍ଟନ ଷ୍ଟାଡିୟମ ନିର୍ମାଣ କରାଇଥିଲେ। ଏବେ କେନ୍ଦ୍ରରେ ଶିକ୍ଷାମନ୍ତ୍ରୀ ଥିବା ବେଳେ ବଲାଙ୍ଗୀର ଜିଲ୍ଲାକୁ ଦୁଇଦୁଇଟି କେନ୍ଦ୍ରିୟ ବିଦ୍ୟାଳୟ ଦେଇଛନ୍ତି । ସେହି କାରଣରୁ ବଲାଙ୍ଗୀରବାସୀ ଖୁସି ବ୍ୟକ୍ତ କରୁଛନ୍ତି। କେନ୍ଦ୍ରର ମୋଦୀ ସରକାର ଅମଳରେ ରେଳବିଭାଗ ପକ୍ଷରୁ ବଲାଙ୍ଗୀର ଜିଲ୍ଲାର ୪ଟି ରେଳ ଷ୍ଟେସନକୁ ଅମୃତଭାରତ ଷ୍ଟେସନ ଯୋଜନାରେ ସାମିଲ କରାଯାଇ କାମ ଚାଲିଛି। ସେହିପରି କଣ୍ଟାବାଞ୍ଜିଠାରେ ଏକ ରେଳୱାଗନ ମରାମତି କାରଖାନା, ଟିଟିଲାଗଡରେ ୧୮୦ କୋଟି ଟଙ୍କାର ଏକ ଫ୍ଲାଇଓଭର ରାସ୍ତା,ବଲାଙ୍ଗୀରରେ ଜାତୀୟରାଜପଥ ବିଭାଗ ପକ୍ଷରୁ ୪୦୦କୋଟି ଟଙ୍କାର  ବାଇପାସ ରାସ୍ତାନିର୍ମାଣ ଚାଲିଥିବା ବେଳେ ଟିଟିଲାଗଡରେ ମଧ୍ୟ ଦୁଇଦିନ ତଳେ ୧୪୪କୋଟି ଟଙ୍କାର ବାଇପାସ ରାସ୍ତା ନିର୍ମାଣ ପାଇଁ ଘୋଷଣା ହୋଇଛି। ଫଳରେ ବିଜେପିସରକାରଙ୍କ ପ୍ରତି ଲୋକଙ୍କ ଆସ୍ଥା ବଢୁଛି। ରାଜ୍ୟର ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ, ସ୍ୱାସ୍ଥ୍ୟ ଓ ପରିବାର କଲ୍ୟାଣମନ୍ତ୍ରୀ ଡ.ମୁକେଶ ମହାଲିଙ୍ଗ, ସାଂସଦ ସଂଗୀତା କୁମାରୀ ସିଂଦେଓଙ୍କୁ ଏହି ଶ୍ରେୟ ଯାଉଛି ।ଗତକାଲି କେନ୍ଦ୍ରମନ୍ତ୍ରୀଙ୍କ କାର୍ଯ୍ୟକ୍ରମରେ ଜିଲ୍ଲାର ନେତାଗଣ ମଧ୍ୟ ଉପସ୍ଥିତ ରହିବେ ବୋଲି ସୂଚନା ମିଳିଛି।