15-Jul-2024

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ ) ନବ ଦିନାତ୍ମକ ଯାତ୍ରା ସାରି ଆଜି ବାହୁଡା଼ ଯାତ୍ରା କୁ ବାହାରିଲେ ଶ୍ରୀଜିଉ। ଏଥିପାଇଁ ଆଜି ସମଗ୍ର ପାତାଳିଶ୍ରୀକ୍ଷେତ୍ର ଏକ ଭକ୍ତି ମୟ ପରିବେଶ ସୃଷ୍ଟି ହୋଇଥିଲାସକାଳ ୫ ଘ ମଙ୍ଗଳ ଆଳତି, ସକାଳ ୭ଘ ଖେଚୁଡ଼ି ଭୋଗ, ସକାଳ ୮ ଘ ମଙ୍ଗଳାର୍ପଣ, ବେଶ ,ପୂର୍ବାହ୍ନ ୧୧.ଘ ଧାଡ଼ି ପହଣ୍ଡି ରେ ଚତୁର୍ଦ୍ଧାମୂର୍ତ୍ତିଙ୍କୁ ରଥାରୁଢ଼ କରାଯାଇଥିଲା,  ଛେରା ପହଁରା ରେ ସହଯୋଗ କରିଥିଲେ  ନରସିଂହ ପଧାନ,  ମିତ୍ରଭାନୁ ମହାକୁର,  ଶରଦ ଚାନ୍ଦ। ଅପରାହ୍ନ ୧ ଘ ରଥରେ ଛେରା ପହଁରା  କରିଥିଲେ ଗଡତିଆ ଶ୍ରୀ ଚମରା ଅମାତ । ସଂକୀର୍ତ୍ତନ, ଘଣ୍ଟ,ଶଙ୍ଖ, ହରିବୋଲ ହୁଳହୁଳି, ଜୟ ଜୟ ଜଗନ୍ନାଥ ଧ୍ବନିରେ ପ୍ରକମ୍ପିତ ପାତାଳୀ ଶ୍ରୀକ୍ଷେତ୍ର। ଲକ୍ଷାଧିକ ଭକ୍ତଙ୍କ ସମାଗମ ରେ ସମଗ୍ର କ୍ଷେତ୍ର ଚଳଚଞ୍ଚଳ ରହିଥିଲା। ସୁବର୍ଣ୍ଣପୁର ର ଚନ୍ଦ୍ରିକା ସେବା ଟ୍ରଷ୍ଟ ତରଫରୁ ଅନ୍ନ ପ୍ରସାଦ, ପାନୀୟ ଜଳର ସେବାଯୋଗାଇ ଦିଆଯାଇଥିବା ବେଳେ  ରାଷ୍ଟ୍ରୀୟ ସ୍ଵୟଂସେବକ ସଂଘ ତରଫରୁ ଶୃଙ୍ଖଳା ବ୍ୟବସ୍ଥା ଯୋଗାଇ ଦିଆଯାଇଥିଲା । ପୋଲିସ , ସ୍ୱାସ୍ଥ୍ୟ, ଅଗ୍ନିଶମ ସେବା ବିଭାଗ ତରଫରୁ ଲୋକଙ୍କୁ ସେବା ଦେଇଥିବାବେଳେ ଆଜିର ବାହୁଡା଼ ଯାତ୍ରା ରେ ଅତିଥି ଭାବରେ ବିଧାୟକ ଇଂ ରଘୁନାଥ ଜଗଦଲା , ଏଡିଏମ୍  ଅଞ୍ଜଳିନା ପଧାନ, ରାଜସ୍ବ ଅଧିକାରୀ -  ଅଜିତ୍ ମିର୍ଦ୍ଧା ପ୍ରମୁଖ ଯୋଗ ଦେଇଥିଲେ ।