11-Sep-2024

ବାଲିଗୁଡ଼ା(ପ୍ରେରଣା ଖବର): ଦୀର୍ଘ ବର୍ଷ ହେଲା କନ୍ଧମାଳ ଜିଲ୍ଲା ବାଲିଗୁଡ଼ା ଉପଖଣ୍ଡ ଅନ୍ତର୍ଗତ କୋଟଗଡ଼ ବ୍ଲକ କୋଟଗଡ଼ ପଞ୍ଚାୟତ ର ବାନ୍ଦକା ଗ୍ରାମର ୩୮ କୁଟିଆ ଆଦିବାସୀ ପରିବାର ଅନେକ ସମସ୍ୟା ଘେରରେ ବସବାସ କରୁଛନ୍ତି।ସେମାନେ ସରକାର ଙ୍କ ସମସ୍ତ ମୌଳିକ ସୁବିଧା ରୁ ବଞ୍ଚିତ ଥିବା ଅନେକ ଥର ପ୍ରଶାସନ କୁ ଜଣାଇ ହତାଶ ହୋଇ ପଡିଛନ୍ତି।କନ୍ଧମାଳ ପ୍ରଶାସନ ର କଥାରେ ଭରସା ରଖି ପାହାଡ ଉପର ଗାଁ ରୁ ତଳକୁ ଆସି ବସତି ସ୍ଥାପନ କଲେ।ପ୍ରଶାସନ ଉପରେ ଭରସା ଥିଲା ଏମାନଙ୍କ ପାଇଁ ପ୍ରଶାସନ ସରକାରୀ ସୁବିଧା ସୁଯୋଗ ଯୋଗାଇ ଦେବେ।ହେଲେ କଥା ହେଲା ଓଲଟା।ପାହାଡ ଉପର ଅପେକ୍ଷା ତଳେ ଦୁର୍ଦ୍ଦଶା ଏତେ ବଢ଼ିଗଲା ଯେ ପରିବାର ଚଳେଇବା ତଥା ରହିବା କଷ୍ଟକର ହୋଇପଡ଼ିଲା।ଶେଷରେ ଅନୋନ୍ୟପାୟ ହୋଇ ପୁଣି ସେହି ୪୦ ବର୍ଷରୁ ରହି ଆସୁଥିବା ପାହାଡ ଉପରକୁ ଫେରିଯିବା ପାଇଁ ମନ ବଳାଇଛନ୍ତି।ପ୍ରଶାସନ ବିରୋଧରେ ନା ନା ଅଭିଯୋଗ କଲେ ମଧ୍ୟ ଏହି ୩୮ କୁଟିଆ ଆଦିବାସୀ ପରିବାର ଙ୍କ ଦୁଃଖ କଥା କେହି ବୁଝୁ ନ ଥିବା ପ୍ରକାଶ କରିଛନ୍ତି।ଘଞ୍ଚ ଜଙ୍ଗଲ ମଧ୍ୟରେ ରହୁଥିବା ଏହି କୁଟିଆ ଆଦିବାସୀ ପରିବାର ରାସ୍ତା,ପିଇବା ପାଣି,ବିଦ୍ୟୁତ୍,ଶିକ୍ଷ୍ୟା ଭଳି ଅତ୍ୟାବଶ୍ୟକ ମୌଳିକ ଅଧିକାର ରୁ ବଞ୍ଚିତ ଥିଲେ।ଅନେକ ଅସୁବିଧାରେ ସେମାନେ ତାଙ୍କ ପରିବାର ପ୍ରତିପୋଷଣ ଏବଂ ଜୀବନ ଯାପନ କରୁଥିଲେ।ଗଣମାଧ୍ୟମରେ ଖବର ପ୍ରକାଶିତ ପରେ ପ୍ରଶାସନ ଚେଇଁ ଗାଁ ରେ ପହଞ୍ଚିଥିଲା।୧୨ ବର୍ଷ ତଳେ ବାନ୍ଦକା ର ସମସ୍ତ ପରିବାର କୁ ପାହାଡ ତଳ ଜାମଝୋର୍ ଗ୍ରାମରେ ପ୍ରଶାସନ ଥଇଥାନ କରି ସମସ୍ତ ମୌଳିକ ସୁବିଧା ମିଳିବ ବୋଲି ପ୍ରତିଶ୍ରୁତି ଦେଇଥିଲେ।ପ୍ରଶାସନ ର ଦୃଢୋକ୍ତି ବାଣୀ ରେ ୩୮ କୋଟିଆ ଆଦିବାସୀ ପରିବାର ୧୨ ବର୍ଷ ଧରି ଜାମଝୋର ରେ ରହିଥିଲେ ମଧ୍ୟ ଅଦ୍ୟାବଧି ସେମାନେ ଯେଉ ତିମିରେ କୁ ସେଇ    ତିମିରେ।