06-Nov-2024

ବୀରମହାରାଜପୁର, (ବିନୋଦ ପାଣ୍ଡେ) :  ରକ୍ତତୀର୍ଥ ଭାବରେ ପରିଚିତ ନବରଙ୍ଗପୁର ଜିଲ୍ଲାର ପାପଡାହାଣ୍ଡି ସହିଦ ସ୍ମୃତି ପୀଠଠାରେ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଅଞ୍ଚଳର  ପ୍ରତିଭା ସମ୍ପନ୍ନ ଯୁବକବି ଶୁଭ୍ରାଂଶୁ ଶେଖର ପାଢ଼ୀ ସମ୍ବର୍ଦ୍ଧିତ ହୋଇଛନ୍ତି । ପ୍ରାପ୍ତ ବିବରଣୀରୁ ପ୍ରକାଶ ଯେ ପାପଡାହାଣ୍ଡିସ୍ଥିତ ତୂରୀ ନଦୀ କୂଳରେ ଥିବା ସହିଦ ସ୍ମୃତି ପୀଠଠାରେ ଓଡ଼ିଶାର ଅଗ୍ରଣୀ ସାହିତ୍ୟ ଅନୁଷ୍ଠାନ ମାଟିଲଗ୍ନା ସାହିତ୍ୟ ସଂସଦ ଆନୁକୁଲ୍ୟରେ ଶହୀଦ ସ୍ମୃତି  ସାରସ୍ଵତ ସସମାରୋହ ମହା ଆଡ଼ମ୍ବରରେ ଆୟୋଜନ କରିଛି । ଅନୁଷ୍ଠାନର ସଭାପତି କିଶୋର ଚନ୍ଦ୍ର ପ୍ରଧାନଙ୍କ ସଭାପତିତ୍ବରେ ତଥା ଓଡ଼ିଶା ଶହୀଦ ପରିବାର ରାଜ୍ୟ କାର୍ଯ୍ୟକାରୀ ସଭାପତି  ମନୋରଞ୍ଜନ ତ୍ରିପାଠୀଙ୍କ ପୃଷ୍ଠପୋଷକତାରେ ଅନୁଷ୍ଠିତ ଉକ୍ତ ସମାରୋହରେ ଅନୁଷ୍ଠାନର ସାଧାରଣ ସମ୍ପାଦକ ଶୁଭ୍ରାଂଶୁ ଶେଖର ପାଢ଼ୀ ମଞ୍ଚ ପରିଚାଳନା କରିଥିବା ବେଳେ ଡାବୁଗାଁ ବିଧାୟକ  ମନୋହର ରନ୍ଧାରୀ ଏବଂ ପୂର୍ବତନ ସାଂସଦ ଶ୍ରୀଯୁକ୍ତ ପ୍ରଦୀପ ମାଝୀ ସମ୍ମାନିତ ଅତିଥି ଭାବରେ ଯୋଗଦେଇ ବକ୍ତବ୍ୟ ରଖିଥିଲେ । ସେହିପରି ପପଡାହାଣ୍ଡି ବ୍ଲକ ଅଧ୍ୟକ୍ଷା  ହେମଲତା ମାଝୀ, ନବରଙ୍ଗପୁର ବିଡ଼ିଓ  କପିଳ ଦେବ ସାହୁ, ସମାଜ ସେବୀ ସ୍ଵାଧୀନ ପଟ୍ଟନାୟକ, ନବରଙ୍ଗପୁର ପବ୍ଲିକ ସ୍କୁଲର ଅଧ୍ୟକ୍ଷା  ସ୍ୱର୍ଣ୍ଣଲତା ପଟ୍ଟନାୟକ, ଅନୁଷ୍ଠାନର ମୁଖ୍ୟ ଉପଦେଷ୍ଟା ନୁରାବତୀ ସାହୁ, ଉପଦେଷ୍ଟା କିଶୋର ଚନ୍ଦ୍ର ତ୍ରିପାଠୀ, ମୁଖ୍ୟ ପରିଚାଳକ ନରସିଂହ ପ୍ରସାଦ ନାୟକ, ରାଜ୍ୟ ସଂଯୋଜକ ରାଜେନ୍ଦ୍ର କୁମାର ଦୂରିଆ, ଆନ୍ତର୍ଜାତୀୟ ସଂଯୋଜକ ସମୀର କୁମାର ମହାପାତ୍ର, ରାଜ୍ୟ ପର୍ଯ୍ୟବେକ୍ଷକ ମୋହନ କୁମାର ଭଟ୍ଟ ପ୍ରମୁଖ ମଞ୍ଚାସିନ ଥିଲେ । କାର୍ଯ୍ୟକାରୀ ସଭାପତି ଗୋଦାବରୀଶ ଦାସ ବିବରଣୀ ପଠନ କରିଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ଶହୀଦ ସ୍ତମ୍ଭ ନିକଟରେ ମଶାଲ ଜାଳି ସଭା ଉଦ୍ଘାଟନ କରା ଯାଇଥିଲା । ଏହି ଅବସରରେ ବୀରମହାରାଜପୁର ଅଞ୍ଚଳର ପ୍ରତିଷ୍ଠିତ ଯୁବକବି ଶୁଭ୍ରାଂଶୁ ଶେଖର ପାଢ଼ୀଙ୍କୁ ସହୀଦ ସ୍ମୃତି ଭାଷା ଗୌରବ ସମ୍ମାନ ଓ ଦେଶପ୍ରେମୀ ସାହିତ୍ୟ ସମ୍ମାନରେ ସମ୍ବର୍ଦ୍ଧିତ କରା ଯାଇଥିଲା ।