30-May-2026

କଟକ (ତପନମହାନ୍ତି )ଯୋବ୍ରା “ଆଇ ଲଭ୍ କଟକ” ସେଲ୍ଫି ପଏଣ୍ଟ ନିକଟରେ ଏସସିବି ମେଡିକାଲ ସମ୍ପ୍ରସାରଣ କାର୍ଯ୍ୟରେ ଲାଗିଥିବା ଘରୋଇ ବସ୍ ଧକ୍କାରେ ସ୍ୱାଗତିକା ମହାନ୍ତି ନାମକ ଜଣେ ଯୁବତୀଙ୍କ ମୃତ୍ୟୁ ଘଟିଛି।ମୃତା ସ୍ୱାଗତିକା ଜଣେ ପୁଲିସ କର୍ମଚାରୀଙ୍କ ର ଝିଅ। ସ୍କିଲିଂ ୟୁଥ କୋର୍ଡିନେଟର ଭାବେ କଟକ ଲାଇଟ ହାଉସରେ କାର୍ଯ୍ୟ କରୁଥିଲେ। ସେ ତୁଳସୀପୁର ଭିଜିଲାନ୍ସ କଲୋନୀରେ ସେ ରହୁଥିଲେ। ଆଜି ନିଜର କର୍ମକ୍ଷେତ୍ରକୁ ଆସୁଥିବା ସମୟରେ ଏଲଏନଟି ରେ ଲାଗିଥିବା ଏକ ଘରୋଇ ବସ୍ ଦ୍ରୁତ ଗତିରେ ଆସି ତାଙ୍କୁ ଧକ୍କା ଦେଇଥିଲା। ଗୁରୁତର ଅବସ୍ଥାରେ ତାଙ୍କୁ ଏସସିବି ମେଡିକାଲକୁ ଚିକିତ୍ସା ପାଇଁ ନିଆଯାଇଥିଲା। ସ୍ବଳ୍ପ ସମୟ ଚିକିତ୍ସା ପରେ ତାଙ୍କର ମୃତ୍ୟୁ ଘଟିଛି ବୋଲି ସୂଚନା ମିଳିଛ ନିଜର ଝିଅ କୁ ହରାଇ ପରିବାର ଲୋକେ ଭାଙ୍ଗି ପଡ଼ିଛନ୍ତି। ବଡ଼ କଥା ହେଉଛି ଏସସିବି ମେଡିକାଲ ସମ୍ପ୍ରସାରଣ କାର୍ଯ୍ୟ ପାଇଁ ଲାଗିଥିବା ପ୍ରାୟ ସମସ୍ତ ବସ୍ ଗୁଡ଼ିକ ଜଗତପୁର ଜନ ଗହଳି ପୂର୍ଣ୍ଣ ଅଞ୍ଚଳ ଦେଇ ସବୁବେଳେ ଯିବା ଆସିବା କରୁଛନ୍ତି। ଫଳରେ ପ୍ରତ୍ୟେକ ଦିନ କୋଉଠି ନା କୋଉଠି ଦୁର୍ଘଟଣା ଘଟୁଛି। ଏ ସମ୍ପର୍କରେ ଅଞ୍ଚଳ ବାସୀ ବାରମ୍ବାର ଆର ଟି ଓ , ଟ୍ରାଫିକ ପୁଲିସ, ଏବଂ ସ୍ଥାନୀୟ ପୁଲିସ ପ୍ରଶାସନକୁ ଅଭିଯୋଗ କଲେ ସୁଦ୍ଧା ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ|