19-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ସହରରେ ତା ୧୭.୦୯.୨୦୨୪ ମଙ୍ଗଳବାର ଠାରୁ ଆରମ୍ଭ ହୋଇଥିବା ଥିବାବେଳେ ପଶ୍ଚିମାଞ୍ଚଳର ଅନନ୍ୟ ଅନନ୍ତ ପୂଜା ମହୋତ୍ସବ ବହୁ ଆଡମ୍ବର ସହକାରେ ବିଜେପୁର ଠାରେ ପାଳିତ ହେଉଛି। ଆଜି ତୃତୀୟ ଦିନରେ ପଦାର୍ପଣ କରିଥିବା ବେଳେ, ସମୁଦାୟ ୭ ଗୋଟି ମେଢ ରେ ଅନନ୍ତ ନାରାୟଣ ଶ୍ରୀଶ୍ରୀ ବିଷ୍ଣୁ ପୂଜା ପାଉଛନ୍ତି।ଉପରପଡା ଠାରେ,ମଧ୍ୟପଡା ଠାରେ, ମାଁ ନାରାୟଣୀ କ୍ଲବ ଅନନ୍ତ ପୂଜା କମିଟି (ବଜରଙ୍ଗ ଛକ)ର ମେଢ଼ ସ୍ଥାନୀୟ ଦୁର୍ଗା ମନ୍ଦିର ଠାରେ, ଅନନ୍ତ ଯୁବକ ସଂଘ ଭୁଏ ପଡ଼ାର ମେଢ଼ ସ୍ଥାନୀୟ ଡେଲି ମାର୍କେଟ ଠାରେ, ଲକ୍ଷ୍ମୀନାରାୟଣ ଯୁବକ ସଂଘ ମାଲପଡା ଠାରେ, ଲାଲ ବାହାଦୁର ଶାସ୍ତ୍ରୀ ଯୁବକ ସଂଘ ଗାନ୍ଧୀ ପଡା ଠାରେ ପ୍ରଭୁ ଅନନ୍ତ ନାରାୟଣ ପୂଜା ପାଉଛନ୍ତି।ଜ୍ୟୋତି ଯୁବକ ସଂଘ ତଲିପଡା ଅନନ୍ତ ପୂଜା ତାର ୫୦ ବର୍ଷ ପୂର୍ତ୍ତି ଅବସରରେ ଚଳିତ ବର୍ଷ ସୁବର୍ଣ୍ଣ ଜୟନ୍ତୀ ପାଳନ କରିଛି ।ଏ ଅବସରରେ ଶ୍ରୀଶ୍ରୀ ଅନନ୍ତ ନାରାୟଣ ମହାପ୍ରଭୁଙ୍କ ପୂଜାନୋତ୍ସବ ଭାରତୀୟ ସଂସ୍କୃତି ଓ ପରମ୍ପରାକୁ ଅବଲୋକନ ସହ, ଆଧ୍ୟାତ୍ମିକ ନିଂଦର୍ଶନ ସୃଷ୍ଟି କରିପାରିଛି । ତୃତୀୟ ଦିବସରେ ତା ୧୯.୦୯.୨୦୨୪ରିଖ ଗୁରୁବାର ସକାଳ ୭ ଘଣ୍ଟା ସମୟରେ ପୂଜାର୍ଚ୍ଚନା(ବିଶେଷ ଷୋଡଶ ଉପଚାର), ସକାଳ ୮ଘଣ୍ଟାରୁ ବରଗଡ଼ର ପଣ୍ଡିତ ସୁକଦେବ ତ୍ରିପାଠୀ ଏବଂ ତାଙ୍କ ସହଯୋଗୀଙ୍କ କଣ୍ଠରୁ ବିଷ୍ଣୁ ସହସ୍ର ନାମ ସମେତ ଲକ୍ଷ୍ମୀ ସହସ୍ର ହୋମ ଯଜ୍ଞ ଅନୁଷ୍ଠିତ ହୋଇଛି।

