09-Jul-2024

ବଲାଙ୍ଗିର(ପ୍ରେରଣା ଖବର): ଯାହାର ଭକ୍ତି ଯେତେ ବଡ, ତାର ଭଗବାନ ସେତେ ବଡ, ଭକ୍ତବତ୍ସଳ ଭଗବାନ ସବୁବେଳେ ଭକ୍ତିଭାବରେ ବନ୍ଧା । ଏହି ଉକ୍ତିକୁ ସତ୍ୟ ପ୍ରମାଣିତ କରି ଦେଇଛନ୍ତି ବଲାଙ୍ଗୀର ଗାନ୍ଧିନଗରପଡାର ଜଣେ ଜଗନ୍ନାଥ ଭକ୍ତ କଲେଜ ଛାତ୍ରୀ ରୋଜୀ ପଧାନ । ସାରା ରାଜ୍ୟରେ ଜଗତର ନାଥ ଜଗନ୍ନାଥଙ୍କ ଏହି ପର୍ବକୁ ଜାକ୍ ଜମକ୍ ରେ ପାଳନ କରୁଥିବା ବେଳେ  ଭକ୍ତ ଓ  ଭଗବାନଙ୍କ ମହାମିଳନର ଏହି ପର୍ବକୁ ଏକ ନିଆରା ଢ଼ଙ୍ଗରେ ପାଳନ କରିଛନ୍ତି ରୋଜୀ । ନିଜ ପ୍ରିୟ କାଳିଆକୁ ରଥରେ ବସେଇବା ପାଇଁ ନିଜେ ନିଜ ବୁଦ୍ଧି ଓ ଖର୍ଚ୍ଚରେ ରଥ ନିର୍ମାଣ କରିଛନ୍ତି ।

ସେ ମାତ୍ର ୧ଠଠଟଙ୍କା ବ୍ୟୟରେ ଏକ ଦେଢ଼ ଫୁଟ୍ ର ନନ୍ଦିଘାଷ ରଥ ନିର୍ମାଣ କରିଛନ୍ତି । ରୋଜି ଲୋଇସିଂହା କଲେଜରୁ ବିଜ୍ଞାନରେ ସ୍ନାତକ ଶେଷ କରିଥିବା ବେଳେ ବର୍ତ୍ତମାନ ସେ ସ୍ନାତକୋତ୍ତର  ପାଇଁ ପ୍ରସ୍ତୁତ ହେଉଛନ୍ତି । ଛୋଟ ଦିନରୁ ଜଗନ୍ନାଥଙ୍କ ପ୍ରତି ଅପାର ଶ୍ରଦ୍ଧା ଓ ଭକ୍ତି ରଖିଥିବା ରୋଜି ହେଉଛନ୍ତି ବରିଷ୍ଠ ସାମ୍ବାଦିକ ମହେନ୍ଦ୍ର ପ୍ରଧାନ ଓ ଶ୍ରୀମତୀ ବିମଳା ପ୍ରଧାନଙ୍କ ଝିଅ । ବଲାଙ୍ଗୀର ଜିଲ୍ଲା ପୁଇଁନ୍ତଳା ବ୍ଲକ ମଙ୍ଗଳାମୁଣ୍ଡାର ମୂଳବାସୀନ୍ଦl ରୋଜିଙ୍କ ବାପାମାଁ ସବୁବେଳେ ନିଜ ଝିଅକୁ ଭକ୍ତି ମାର୍ଗରେ ଯିବା ପାଇଁ ପରାମର୍ଶ ଦେଇଆସି ଛନ୍ତି । ବାପାମାଁଙ୍କ ପ୍ରେରଣାରେ ଦୀର୍ଘ ୫ ବର୍ଷ ହେଲା ମହାପ୍ରଭୁ ଜଗନ୍ନାଥ ରୋଜିଙ୍କ ରଥରେ ବିଜେ କରୁଛନ୍ତି ।