ସଂପୃକ୍ତ ପରିବାର ବ୍ଲକ ପ୍ରଶାସନ କରିଥିବା ପ୍ରତାରଣା ଉପରେ ଅଭିଯୋଗ କରିଛନ୍ତି।ଆଜି ପର୍ଯ୍ୟନ୍ତ ମୁଖ୍ୟ ରାସ୍ତା ଠାରୁ ଯାମଝୋର୍ କୁ ଭଲ ରାସ୍ତା ନ ଥିବା ତଥା ବର୍ଷା ଦିନରେ ପାଣି କାଦୁଅ ରାସ୍ତାରେ ଯିବା ଆସିବା ସେମାନଙ୍କ ଜୀବନ ଯାପନ ପାଇଁ ଅସହ୍ୟ ହୋଇ ପଡ଼ିଛି।ଏମାନଙ୍କ ପାଇଁ ଆମ୍ବୁଲାନ୍ସ ସାତସପନ୍।ରୋଗୀ କୁ ଖଟିଆରେ ବୋହି ୨ କିଲୋମିଟର ରାସ୍ତା ଅତିକ୍ରମ କରିଯିବାକୁ ପଡୁଛି।ଅତ୍ୟାବଶ୍ୟକ ପିଇବା ପାଣି,ସୋଲାର ପ୍ରକଳ୍ପ,ଆବାସ ଯୋଜନା ରୁ ବହୁ ଦୂରରେ।ଏବେ ବି ଝାଟିମାଟି ଘରେ ବିତୁଛି ଜୀବନ ପଲ୍ଲୀ ସଭା ଏବଂ ଗ୍ରାମ ସଭା ରେ ଅଭିଯୋଗ କଲେ ମଧ୍ୟ ବିକାଶ ଠାରୁ ଅନେକ ଦୂରରେ।କୌଣସି ୱାର୍ଡ ସଭ୍ୟ ଓ ସମସ୍ୟା ସମ୍ପର୍କରେ ସରପଞ୍ଚ ଓ ବ୍ଲକ ଅଧିକାରୀ ଙ୍କୁ ଗୁହାରି କଲେ ମଧ୍ୟ କିଛି ଆଶାନୁରୂପ ଫଳ ମିଳି ପାରି ନ ଥିବା ଗ୍ରାମର ରମେଶ ମାଝି,ଜଳେଙ୍ଗା ମାଝି, ପପୁ ମାଝି,ରୁପିଙ୍ଗା ମାଝି, ଚିଣ୍ଟୁ ମାଝି,ମିନାକ୍ଷୀ ମାଝି,ସନିତା ମାଝି ଏବଂ ନଳିନୀ ମାଝି ଅଭିଯୋଗ କରିଛନ୍ତି।ସରକାର ଙ୍କ ଯୋଜନା ଯୋଜନା ରେ ରହିଯାଉଛି।ଗରିବ ଲୋକଙ୍କ ପାଇଁ ଉଦ୍ଦିଷ୍ଟ ଖାଦ୍ୟ ନିରାପତ୍ତା ଯୋଜନାରୁ ବଞ୍ଚିତ ଅଛନ୍ତି ଶିବ ମାଝି,ସତ୍ୟ ମାଝି,ରୁପୀଙ୍ଗା ମାଝି, ବିରୁଙ୍ଗି ମାଝି ଙ୍କ ପରିବାର।ଖାଦ୍ୟ ଅଭାବରୁ ମକାଗୁଣ୍ଡ କରି ସିଝାଇ ଖାଇ ବଞ୍ଚୁଛନ୍ତି ଏହି ପରିବାର।ବ୍ଲକ ଯୋଗାଣ ଅଧିକାରୀ ଙ୍କୁ ରାସନ୍ କାର୍ଡ ପାଇଁ ଗୁହାରି କଲେ ମଧ୍ୟ କେହି ଶୁଣୁ ନ ଥିବା କହିଛନ୍ତି।ଏଭଳି ଅନେକ ଅସମାହିତ ସମସ୍ୟାର ସମାଧାନ ନ ହେବାରୁ ନିଜ ଭିଟାମାଟି କୁ ଫେରିବାକୁ ମନସ୍ଥ କରିଛନ୍ତି ସମସ୍ତ କୁଟିଆ ଆଦିବାସୀ ପରିବାର। କୋଟିଆ ଆଦିବାସୀ ଙ୍କ ସମସ୍ୟା ସମ୍ପର୍କରେ କୋଟଗଡ଼ ବିଡ଼ିଓ ଙ୍କ ଦୃଷ୍ଟି ଆକର୍ଷଣ କରାଯାଇଥିଲା। ପ୍ରତ୍ୟୁତ୍ତର ରେ ବିଡ଼ିଓ ଏ ବିଷୟ ପୂର୍ବରୁ ଜାଣି ନ ଥିବା କହିଥିଲେ।ତେବେ ଆଗାମୀ ଦିନରେ ଏହା ଉପରେ ପଦକ୍ଷେପ ନେବେ ବୋଲି ମନବୁଝା କଥା କହିଥିଲେ।