30-May-2026

କଟକ (ତପନ ମହାନ୍ତି )ଜଣେ ଯୁବତୀଙ୍କୁ କେନ୍ଦ୍ର କରି ପୂର୍ବରୁ ବ୍ୟକ୍ତିଗତ ଶତ୍ରୁତା ରହିଥିଲା। ତଦନ୍ତରୁ ଜଣାପଡ଼ିଥିଲା ଯେ, ସୂରଜ ବିଶ୍ୱକର୍ମା ଦୀର୍ଘଦିନ ଧରି ଯୁବତୀଙ୍କ ସହ ସମ୍ପର୍କରେ ଥିବା ବେଳେ ପରବର୍ତ୍ତୀ ସମୟରେ ମୃତ ବରୁଣ କୁମାର ରାଉତରାୟ ତାଙ୍କ ସହ ଘନିଷ୍ଠ ହୋଇଥିଲେ। ଏହାକୁ କେନ୍ଦ୍ର କରି ବରୁଣ ଏବଂ ସୂରଜଙ୍କ ମଧ୍ୟରେ ବାରମ୍ବାର ବିବାଦ ଓ ଝଗଡ଼ା ଲାଗି ରହୁଥିଲା।ଘଟଣାକ୍ରମରେ ଅଭିଯୁକ୍ତ ସୂରଜ ବିଶ୍ୱକର୍ମା ଏବଂ ତାଙ୍କ ସହଯୋଗୀମାନେ ଏକ କଳା ରଙ୍ଗର ଥାର୍ ଗାଡ଼ିରେ ବରୁଣ କୁମାର ରାଉତରାୟ ଏବଂ ତାଙ୍କ ସାଙ୍ଗମାନଙ୍କୁ ପିଛା କରିଥିଲେ। ଆଚାର୍ଯ୍ୟ ହରିହର ମହାବିଦ୍ୟାଳୟ ନିକଟରେ ଅଭିଯୁକ୍ତମାନେ ଉଦ୍ଦେଶ୍ୟମୂଳକ ଭାବେ ବରୁଣଙ୍କ ମୋଟରସାଇକେଲକୁ ଧକ୍କା ଦେବା ପରେ ତାଙ୍କୁ ହତ୍ୟା କରିବା ଉଦ୍ଦେଶ୍ୟରେ ଥାର୍ ଗାଡ଼ି ଚଢ଼ାଇ ଦେଇଥିଲେ। ଫଳରେ ବରୁଣ କୁମାର ରାଉତରାୟ ଗୁରୁତର ଆହତ ହୋଇ ମୃତ୍ୟୁବରଣ କରିଥିଲେ। ତାଙ୍କର ଦୁଇ ସହଯୋଗୀ ଆଲୋକ ମଲ୍ଲିକ ଏବଂ ବଳବନ୍ତ ଉର୍ଫ ଗୋଧି ମଧ୍ୟ ଗୁରୁତର ଆହତ ହୋଇ ବର୍ତ୍ତମାନ ଚିକିତ୍ସାଧୀନ ଅଛନ୍ତି।ଘଟଣା ରେ ଏକ ଥାର ଗାଡି, ଏକ ବାଇକ ସହ 6ଜଣ ଅଭିଯୁକ୍ତ ଙ୍କୁ ଗିରଫ କରି କୋର୍ଟ ଚାଲାଣ କଲା ଚନ୍ଦ୍ରଶେଖର ପୁର ଥାନା ପୋଲିସ