14-Apr-2025

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଲକ ଅନ୍ତର୍ଗତ କୁହିବାହାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ମୁରଲୀଧର ବିଶ୍ଵାଳ ଜାତୀୟ ଶିକ୍ଷା ଆଇକନିକ ଆୱାର୍ଡ-2025ରେ ସମ୍ମାନିତ ହୋଇଛନ୍ତି lଭାରତ ରତ୍ନ ଡଃ ବି.ଆର. ଆମ୍ବେଦକରଙ୍କ ୧୩୪ ତମ ଜନ୍ମ ଜୟନ୍ତୀ ପାଳନ ଅବସରରେ ଆମ୍ବେଦକର ଇଣ୍ଟରନ୍ୟାସନାଲ ସେଣ୍ଟର ଆନୁକୂଲ୍ୟରେ ଯୁବ ଓ ସମାଜ ବିକାଶ କେନ୍ଦ୍ର, ଭୁବନେଶ୍ବରଠାରେ ଅନୁଷ୍ଠିତ ଏକ ସମାରୋହରେ ଶ୍ରୀ ବିଶ୍ଵାଳଙ୍କୁ ଏହି ସମ୍ମାନ ମିଳିଛି l ଗୁଣାତ୍ମକ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି l ଏହି କାର୍ଯ୍ୟକ୍ରମରେ କଟକ ଉଚ୍ଚ ନ୍ୟାୟାଳୟର ପୂର୍ବତନ ନ୍ୟାୟମୂର୍ତ୍ତି ଡି .ପି .ଚୌଧୁରୀ,ପୂର୍ବତନ ମୁଖ୍ୟ ଶାସନ ସଚିବ ସହଦେବ ସାହୁ,ଡଃ ଦେବେନ୍ଦ୍ର ପ୍ରସାଦ ମାଝୀ ପୂର୍ବତନ ନିର୍ଦ୍ଦେଶକ ବି. ଆର ଆମ୍ବେଦକର ଫାଉଣ୍ଡେସନ ସାମାଜିକ ନ୍ୟାୟିକ ଓ ସଶକ୍ତିକରଣ ମନ୍ତ୍ରଣାଳୟ ଭାରତ ସରକାର,ପୋଲିସ ଆଇ. ଜି. ଶ୍ରୀସତୀଶ ଗଜଭିୟେ ପୂର୍ବତନ ଡିନ (ଓୟୁଏଟି) ଡଃ ବୁଦ୍ଧଦେବ ମିଶ୍ର, ପ୍ରଭାତ ସାହୁ ପୂର୍ବତନ କୁଳପତି ସେଣ୍ଟ୍ରାଲ ୟୁନିଭର୍ସିଟି ଆଲ୍ଲାହାବାଦ ପ୍ରମୂଖ ଯୋଗଦେଇ ଶ୍ରୀବିଶ୍ଵାଳଙ୍କୁ ଉପଢୌକନ ସହ ମାନପତ୍ର ଦେଇ ସମ୍ମାନୀତ କରିଥିଲେ l