29-Jan-2025

 ବିନିକା(ହିମାଂଶୁ ଶେଖର ପୁଟେଲ): ଧୀରେଧୀରେ ଜଙ୍ଗଲ ପଦା ହେବାକୁ ବସିଲାଣି । ଜଙ୍ଗଲ ବିଭାଗର ଅପାରଗତା ଯୋଗୁଁ ସୁରକ୍ଷା ବିହୀନ ହୋଇ ପଡ଼ିଛି ବିନିକା ଅଞ୍ଚଳରେ ଥିବା ପ୍ରମୁଖ ବନ୍ୟ ଜଙ୍ଗଲ ଗୁଡ଼ିକ । କିଏ ଜଙ୍ଗଲରେ ନିଆଁ ଲଗାଇ ଦେଉଛି ତ ଆଉ କିଏ ଅବାଧରେ ପଶୁ ପକ୍ଷୀ ଶିକାର କରୁଥିବା ଅଭିଯୋଗ ହେଉଛି ।ଯାହା ଫଳରେ ଖାଦ୍ୟ ନପାଇ ବନ୍ୟ ଜନ୍ତୁ ଗାଁ ଓ ସହର ମୁହାଁ ହେଉଥିବା ଦେଖିବାକୁ ମିଳୁଛି।ସତ୍ୟ ଯୁଗରେ ମହାପ୍ରଭୁ ଶ୍ରୀ ରାମଚନ୍ଦ୍ର ଙ୍କ ଭକ୍ତ ବୋଲି କୁହା ଯାଉଥିବା ହନୁମାନଙ୍କ ପଲ ଜଙ୍ଗଲରେ ଖାଦ୍ୟ ନପାଇ ଗାଁ ଓ ସହରରେ ବିଶେଷ ଭାବରେ ଚଳପ୍ରଚଳ କରୁଥିବା ଦେଖିବାକୁ ମିଳିଛି।ଖାଦ୍ୟ ଅନ୍ବେଷଣରେ ଚାଲି ଆସୁଥିବା ଏହି ହନୁ ମାଙ୍କଡ ପଲ ଦଳ ଦଳ ହୋଇ ଏ ଘରରୁ ସେ ଘର ଡ଼ିଆଁ ମାରୁଛନ୍ତି ।ଫଳରେ କେତେକଙ୍କ ଘର ଭାଙ୍ଗି ଯାଇଛି ।ପୁଣି ମାଙ୍କଡ ପଲ ବାଡ଼ିରେ ପଶି ପନିପରିବା ଚାଷ ଖାଇ ଯାଉଛନ୍ତି ।ଏପରିକି ମାଙ୍କଡ ପଲ ଧା ଧପଡ ରେ ବାଟୋଇ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ବେଳେ ଆଉ କେତେକ ଦୁର୍ଘଟଣାର ସମ୍ମୁଖୀନ ହେଉଥିବା ନଜିର ରହିଛି। ମଙ୍ଗଳବାର ଅପରାହ୍ନରେ ଏକ ଭୋକିଲା ମାଙ୍କଡ ପଲ ବିନିକା ସହର ମୁଖ୍ୟ ରାସ୍ତା ପାର ହୋଇ ମହୋତ୍ସବ କାର୍ଯ୍ୟାଳୟ ପାଖରେ ଘୁରି ବୁଲୁଥିଲେ। କିଏ ଖାଇବାକୁ ଦେଲେ  ଭୋକିଲା ପେଟ ପୁରନ୍ତା ବୋଲି ସେମାନେ ବୋଧେ ଭାବୁଥିଲେ। ସତକୁ ସତ ତାହା ହିଁ

ହେଲା । ମାଙ୍କଡ ମାନଙ୍କ ଭାବ ଦେଖି ସମାଜସେବୀ ତଥା ବିଜେଡି କାଉନସିଲର ବିଜୟ ବରାଇ ନିକଟ ଏକ ଦୋକାନରୁ ବିସ୍କୁଟ,କୁରକୁରି,ପାଉଁରୁଟି କିଣି ଆଣି ଖାଇବାକୁ ଦେଇଥିଲେ ।ମାଙ୍କଡ ପଲ ଖୁସି ମନରେ ଖାଇ ମୁଣ୍ଡିଆ ମାରି ଚାଲି ଯାଇ ଥିଲେ ।ବିଜୟଙ୍କ ଏପରି ସେବା ମନୋବୃତ୍ତିକୁ ନେଇ ଗୁଲାପଡ଼ା ବିଜେଡି କାଉନସିଲର ବୈରାଗୀ ପ୍ରଧାନ, ମହୋତ୍ସବ ସମ୍ପାଦକ ସମ୍ବିତ ନେପାକ, ଯୁବ ସ୍ଵେଚ୍ଛାସେବୀ ବିନୟ ମହାନ୍ତି,ଛାତ୍ର ସ୍ଵୟଂ ପ୍ରଭାସ ପୁଟେଲ ପ୍ରମୁଖ ପ୍ରଶଂସା କରିଛନ୍ତି ।