19-Sep-2024

ସମ୍ବଲପୁର(ସଂଜୀବ କୁମାର ପାଣିଗ୍ରାହୀ): ନଭେମ୍ବର ୧୬ ଏବଂ ୧୭ ତାରିଖ ଦୁଇ ଦିନ ଧରି ସମ୍ବଲପୁରରେ ବିଶ୍ୱ ଭାରତୀ ସମାବେଶ ଆୟୋଜିତ ହେବ  ଏନେଇ ମଙ୍ଗଲବାର ରାତିରେ ଆଭାସୀ ଜରିଆରେ ହୋଇଥିବା ଭାରତୀ ସମାଜର ବୈଠକରେ ଏହି ନିଷ୍ପତ୍ତି ହୋଇଛି । ଭାରତୀ ସମାଜର ଅନ୍ତରାଷ୍ଟୀୟ ସଂଯୋଜକ ପଣ୍ଡିତ ଦେବେନ୍ଦ୍ର ଦତ୍ତ ଶର୍ମା ଆମେରୀକାରୁ ଆଭାସୀ ଜରିଆରେ ଯୋଡି ହୋଇ ବିଶ୍ୱ ଭାରତୀ ସମାବେଶ ପାଇଁ ନଭେମ୍ବରରେ ସମ୍ବଲପୁର ଆସିବା ନେଇ ସୁଚନା ଦେଇଥିଲେ। ଭାରତୀ ସମାଜ ର ସଂଚାଳକ ଭବାନୀଶ ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ବିଭିନ୍ନ ଦେଶରୁ ଭାରତୀ ସମାଜ ର କର୍ମକର୍ତ୍ତା ମାନେ ସାମିଲ ହୋଇଥିଲେ।ଏବି ଅବସରରେ ସାରା ବିଶ୍ୱରେ ରହିଥିବା ଭାରତୀ ବଂଶଧର ମାନଙ୍କୁ ଏକଜୁଟ କରିବା ପାଇଁ ଗତ ୨୪ ବର୍ଷ ହେବ ଭାରତୀ ସମାଜ କାର୍ଯ୍ୟ କରି ଆସୁଥିବା ନେଇ ଭାରତୀ ସମାଜର ମହାସଚିବ ଦେବୀ ପ୍ରସାଦ ଭୋଇ ସୁଚନା ଦେଇଥିଲେ  ଏବେ ବିଭିନ୍ନ ଦେଶରେ ଏ ଦିଗରେ ଭାରତୀ ସମାଜ ପକ୍ଷରୁ କାଯର୍ୟ କରାଯାଉଥିବା ନେଇ ବୈଠକରେ ଚର୍ଚ୍ଚା କରାଯାଇଥିଲା  ସୁରୀନାମରୁ ବୈଠକରେ ସାମିଲ ହୋଇଥିବା ସତ୍ୟାନନ୍ଦ ପରମସୁଖ  କହିଥିଲେ ଯେ ସୁରିନାମରେ ବ୍ୟବହାର ହେଉଥିବା ସୁରୀନାମୀ ଭାଷା ହିନ୍ଦୀ ଭାଷାର ଏକ ରୁପ  ସେ ଏହାର ପ୍ରସାର ପାଇଁ ଦୀର୍ଘ ବର୍ଷ ହେବ କାଯର୍ୟ କରି ଆସୁଛନ୍ତି  ତେବେ ସରକାରୀ ପ୍ରୋତ୍ସାହନ ଅଭାବରୁ ସେଠାରେ ଏହାର ଯେତିକି ପ୍ରସାର ହେବାକଥା ତାହା ହୋଇ ପାରୁନାହିଁ   ଏଭଲି ସମ୍ମେଲନୀର ଆୟୋଜନ କରାଯିବା ଦ୍ୱାରା ଦେଶ ବିଦେଶରେ ରହୁଥିବା ଭାରତୀ ବଂଶଧରଙ୍କ ମଧ୍ୟରେ ସମନ୍ବୟ ବୃଦ୍ଧି ପାଇ ପାରିବ  ସମ୍ବଲପୁରରେ ଦୁଇ ଦିନଆ ବିଶ୍ୱ ଭାରତୀ ସମ୍ମିଲନୀ ଆୟୋଜନ ଯୋଗୁଁ ସମ୍ବଲପୁରୀ ସଂସ୍କୃତିର ପ୍ରଚାର ହୋଇ ପାରିବ ବୋଲି ପଶ୍ଚିମାଞ୍ଚଳ ଏକତା ମଂଚ ର ମୁଖ୍ୟ ସଂଯୋଜକ ମାନସ ରଂଜନ ବକ୍ସୀ ମତ ଦେଇଥିଲେ  ଅନ୍ୟ ପକ୍ଷରେ  ଡ. ପ୍ରମୋଦ ରଥ ବୈଠକରେ ଭାଗ ନେଇ ସାରା ବିଶ୍ୱର ଭାରତୀ ବଂଶଧର ମାନଙ୍କୁ ଏକଜୁଟ ହୋଇ ଆମର ଭାଷା ସଂସ୍କୃତିର ପ୍ରଚାର ପ୍ରସାର ପାଇଁ କାମ କରିବାର ଆବଶ୍ୟକତା ଉପରେ ମତ ଦେଇଥିଲେ  ଏହି ଦୁଇ ଦିନିଆ ବିଶ୍ୱ ଭାରତୀ ସମ୍ମିଳନୀରେ ଭାରତୀ ବଂଶଧରଙ୍କ ମଧ୍ୟରେ ଏକତା ସହ ବିଭିନ୍ନ ଦେଶରେ ଭାରତୀ ବଂଶଧରଙ୍କ ସ୍ଥିତି ଏବଂ ସମନ୍ବୟ ଉପରେ ଆଳୋଚନା କରାଯିବ  ଏଥିରେ ଦେଶ ତଥା ଦେଶ ବାହାରୁ ଭାରତୀ ସମାଜର ସଦସ୍ୟ ମାନେ ଯୋଗ ଦେବାର ଲକ୍ଷ୍ୟ ରଖାଯାଇଛି  ଏହି ବୈଠକରେ ଜର୍ମାନୀରୁ ପ୍ରଶ୍ମା ରାନୀ, ଦୁବାଇରୁ ନିପନ ଭୋଇ, ଲଣ୍ଡନରୁ  ସବିତା ତ୍ରୀପାଠୀ, ବିହାର ଝାରଖଣ୍ଡ ସଂଯୋଜକ ଆଦିତ୍ୟ ମହାନ୍ତି, ଡ ସ୍ବୟଂ ପ୍ରକାଶ ପଣ୍ଡା, କାନ୍ତି ମେହେର, ଝୁନୁ ତ୍ରିପାଠୀ, ପ୍ରଜ୍ଞା ସାହୁ, ସସ୍ମିତ କୁମାର ପଣ୍ଡା, ସୁଧୀର ମିଶ୍ର,ଲକ୍ଷ୍ମୀ ପ୍ରଧାନ, ସୁନିତି ମିଶ୍ର,ନିଶିକାନ୍ତ ବିଶ୍ବାଲ, କିଶୋର ଧରେଇ ପ୍ରମୁଖ ସାମିଲ ହୋଇଥିଲେ