28-May-2024

ନୂଆପଡ଼ା  (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଖଇରା ପଞ୍ଚାୟତ ପୋଡ଼ାଖୁଟ୍ ପାଖରେ ଫୋର୍ ୱେ ଉପରେ ପାହାନ୍ତିଆ ୪ ଟା ରୁ ୫ ଟା ସମୟ ମଧ୍ୟରେ ନୂଆପଡ଼ା ପଟରୁ ସିନାପାଲି ଅଭିମୁଖେ ଯାଉଥିବା କୌଣସି ଏକ ଗାଡ଼ିକୁ ପଛପଟୁ ଅନ୍ୟ ଏକ ମାଲ ବୋଝେଇ ମିନି ଟ୍ରକ୍ ଗତିଶୀଳ ଅବସ୍ଥାରେ ଧକ୍କା ଦେବା ଫଳରେ ମିନି ଟ୍ରକ୍ ଦୁର୍ଘଟଣା ଗ୍ରସ୍ତ ହୋଇଥିବା ଅନୁମାନ କରାଯାଉଛି ।  ଟ୍ରକ୍ ଚାଳକ ତିରୁପତି କୁମାର ସିଂ ପି - ଦିଲୀପ କୁମାର ସିଂ ରାୟଗଡ଼ା ଜିଲ୍ଲା କାଶିପୁର ଥାନା ମାଣ୍ଡବିଶି ଗ୍ରାମର  ଗାଡ଼ି ଭିତରେ ମୃତ୍ୟୁ ହୋଇ ଯାଇଥିବା ବେଳେ ହେଲ୍ପର କୈଳାଶ ଧଙ୍ଗଡାମାଝୀ ପି ରାମନାଥ ଧଙ୍ଗଡା ମାଝୀ ବର୍ତ୍ତମାନ  ଆହତ ଅବସ୍ଥାରେ ବୋଡ଼େନ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି । ହେଳପରଙ୍କ ଅବସ୍ଥା ଅନୁସାରେ ତାଙ୍କୁ ଅନ୍ୟତ୍ର ସ୍ଥାନାନ୍ତରିତ କରାଯାଇ ପାରେ ବୋଲି ଅନୁମାନ ହେଉଛି । ଘଟଣା ସ୍ଥଳରେ ବୋଡ଼େନ ପୋଲିସ ଓ ବୋଡ଼େନ ଅଗ୍ନିଶମ ବିଭାଗ ପହଞ୍ଚି ଗାଡ଼ି ଭିତରେ ଚାପି ହୋଇ ରହିଯାଇଥିବା ଡ୍ରାଇଭରର ଶବକୁ ବାହାର କରି ଏବଂ ଆହାତ ହେଳପର ଉଭୟଙ୍କୁ ଆମ୍ବୁଲାନ୍ସ ଯୋଗେ ବୋଡ଼େନ ସ୍ବାସ୍ଥ୍ୟ କେନ୍ଦ୍ରକୁ ପଠାଇଛନ୍ତି ।ପୋଲିସ ଉଦ୍ଧାର କାର୍ଯ୍ୟ କରିବାସହ ଶବ ବ୍ୟବଚ୍ଛେଦର ବ୍ୟବସ୍ଥା କରିଛି ।ପୋଲିସ ତାର ତଦନ୍ତ ପ୍ରକ୍ରିୟା ଜାରି ରଖିଥିବା ଜଣାଯାଇଛି ।