10-Jul-2024

ନୂଆପଡ଼ା  (ରାମନାଥ ପଣ୍ଡା )
- ଖରିଆର ବ୍ଲକ ଝୋଲପଥର ଉଚ୍ଚ ପ୍ରାଥମିକ ବିଦ୍ୟାଳୟର ବାରଣ୍ଡାର ଛାତରୁ ଗତ ୫। ତାରିଖ ଦିନ ବଡ଼ବଡ଼ ଖଣ୍ଡ କଂକ୍ରିଟ ଖସିବାରୁ ଛାତ୍ର ଛାତ୍ରଛାତ୍ରୀ ମାନେ ଅଳ୍ପକେ ରକ୍ଷାପାଇଥିବା ସୁଚନା ମିଲିଛି। ଘଟଣାଟି ଘଟିବା ଦିନ ଛାତ୍ରଛାତ୍ରୀ ମାନେ ପ୍ରର୍ଥନା ସାରି କ୍ଲାସରୁମକୁ ଗଲାପରେ ବାରଣ୍ଡାରୁ ଏକ ବିରାଟ କଂକ୍ରିଟ ଖସିବାରୁ ଭୟ ର ବାତାବରଣ ସ୍ରୁଷ୍ଟି ହୋଇଛି। ପୁଣି ୨ଘଟିକା ସମୟରେ ଆଉଏକ ବିରାଟ କଂକ୍ରିଟ ଖଣ୍ଡ ଖସିଛି।ପ୍ରଧାନ ଶିକ୍ଷକ ଏବିଷୟରେ ସାଙ୍ଗେ ସାଙ୍ଗେ ବିଭାଗୀୟ ଅଧିକାରୀ ବି ଇ ଓ ଙ୍କୁ ଓ ସ୍ଥାନୀୟ ସରପଂଚ ସାନମହେଶ୍ୱର ଙ୍କୁ ଲିଖିତ ଜଣାଇଛନ୍ତି। ଗତ ଶନିବାର ଦିନ ସି ଆର୍ ସି ସି, ସରପଂଚ ତଥା ବ୍ଲକର ଭାଇସ୍ ଚେୟାରମ୍ୟାନ ଆସି ଫୋଟୋ ଉଠାଇ ନେଲେ ଏବଂ ଶିଘ୍ର ପଦକ୍ଷେପ ନେବା ପାଇଁ କହିଥିଲେ ହେଲେ ଆଜି ପର୍ଯ୍ୟନ୍ତ ବିଭାଗୀୟ ଅଧିକାରୀ କିମ୍ବା ସରପଂଚ  କିଛି ପଦକ୍ଷେପ ନେଇ ନାହାଁନ୍ତି। ଫଳରେ ଛାତ୍ରଛାତ୍ରୀ ମାନେ ବାହାରେ ବସୁଥିବାର ଦେଖିବାକୁ ମିଲୁଛି। ଗ୍ରାମର ଚତୁଃ ପାର୍ଶ୍ଵରେ ଜଙ୍ଗଲ ଥିବା କାରଣରୁ ବିଷଧର ସର୍ପ ମାନଙ୍କ ଭୟ ମଧ୍ଯ ରହିଛି। ନିକଟରେ ପାଖ ଗାଁର ଏକ ବିଦ୍ଯାଳୟରେ ଘଟିଥିବା  ଦୁର୍ଘଟଣା ପରି ଏହି ବିଦ୍ୟାଳୟ ଯେମିତି ଉଦାହରଣ ତାଲିକାରେ ନ ଆସୁ ବୋଲି ଜନସାଧାରଣରେ ଚର୍ଚ୍ଚା ହେଉଛି। ଏଣୁ ପ୍ରଶାସନ ଏହାର ଯଥାଶୀଘ୍ର ସମାଧାନ କରିବା ପାଇଁ ଅଭିଭାବକ ମହଲରେ ଦାବୀ ହେଉଛି। ନଚେତ କୌଣସି କିଛି ଦୁର୍ଘଟଣା ଦେଖାଦେଲେ  ପ୍ରସାଶନ ଏଥିପାଇଁ ଦାୟୀ ହେବେ। ଶିକ୍ଷା ବିଭାଗ ଓ ବ୍ଲକ ପ୍ରଶାସନ କେତେ ତତ୍ପରତାର ସହିତ ସମସ୍ୟାର ସମାଧାନ କରିବେ ଏବଂ ଛାତ୍ର ଛାତ୍ରୀ ଙ୍କୁ ସୁରକ୍ଷା ଦେବାରେ ସହଯୋଗ କରିବେ ତାହା ଦେଖିବାକୁ ବାକି ରହିଲା ।