15-Jul-2024

(ଡୋଲେଶ୍ଵର ବାଗ )
ନୂଆପଡ଼ା ଜିଲ୍ଲା ଖଡିଆଳ ସ୍ଥିତ ତିଖଳି ନିମ୍ନ ଇନ୍ଦ୍ର ଜଳ ସେଚନ ପ୍ରକଳ୍ପ ରୁ ଆଜି ଖରିଫ ଚାଷ ପାଇଁ କେନାଲ ଦ୍ବାରା ଜଳ ନିଷ୍କାସନ କରିଛନ୍ତି। ନୂଆପଡ଼ା ଏବଂ ବଲାଙ୍ଗୀର ଜିଲ୍ଲା ର ୩୫ ହଜାର ୫ ଶହ  ୫୭ ଜଣ ଚାଷୀଙ୍କ  ୨୯ ହଜାର ୯୦୦ ହେକ୍ଟର ଜମିକୁ ଜଳ ସେଚନ ବ୍ୟବସ୍ଥା ଲକ୍ଷ ନେଇ ଜଳ ନିଷ୍କାସନ କରିଛନ୍ତି। ଏହି ଜଳ ସେଚନ ପ୍ରକଳ୍ପ ର ବାମ ଏବଂ ଡାହାଣ କେନାଲ ମାଧ୍ୟମରେ ଜଳ ନିଷ୍କାସନ କରିଛନ୍ତି। ଏହି ଜଳ କେନାଲ ଦ୍ବାରା ଚାଷୀଙ୍କ ଜମି କୁ  ଜଳ ଅଭାବରୁ ଦୂର କରିବା ସହ ବର୍ଷାଭାବ ରୁ ଦେଖାଯାଇଥିବା କୃଷି ସମସ୍ୟା ସମାଧାନ ହେବ ବୋଲି ମତବ୍ୟକ୍ତ କରିଛନ୍ତି। ପାଣିପଞ୍ଚାୟତ ଏବଂ ବିଭାଗୀୟ ଅଧିକାରୀ ମାନେ ଯୋଗ ଦେଇ ପାରମ୍ପରିକ ପୂଜା ଅର୍ଚ୍ଚନା ପରେ କେନାଲ ର ଚାରି ଗୋଟି ଗେଟ୍ ରହିଥିବା ବେଳେ ୨ ଓ ୩ ନମ୍ୱର୍ ଗେଟ୍ ଖୋଲା ଯାଇଛି।ଏକାଥରକେ ୪୦ କୟୁବିକ୍  ଜଳ ନିଷ୍କାସନ ନେଇ ପ୍ରକାଶ। ଅଧିକ୍ଷଣ ଯନ୍ତ୍ରୀ ବଙ୍ଗୋମୁଣ୍ଡାରେ ସୂର୍ଯ୍ୟ କୁମାର ପାଣିଗ୍ରାହୀ, ଖଡିଆଳ ଅଧିକ୍ଷଣ ଯନ୍ତ୍ରୀ ସୌମ୍ୟ କିଶୋର ଜୟପୁରୀୟ,ସହକାରୀ ଯନ୍ତ୍ରୀ ସୌରବ କୁମାର ଦାସ, ଡେମ ସହକାରୀ ଯନ୍ତ୍ରୀ ହେମ କୁମାର ନାଏକ, ପାଣିପଞ୍ଚାୟତ ସଭାପତି ମଞ୍ଜେସ  ମେହେର,ସମ୍ପାଦକ ମିଳନ ଯାଦବ, ଉଦ୍ଧବ ବେହେର ଯୋଗ ଦେଇଥିଲେ।