01-Mar-2024

ବଲାଙ୍ଗୀର(ପ୍ରେରଣା ଖବର ):  ସମଗ୍ର ରାଜ୍ୟରେ ୨୭୦୮ ପ୍ରାଥମିକ କୃଷି ସମବାୟ ସମିତ(ପେକ୍‌ସ ) ଓ ବହୁମୁଖୀ ଆାଦିବାସୀ ସମବାୟ ସମିତି (ଏଲଏଏମ୍‌ପିଚିଏସ୍) ରେ  ୧୦,୦୦୦ରୁ ଅଧିକ କର୍ମଚାରୀ ମାନେ ଚଷୀ ଭାଇ ମାନଙ୍କ  ହିତ ପାଇଁ କାମ କରୁଛନ୍ତି । ପଂଚାୟତ ଓ ଗ୍ରାମୀଣ କ୍ଷେତ୍ରରେ  କାମ କରୁଥିବା ଏହି କର୍ମଚାରୀ ମାନଙ୍କ ନ୍ୟାର୍ଯ୍ୟ ଦାବିକୁ ସରକାର କ୍ରମାଗତ ଭାବେ ଅଣଦେଖା କରିଥିବାରୁ ଶେଷରେ ଏହି କର୍ମଚାରୀ ମାନେ ଆନ୍ଦୋଳନକୁ ଓହ୍ଲାଇଛନ୍ତି ।  ଏ ନେଇ ପେକ୍ସ କର୍ମଚାରୀ ମାନେ ସମବାୟ ମନ୍ତ୍ରୀ, ସମବାୟ ସମିତି ସମୂହ ନିବନ୍ଧକ ଓ ୫-ଟି ସଚିବଙ୍କୁ ନିଜର ଦାବି ସଂପର୍କରେ ଜଣାଇଛନ୍ତି । ପଂଚାୟତ ଓ ଗ୍ରାମୀଣ କ୍ଷେତ୍ରରେ କାର୍ଯ୍ୟ କରୁଥିବା ସବୁ କର୍ମଚାରୀ ମାନେ ସରକାରଙ୍କ ଦ୍ୱାରା ନିଯୁକ୍ତି ପାଇ ସରକାରଙ୍କ ଠାରୁ ଦରମା ପାଉଥିବା ବେଳେ ଏହି କର୍ମଚାରୀ ମାଙ୍କେ କ୍ଷେତ୍ରରେ କାହିଁକି ପାତରଅନ୍ତର ନୀତି ଅବଲମ୍ବନ କରାଯାଉଛି ବୋଲି କୁହାଯାଇଛି ।  ସରକାରଙ୍କ ଠାରେ ନିଜର ଦାବି ଜଣାଇବା ପରେ ମଧ୍ୟ ସରକାର

ନୀରବଦ୍ରଷ୍ଟା ରହିବାରୁ ଆଜି ଠାରୁ  ନିଜର ୩ଦଫା ଦାବି ପୂରଣ  ନେଇ ଏହି କର୍ମଚାରୀ ମାନେ କାର୍ଯ୍ୟବନ୍ଦ ଆନ୍ଦୋଳନ ଡାକରା ଦେଇଛନ୍ତି । ୨୭୦୮ ପେକ୍ସ କର୍ମଚାରୀଙ୍କୁ କେଡର୍ ଭୁକ୍ତ କରି ବଦଳି କରିବା, ଷଷ୍ଠ ବେତନ କମିଶନ ହାରରେ ଦରମା ପାଉଥିବା କର୍ମଚାରୀଙ୍କ ଡି.ଏ ୧୬୪%  ରୁ ୨୩୦% ପର୍ଯ୍ୟନ୍ତ ବୃଦ୍ଧି କରିବା ଓ ଷଷ୍ଠ ବେତନ କମିଶନ ହିସାବରେ ସପ୍ତମ ଷଷ୍ଠ ବେତନ କମିଶନକୁ ସମସ୍ତ ପେକ୍ସରେ ତୁରନ୍ତ କାର୍ଯ୍ୟକାରୀ କରିବା ଦାବିରେ ଏହି କର୍ମଚାରୀ ମାନେ ଆନ୍ଦୋଳନମୁହାଁ ହୋଇଛନ୍ତି ।  ଅଲ  ଓଡ଼ିଶା ପେକ୍‌ସ ଏମ୍ଲୋଇାଜ୍  ଫେଡେରେସନର ବୈଠକର ନନିଷ୍ପତ୍ତି ଅନୁଯାୟୀ ଆଜି ବଲାଙ୍ଗୀର ଜିଲ୍ଲାର ବିଭିନ୍ନ ପେକ୍ସରେ ଥିବା କର୍ଯ୍ୟରତ କର୍ମଚାରୀ ମାନେ ବଲାଙ୍ଗୀର କେନ୍ଦ୍ର ସମବାୟ ବ୍ୟାଙ୍କ ସମ୍ମୁଖରେ ଧାରଣା ଦେଇଛନ୍ତି l ଆଜିର ଶାନ୍ତିପୂର୍ଣ୍ଣ ଧାରଣାରେ ଜିଲ୍ଲାର ସମସ୍ତ ପ୍ରାଥମିକ କୃଷି ସମବାୟ ସମିତି ର କର୍ମଚାରୀ ମାନେ ସାମିଲ ହୋଇ ବିଭିନ୍ନ ସରକାର ବିରୋଧୀ ସ୍ଲୋଗାନ୍ ଦେଇଥିଲେ l ସରକାର ଦାବି ପୂରଣ ନକଲେ ଆନ୍ଦୋଳନ ଜାରି ରହିବ ବୋଲି ଚେତାବନୀ ଦିଆଯାଇଛି l