14-Apr-2025

(ଡୋଲେଶ୍ୱର  ବାଗ )
ନୂଆପଡା ଜିଲ୍ଲା, ଖଡ଼ିଆଳ ବ୍ଲକ ଡୁଆଝର ଗ୍ରାମ ପଂଚାୟତ ର ଗୁଡଭେଲି ଗ୍ରାମର ଶୁଭମ ତାଣ୍ଡି ସମାଜସେବା କ୍ଷେତ୍ରରେ ସମ୍ବନ୍ଧିତ ହୋଇଛନ୍ତି। ସୋସିଆଲ ମିଡିଆ ଟ୍ୱିଟର ରେ ନିଜ ଅଂଚଳର ସମସ୍ୟା ଓ ଜିଲ୍ଲାର ବିଭିନ୍ନ ସମସ୍ୟା ଉପରେ ସୂଚନା ପାଇଲେ ଖବର ସଂଗ୍ରହ କରି ମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚିବ ପର୍ଯ୍ୟନ୍ତ ଟୁଇଟ୍ କରି ସମସ୍ୟା ବିଷୟରେ ଅବଗତ କରିଥାନ୍ତି। ତୁରନ୍ତ ସମାଧାନ ପାଇଁ ଅନୁରୋଧ କରିବା ସହ ଅଭିଯୋଗ ପ୍ରଦାନ ପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଯାଏଁ ପ୍ରୟାସ ଜାରି ରଖୁଥାନ୍ତି । ଏଭଳି 4 ବର୍ଷ ମଧ୍ୟରେ ନିଜ ଅଂଚଳର ବିକାଶ ପାଇଁ ବିଭିନ୍ନ ସମସ୍ୟାର ସମାଧାନ କରିବା ସକାଶେ ମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚିବ, ଜିଲ୍ଲାପାଳ ଓ ବିଭାଗୀୟ ଅଧିକାରୀଙ୍କୁ 3ହଜାରରୁ ଅଧ‌ିକ ଥର ଟୁଇଟ୍ କରି ସମସ୍ୟା ର ସମାଧାନ କରିଛନ୍ତି । 
ଆଜିର ଯୁବ ପିଢ଼ି ନିଜର ମନୋରଞ୍ଜନ ପାଇଁ ସୋସିଆଲ୍ ମିଡିଆ ବ୍ୟବହାର କରୁଥିବା ବେଳେ ଯୁବ ସମାଜସେବୀ ଶୁଭମ ତାଣ୍ଡି ଏହାକୁ ସମାଜ ସେବାରେ ଉପ‌ଯୋଗ କରି ଚର୍ଚ୍ଚାରେ ରହିଛନ୍ତି। ଏହା ବାଦ୍ ବିଭିନ୍ନ ସମୟରେ ରୋଗୀମାନଙ୍କୁ ରକ୍ତ ଯୋଗାଇବା ଓ ବିଭିନ୍ନ ସଂଗଠନ ମାଧ୍ୟମରେ ଅଂଚଳର ବିକାଶ ନିମନ୍ତେ କାର୍ଯ୍ୟ କରିବା ଭଳି ଶୁଭମ ଙ୍କ ନିକଟରେ ରହିଛି ଅନେକ ନିଆରା ସମାଜ ସେବା । ତାଙ୍କ ଟୁଇଟ୍ କାରଣରୁ ଅନେକ ସମସ୍ୟାର ସମାଧାନ ହେଉଥିବାରୁ ସେ ଏବେ ଟୁଇଟର ବଏ ଭାବେ ପରିଚିତ। ତାଙ୍କ ଟୁଇଟର ପୃଷ୍ଠାରେ ଅନେକ ଅସହାୟ ଗରିବ, ବୃଦ୍ଧ ବୃଦ୍ଧା, ଭିନ୍ନକ୍ଷମ, ବିଧବା ଓ ବରିଷ୍ଠ ନାଗରିକଙ୍କ ମୁହଁରେ ହସ ଫୁଟିଥିବା ଉଲ୍ଲେଖ ରହିଛି । ପୁରୀରେ ଆୟୋଜିତ ରାଜ୍ୟସ୍ତରୀୟ ଟୁଇଟର ଆସୋସିଏସନ୍ ବୈଠକରେ ଶୁଭମ ତାଣ୍ଡି  ସମ୍ବନ୍ଧିତ କରାଯାଇଛି। ଆସୋସିଏସନ ଅଫ ଟ୍ୱିଟର ଆକ୍ଟିଭିଷ୍ଟ ସଂଗଠନ ର ନୂଆପଡା ଜିଲ୍ଲା ର ସଂଯୋଜକ ଥିବା ବେଳେ, ସିନାପାଲି ବ୍ଲକ ସଂଯୋଜିକା ଭାବେ ରୁମତି ବାଗ  ଓ ବୋଡେ଼ନ ବ୍ଲକ ସଂଯୋଜକ ଉମାକାନ୍ତ ବେହେରା ଙ୍କୁ ମଧ୍ୟ ସମ୍ବନ୍ଧିତ କରାଯାଇଛି