21-Sep-2024

କଣ୍ଟାମାଳ(ଜୟ କୁମାର ମହାରଣା):  କଣ୍ଟାମାଳ ବ୍ଲକ ଅନ୍ତର୍ଗତ ନରସିଂହପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଆମ ପ୍ରୟାସ ସଙ୍ଗଠନ ବିଳାସପୁର ଦ୍ୱାରା ଛାତ୍ରଛାତ୍ରୀ ମାନଙ୍କର ସାମୁହିକ ବିକାଶ ତଥା ସେମାନଙ୍କର ଲୁକ୍କାୟିତ ପ୍ରତିଭା ପ୍ରଦର୍ଶନ, ଦକ୍ଷତା ବୃଦ୍ଧି ଏବଂ ବ୍ୟକ୍ତିତ୍ୱର ବିକାଶ ପାଇଁ ଏକ ପ୍ରତିଯୋଗୀତା ମୂଳକ ପ୍ରତିଭା ଅନ୍ଵେଷଣ ଓ ବିକାଶ କାର୍ଯ୍ୟକ୍ରମ ଆୟୋଜିତ ହୋଇଥିଲା । ବିଦ୍ୟାଳୟର ପ୍ରଧାନ ଶିକ୍ଷକ ଶିବପ୍ରସାଦ ଖମାରୀ ମୁଖ୍ୟ ଅତିଥି ଭାବେ ଯୋଗଦେଇ ସଙ୍ଗଠନର କାର୍ଯ୍ୟକଳାପ ଉପରେ ଖୁସି ହୋଇ ସାଧୁବାଦ୍ ଜଣାଇବା ସହିତ ସଙ୍ଗଠନର ଦୀର୍ଘାୟୁ କାମନା କରିଥିଲେ । ବିଳାସପୁର କ୍ଲଷ୍ଟର ସିଆରସିସି ସଞ୍ଜୟ ଜଗଦଲା, ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ଲକ୍ଷିନ୍ଦ୍ର ମେଣ୍ଡିଳୀ, ବିଳାସପୁର ଉ.ପ୍ରା ବିଦ୍ୟାଳୟର ପ୍ରଧାନ ଶିକ୍ଷକ ଜଗମୋହନ କର୍ମୀ, ତାଳପଡା ପ୍ରଥମିକ ବିଦ୍ୟାଳୟର ଶିକ୍ଷକ ଦନାର୍ଦନ ବାରିକ, ବିଚିକା ଉ.ପ୍ରା ବିଦ୍ୟାଳୟର ଶିକ୍ଷକ ରାମକୁମାର ନାଏକ, ଠୁରୁବନ୍ଧଳି ପ୍ରାଥମିକ ବିଦ୍ୟାଳୟର ଶିକ୍ଷକ ଚମାରୁ ଦାସ ପ୍ରମୁଖ ସମ୍ମାନୀୟ ଅତିଥି ଭାବେ ଯୋଗଦେଇ ଥିଲେ l ଅନୁଷ୍ଠିତ ପ୍ରତିଯୋଗିତାରେ ଖାଏରହଣା ପ୍ରଥମିକ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରସନ୍ନ କୁମାର ଗେଜ, ନରସିଂହପୁର ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ରାଜେନ୍ଦ୍ର ନାଏକ ଓ କିରିକିଚିପାଲି ପ୍ରାଥମିକ ବିଦ୍ୟାଳୟର ଶିକ୍ଷକ ମହୋନ ଗେଜ ବିଚାରପତି ଭାବେ କାର୍ଯ୍ୟ ତୁଲାଇ ଥିଲେ । ପ୍ରବନ୍ଧରେ ଦିବାନୀ ଭୁକ୍ତା, ରାଜୀବ ଦୀପ, ଧରିତ୍ରୀ ଦନ୍ତା, ଚିତ୍ରାଙ୍କନରେ ସ୍ଵାଗତ ଖଣ୍ଡଗିରି, ରମିତ୍ ତଣ୍ଡିଆ, ଅଂଶୁମାନ ବାରିକ,  ବକ୍ତବ୍ୟରେ ମିନାକ୍ଷୀ ମେନ୍ଦିଲି, ସ୍ମୃତିସମୃଧି ସିଂହ, ଅବନ୍ତି ରାଜହଂସ ଯଥାକ୍ରମେ ପ୍ରଥମ, ଦ୍ଵିତୀୟ, ତୃତୀୟ ସ୍ଥାନ ଅଧିକାର କରିଥିବା ବେଳେ ଗୀତରେ ଅବନ୍ତି ରାଜହଂସ ପ୍ରଥମ, ଏକକ ନୃତ୍ୟରେ ଝିଲି ଖଣ୍ଡଗିରି ପ୍ରଥମ, ଲିଲିମା ମେଣ୍ଡିଲୀ ଦ୍ଵିତୀୟ ଏବଂ ସମୂହ ନୃତ୍ୟରେ ଲିପୁନ ସେଠୀ ଓ ବିଜ୍ଞାନ ସେଠୀ ସମେତ ୧୪ ଜଣ କୃତି ପ୍ରତିଯୋଗୀଙ୍କୁ ଅତିଥି ମାନଙ୍କ ଦ୍ଵାରା ଆମ ପ୍ରାୟାସ ସଂଗଠନ ତରଫରୁ ପୁରସ୍କାର ଓ ପ୍ରମାଣପତ୍ର ପ୍ରଦାନ କରାଯାଇଥିଲା । କାର୍ଯ୍ୟକ୍ରମରେ ନରସିଂହପୁର ବିଦ୍ୟାଳୟର ଶିକ୍ଷକ ଚିତ୍ତରଞ୍ଜନ ବାରିକ, ମୃତ୍ୟୁଞ୍ଜୟ ସାହୁ, ସୁଶାନ୍ତ ପରିଡ଼ା  ଓ ସ୍ବାଗତ ସୁନ୍ଦର ନାୟକ ଉପସ୍ଥିତ ଥିଲେ । ସଂଗଠନର ସଭାପତି କାମେଶ୍ୱର ଭୋଇ, ସାଧାରଣ ସମ୍ପାଦକ ଘନଶ୍ୟାମ ସୁନା, ଯୁଗ୍ମ ସମ୍ପାଦିକା ରିତାଞ୍ଜଳି ଲୁହା, ସଦସ୍ୟ ସୁଧୀର ନାଏକ ଓ ରିଲୁ ମହାନନ୍ଦ  ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ l