20-Dec-2020

ଭବନେଶ୍ୱର,(ଶୁଭାଶିଶଷ ନାୟକ) : ରାଜ୍ୟ ପ୍ରଦେଶ ଛାତ୍ର କଂଗ୍ରେସ ପକ୍ଷରୁ ନବନିଯୁକ୍ତ ଛାତ୍ର କଂଗ୍ରେସ ସଭାପତି ୟାସିର ନୱାଜଙ୍କ ନେତୃତ୍ୱରେ 'କମ୍ପନ' ସମାବେଶ ଆୟୋଜିତ ହୋଇଥିଲା । ପ୍ରଥମେ ଶ୍ରୀ ନୱାଜଙ୍କ ନେତୃତ୍ୱରେ ଏକ ବିଶାଳ ବାଇକ୍ ରାଲି ଏୟାରପୋର୍ଟ ଛକରୁ ଶିଶୁଭବନ ଓ ରାଜମହଲ ଛକ ଦେଇ ମାଷ୍ଟରକ୍ୟାଂଟିନ ସ୍ଥିତ କଂଗ୍ରେସ ଭବନକୁ ଆସିଥିଲା । କିନ୍ତୁ ଏହି ବିଶାଳ ସମାବେଶରେ ଟ୍ରାଫିକ୍ ନିୟମ ସହ କୋଭିଡ ଗାଇଡଲାଇନକୁ କେହି ବି କଂଗ୍ରେସ କର୍ମୀ ପାଳନ କରିନଥିଲେ । 

ବର୍ତ୍ତମାନ ସମୟରେ ରାଜ୍ୟ ସରକାର ଟ୍ରାଫିକ୍ ବ୍ୟବସ୍ଥାକୁ କଡାକଡି କରିଥିବା ବେଳେ ଟୁଇନ୍ ସିଟିର ପ୍ରତି ଛକ ଓ ଗଳିକନ୍ଦିରେ ପୋଲିସ ଜଗି ରହି ଚେକିଂ କରୁଛନ୍ତି । ହେଲେ କଂଗ୍ରେସ ପକ୍ଷରୁ ଗତକାଲି ଅୟୋଜିତ ହୋଇଥିବା ବାଇକ୍ ରାଲିରେ କେହି ମଧ୍ଯ ହେଲମେଟ ପିନ୍ଧି ନଥିଲେ କି ଟ୍ରାଫିକ୍ ନିୟମ ପାଳନ କରିନଥିଲେ । ଏଥିସହିତ କରୋନା ଗାଇଡଲାଇନ ଅନୁଯାୟୀ ମାସ୍କ ପିନ୍ଧିବା ଏବଂ ସାମାଜିକ ଦୂରତା ମଧ୍ଯ ଅବଲମ୍ବନ କରିନଥିଲେ । ଏନେଇ କମିଶନରେଟ ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ । ତେବେ ଏନେଇ ଟ୍ରାଫିକ୍ ଏସିପିଙ୍କୁ ଯୋଗାଯୋଗ କରିଥିଲୁ । ତାଙ୍କ କହିବାନୁଯାୟୀ ମୁଖ୍ୟରାସ୍ତା ମାନଙ୍କରେ ଲାଗିଥିବା ସିସିଟିଭି ଫୁଟେଜରୁ କଣ୍ଟ୍ରୋଲ ରୁମ୍ ଯାଞ୍ଚ କରି ସେମାନଙ୍କ ନାମରେ ଚାଲାଣ କଟାଯିବ । ସେହିପରି ଟ୍ରାଫିକ୍ କଣ୍ଟ୍ରୋଲ ରୁମକୁ ମଧ୍ଯ ଯୋଗାଯୋଗ କରାଯାଇଥିବା ବେଳେ ତାଙ୍କ କହିବାନୁସାରେ ଯେଉଁ ମାନେ ହେଲମେଟ ପିନ୍ଧି ନଥିଲେ ସେମାନଙ୍କୁ ଟ୍ରାଫିକ୍ ନିୟମ ଭାଙ୍ଗିବା ନେଇ ଚାଲାଣ କଟାଯିବ । ତେବେ ଗତକାଲି ପ୍ରାୟ ୧୮୦ ଜଣଙ୍କ ନାମରେ ଚାଲାଣ ଯାଇଛି । 

ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଆୟୋଜିତ କମ୍ପନ ସମାବେଶରେ ଅଖିଳ ଭାରତ କଂଗ୍ରେସ କମିଟିର ଓଡିଶା ପ୍ରଭାରୀ ଡ. ଏ. ଚେଲାକୁମାର ଉଦ୍‌ବୋଧନ ଦେଇଥିଲେ ।ଏହି କାର୍ଯ୍ୟକ୍ରମରେ ପିସିସି ସଭାପତି ନିରଞ୍ଜନ ପଟ୍ଟନାୟକ, ଶରତ ପଟ୍ଟନାୟକ, ତାରା ପ୍ରସାଦ ବାହିନୀପତି, ସୁରେଶ କୁମାର ରାଉତରାୟ, ସଂଗ୍ରାମ କେଶରୀ ଜେନା, ଡ. ଦେବାଶିଷ ପଟ୍ଟନାୟକ, ରମେଶ ଜେନା, ସନ୍ତୋଷ ସିଂ ସାଲୁଜା, ରଜତ ଚୌଧୁରୀ, ଅଧିରାଜ ପାଣିଗ୍ରାହୀ, ରାଜୀବ ପଟ୍ଟନାୟକ ପ୍ରମୁଖ ଉଦ୍‌ବୋଧନ ଦେଇଥିଲେ । ଏହି କାର୍ଯ୍ୟକ୍ରମରେ ପୂର୍ବତନ ପ୍ରଦେଶ କଂଗ୍ରେସ ସଭାପତି ଶ୍ରୀ ଜୟଦେବ ଜେନା, ପ୍ରସାଦ ହରିଚନ୍ଦନ, ପ୍ରଦୀପ ମାଝୀ, ଅନନ୍ତ ସେଠୀ, ରାମଚନ୍ଦ୍ର ଖୁଂଟିଆ, ଜଗନ୍ନାଥ ପଟ୍ଟନାୟକ, ଶିବାନନ୍ଦ ରାୟ, ନବଜ୍ୟୋତି ପଟ୍ଟନାୟକ, ମାନସ ଚୌଧୁରୀ, ଶୁଭେନ୍ଦୁ ମହାନ୍ତି, ଅରିନ୍ଦମ ସର୍କେଲ, ଡ. ଲଲାଟେନ୍ଦୁ ମହାପାତ୍ର, ବିଶ୍ୱଜିତ ଦାସ, ସତ୍ୟପ୍ରକାଶ ନାୟକ, ଜାନକୀ ବଲ୍ଲଭ ପଟ୍ଟନାୟକ, ମନୋଜ ରାଉତ, ମନୋରଞ୍ଜନ ଦାଶ, କିରଣ ସାହୁ, ରଂଜିତ ଦାସ, ଜୟନ୍ତ ଭୋଇ, ପଦ୍ମାକର ଗୁରୁ, ରଂଜିତ ପାତ୍ର, ଅଜୟ ସାହୁ, ସ୍ୱାଗତ କର, ବଟକୃଷ୍ଣ ରାଉତରାୟ, ବିପ୍ଳବ ଶିଳାଦିତ୍ୟ, ଅଭିଳାଷ ମାଣିଆ, ଚାଲୁ ମଙ୍ଗରାଜ, ପ୍ରଭାସକର ମହାପାତ୍ର, ଦେବଦତ ଦାସ, ତୁଷାରକାନ୍ତ ତପସ୍ୱୀ, ମମତା କୁଣ୍ଡୁ, ସୁଦର୍ଶନ ଦାସ, ମନୋଜ ମହାପାତ୍ର, ଆଲୋକ ଲେଙ୍କା, ଉମେଶ ଜେନା, ରାଜକିଶୋର ବାରିକ, ମନ୍ମଥ ରାଉତରାୟ, ସୁବ୍ରତ ମହାପାତ୍ର, ଜୟକୃଷ୍ଣ ସୁବୁଦ୍ଧି, ଲିଙ୍ଗରାଜ ସାହୁ, ଚିନ୍ମୟ ସୁନ୍ଦର ଦାସ, ଜ୍ୟୋତିପ୍ରକାଶ ଆଚାର୍ଯ୍ୟ, ଗୋପନ ମାର୍ଥା, ବାଦଲ ମହାନ୍ତି, ଯୁବରାଜ ମହାନ୍ତି, ସୁରଜ ରାଉତ, ଦୀପକ ମହାପାତ୍ର, ରଂଜିତ ସେନାପତି, ସାଗର ପଟ୍ଟନାୟକ, ସେକ୍ ଅମୀର ମହମ୍ମଦ, ନିଆଜୁଲ୍ ଇସ୍‌ଲାମ, ଅଭିଷେକ ଦଳବେହେରା, କାର୍ତିକ କାଣ୍ଡି, ଶିବାନ ମୁଶାରଫ, ଚଂଚଲ କୁମାର ଦାସ ପ୍ରମୁଖ ଅଂଶଗ୍ରହଣ କରିଥିଲେ ।