10-Jun-2024

ବଲାଙ୍ଗିର(ଦେବାଶିଷ ବହିଦାର): ସ୍ଥାନୀୟ ଶ୍ରମିକ ଭବନ ପରିସରରେ ବିଙ୍ଗ ହ୍ୟୁମେନ ଫାଉଣ୍ଡେସନର ପ୍ରତିଷ୍ଠାତା ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ସବୁଜ ବଲାଙ୍ଗିର ଓ ରକ୍ତଦାନ ଶିବିର ପାଇଁ ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି।

 ବର୍ତ୍ତମାନ ୪୬ ଡିଗ୍ରୀ ଉପରେ ବଲାଙ୍ଗିର ଜିଲା ତାପମାତ୍ରା ରହି ଆସୁଥିବା ବେଳେ ଆଜି ସୁଦ୍ଧା ସନ୍ଧ୍ୟା ୬ଟା ପରେ ମଧ୍ୟ ତାତିରୁ ମୁକ୍ତି ମିଳିପାରିନାହିଁ। ପ୍ରବଳ ମାତ୍ରାରେ ବଢ଼ୁଥିବା ଉତ୍ତାପକୁ ପ୍ରତିରୋଧ କରିବା ପାଇଁ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ବିଙ୍ଗ ହ୍ୟୁମେନ ପକ୍ଷରୁ ଚାରା ରୋପଣ କରାଯିବାକୁ ଗୁରୁତ୍ୱାରୋପ କରାଯାଇଛି। ମୁକୁଟ ବିହୀନ ଶ୍ରମିକ ସମ୍ରାଟ ସ୍ୱର୍ଗତ ବିଶିଷ୍ଟ ସମାଜସେବୀ ଲଳିତ ନାୟକଙ୍କ

ମାର୍ଗଦର୍ଶନରେ ରକ୍ତଦାନ ଭଳି ପୂଣ୍ୟ ପଥର ପଥିକ ଅନୁଷ୍ଠାନର କର୍ମକର୍ତ୍ତାମାନେ ଯଥାସମ୍ଭବ ସାହାଯ୍ୟ ସହଯୋଗ ଗରିବ, ନିଷ୍ପେସିତ, ଅବହେଳିତ ତଥା ଜରୁରୀ ଥିବା ଲୋକଙ୍କୁ ଯୋଗାଇ ଆସୁଛନ୍ତି। ଏହାକୁ ଆହୁରି ବ୍ୟାପକ କରାଯିବାକୁ ସଭାରେ ମତପ୍ରକାଶ ପାଇଥିଲା। ପ୍ରାରମ୍ଭରେ ସ୍ୱର୍ଗତ ନାୟକଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ସମସ୍ତ ଶାଖାର ସଂଯୋଜକ ସଂଯୋଜିକା, ଅନୁଷ୍ଠାନ

ସକ୍ରିୟ ସଦସ୍ୟ ମୁକେଶ ପଧାନ, ବୁଲୁ ମହାକୁର, ବୀରେନ୍ଦ୍ର ସାହୁ, ଅମରେଶ ଖେତୀ, କୁନାଲ ସରକାର, ବିଜୟ ସା, କନ୍ଦର୍ପ ରଣା, ଶକ୍ତି ଅମାତ, ବିକୁ ଦଳାଇ, ତପନ ଜାଲ, ଘନ ପଶାୟତ, ପଞ୍ଚାନନ ପଟ୍ଟନାୟକ, ପ୍ରଶାନ୍ତ ନେଗୀ, ସୋନୁ ମହାକୁର, ଆକାଶ ସାହୁ, ଅଲେଖ ସାହୁ, ଅନିଲ ନାଏକ, ରାଜେଶ ପ୍ରଧାନ, ଅନିଲ ରଣା, ମହିଳା ଶାଖାର ରୂପା ଦାଶ, ସୁନିତା ବେହେରା, ରିଙ୍କି ସାହୁ, ପ୍ରିୟା ମିଶ୍ର, ଶିବାନୀ ଜାଲ, ଶିବାନୀ ମହାପାତ୍ର, ମାନସୀ ନନ୍ଦ, ସୁଧୀର ଅମାତ, ପ୍ରେମରାଜ ପଧାନ, ରିଙ୍କୁ ଦାଶ ପ୍ରମୁଖ ଉପସ୍ଥିତ ଥିଲେ ।