02-Mar-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଲ ବ୍ଲକ ଅନ୍ତର୍ଗତ ଖୁଣ୍ଟିଗୋରା ଛକ ନିକଟରେ ଶନିବାର ଏକ ବାଇକ ଦୁର୍ଘଟଣା ଗ୍ରସ୍ତ ହୋଇଛି l ଦୁର୍ଘଟଣାରେ ବାଇକ ଚାଳକ ସମତେ ୨ ଜଣ ଗୁରୁତର ଆହତ ହୋଇଛନ୍ତି l ଆହତ ଦ୍ବୟ ହେଲେ ବନ୍ଧଗୋରା ଗ୍ରାମର ଚମ୍ପେଶ୍ୱର ମାଝୀ ଓ ସିନ୍ଧୁଗୋରା ଗ୍ରାମର ରବି ଚନ୍ଦ୍ର ମଲିକ l ଉଭୟ ବ୍ୟକ୍ତି ଖୁଣ୍ଟିଗୋରା ରୁ କାମ

ସାରି ନିଜ ଗ୍ରାମ ଅଭିମୁଖେ ଯାଉଥିବା ବେଳେ ବାଇକ ଦୁର୍ଘଟଣାଗ୍ରସ୍ତ ହୋଇଥିଲା l ସେହି ରାସ୍ତା ଦେଇ ଯାଉଥିବା ଶିକ୍ଷାବିତ ନିଳାଚଳ ଭୋଇ ଓ ଜିଲ୍ଲାପରିଷଦ ସଦସ୍ୟା ସୁମିତ୍ରା ସାହୁ ଆହତଙ୍କୁ ଉଦ୍ଧାର କରି ନିଜ କାରରେ ନିକଟସ୍ଥ ଖୁଣ୍ଟିଗୋରା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତୀ କରିଥିଲେ। ସେମାନଙ୍କ ଅବସ୍ଥା ଅଧିକ ଗୁରୁତର ଥିବାରୁ ଚିକିତ୍ସା ପାଇଁ ଆମ୍ବୁଲାନ୍ସ ଯୋଗେ କଣ୍ଟାମାଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଥିଲା l