24-Oct-2024

 ବରଗଡ଼(ପ୍ରେରଣା ଖବର): ଅମ୍ବାଭୋନା ବ୍ଳକ ଅନ୍ତର୍ଗତ ଦ୍ୱାରୀ ଗ୍ରାମ ପଞ୍ଚାୟତର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଦ୍ବାରୀର ଅଷ୍ଟମ ଶ୍ରେଣୀ ଛାତ୍ରୀ ଶ୍ରୁତି ପଟେଲ ସରକାରୀ ଉଚ୍ଚ ବାଳିକା  ବିଦ୍ୟାଳୟ ବରଗଡ଼ରେ ହୋଇଥିବା ଆନ୍ତର୍ଜାତୀୟ ଶିଶୁ କନ୍ୟା ଦିବସରେ (ଜୁନିଅର ବିଭାଗରେ)ଜିଲ୍ଲା ସ୍ତରୀୟ ତର୍କ ପ୍ରତିଯୋଗୀତାରେ ପ୍ରଥମ ସ୍ଥାନ ଅଧିକାର କରିଛନ୍ତି । ସେ ଜିଲ୍ଲା ପରିଷଦ ଚେୟାରମେନ ଶ୍ରୀମତୀ ମାନିନୀ ଭୁଏ ଙ୍କ ହାତରୁ ମାନପତ୍ର ଓ ଟ୍ରଫି ଗ୍ରହଣ କରିଛନ୍ତି । ଶ୍ରୁତି ପଟେଲଙ୍କ ପିତା ସରୋଜ କୁମାର ପଟେଲ ଓ ମାତା ସାବିତ୍ରୀ ପଟେଲ, ବିଦ୍ୟାଳୟର ପ୍ରଧାନ ଶିକ୍ଷକ,  ସମସ୍ତ ଶିକ୍ଷକ ଶିକ୍ଷୟିତ୍ରୀ ଛାତ୍ରଛାତ୍ରୀ ଶୁଭେଚ୍ଛା ଜଣାଇଛନ୍ତି । ଗାଇଡ ଶିକ୍ଷକ ସ୍ବାଧିନ କୁମାର ସାହୁ ଶ୍ରୁତି ପଟେଲ ଙ୍କୁ ଶୁଭେଛା ଓ ଅଭିନନ୍ଦନ ଜଣାଇବା ସହ ଶ୍ରୁତି ଆମ ବିଦ୍ୟାଳୟର ଗର୍ବ ଓ ଗୌରବ ବୋଲି ତାଙ୍କ ପିତା ମାତାଙ୍କୁ କହିଥିଲେ ।