ସଂଧ୍ୟା ୭ଘଣ୍ଟାରୁ ହଜାର ହଜାର ଭକ୍ତ, ଦର୍ଶକଙ୍କ ପାଇଁ ମହାପ୍ରସାଦ ବଣ୍ଟନ କାର୍ଯ୍ୟକ୍ରମ ରହିଛି ବୋଲି ଆୟୋଜକ ମାନଙ୍କ ଠାରୁ ପ୍ରକାଶ ପାଇଥିବାବେଳେ ଆଧ୍ୟାତ୍ମିକ ବାତାବରଣ ସହ ସୁଗନ୍ଧିତ ମହମହ ବାସ୍ନାରେ ଚତୁର୍ଦିଗ ଚଳଚଞ୍ଚଳ ହୋଇ ଉଠିଛି।ତଲିପଡା ଅନନ୍ତ ପୂଜାମହୋତ୍ସବରେ ଆଜିକାର ଅନୁଷ୍ଠିତ ହୋମଯଜ୍ଞରେ କର୍ତ୍ତା ଭାବେ ଅଜିତ କୁମାର ମେହେର ଏବଂ ତାଙ୍କ ସହଧର୍ମିଣୀ ରାଜଶ୍ରୀ ମେହେର, ଗିରିଧାରୀ ମେହେର ଓ ତାଙ୍କ ସହଧର୍ମିଣୀ ପ୍ରତୀମା ମେହେର, କୈଳାସ ମେହେର ଏବଂ ତାଙ୍କ ସହଧର୍ମିଣୀ ଝରଣା ମେହେର, ପରିକ୍ଷିତ ମେହେର ତାଙ୍କ ଧର୍ମପତ୍ନୀ ସୁବାସିନୀ ମେହେର,ତେଜରାଜ ମେହେର ଏବଂ ତାଙ୍କ ଧର୍ମପତ୍ନୀ ପଦ୍ମନୀ ମେହେର ଦାୟିତ୍ଵ ତୁଲାଇଛନ୍ତି। ସମସ୍ତ ପୂଜା ମେଢ଼ର ସାଜସଜ୍ଜା ବେଶ ମନୋରମ ହୋଇଥିବା ବେଳେ ଭରପୁର ମଜା ଉଠାଇବା ପାଇଁ ବରଗଡ଼ ସମେତ ସୁଦୂର ସମ୍ବଲପୁର, ସୋନପୁର,ନୂଆପଡା ଏପରି କି ଛତିଶଗଡ଼ ରାଜ୍ୟରୁ ଲୋକଙ୍କ ଭିଡ଼ ସଂଧ୍ୟା ସମୟରେ ବିଭିନ୍ନ ସ୍ଥାନରେ ଅନୁଷ୍ଠିତ ହେଉଥିବା ସାଂସ୍କୃତିକ କାର୍ଯ୍ୟକ୍ରମ,ଭଜନ, ରାମାୟଣ,ମୀନା ବଜାରରେ ପ୍ରବଳ ଗହଳି ହେବାରେ ଲାଗିଛି। ସ୍ଥାନୀୟ ପୋଲିସ ପ୍ରଶାସନ ବିଜେପୁର ସହରର ସମସ୍ତ  ଛକ, ପୂଜା ମେଢ, ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମ, ମୀନା ବଜାର ଠାରେ ନିରାପତ୍ତା ପାଇଁ ବ୍ୟାପକ ବ୍ୟବସ୍ଥାରେ ଲାଗିଛନ୍ତି। ଆସନ୍ତାକାଲି ଶୁକ୍ରବାର ଭଷାଣୀ ଶୋଭାଯାତ୍ରା ଅନୁଷ୍ଠିତ ହେବ ବୋଲି ଆୟୋଜକ ମାନଙ୍କ ପକ୍ଷରୁ ପ୍ରକାଶ