18-Dec-2023

ବଲାଙ୍ଗୀର(ପ୍ରେରଣା ଖବର) ରାଜ୍ୟସ୍ତରୀୟ ମଡେଲ ପ୍ରଦର୍ଶନୀରେ ବଲାଙ୍ଗିର ଜିଲ୍ଲା ଆଗଲପୁର ବ୍ଳକ ଡୁଡୁକା ଆଦର୍ଶ ବିଦ୍ୟାଳୟର ଛାତ୍ର ସ୍ୱପ୍ନେନ୍ଦୁ ପାଢ଼ୀ ଯୋଗଦାନ କରି ପ୍ରସଂଶିତ ହୋଇଛନ୍ତି । ଜତୀୟ ଶକ୍ତି ସଂରକ୍ଷଣ ସପ୍ତାହ ଚଳିତ ଡିମେମ୍ବର ମାସ ୧୪ରୁ ୨୦ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେଉଛି । ଏହି ଅବସରରେ ଓଡିଶା ସରକାରଙ୍କ ଜଙ୍ଗଲ, ପରିବେଶ, ଜଳବାୟୁ,ପରିବର୍ତନ ବିଭାଗ ଏବଂ ଶକ୍ତିବିଭାଗର ମିଳିତ ପ୍ରୟାସରେ ଲୋକସେବା ଭବନ ଭୁବନେଶ୍ୱର ପରିସରରେ ରାଜ୍ୟସ୍ତରୀୟ ମଡେଲ ପ୍ରଦର୍ଶନ ଅନୁଷ୍ଠିତ ହୋଇଛି । ଓଡିଶାର ୩୦ଟି ଜିଲ୍ଲାରୁ ଜଣେ ଲେଖାଏଁ କୁନୀ ବୈଜ୍ଞାନୀକ ଏଥିରେ ଅଂଶଗ୍ରହଣ କରିଥିଲେ ।  ଏଥିପାଇଁ ବଲାଙ୍ଗିର ଜିଲ୍ଲା ଆଗଲପୁର ବ୍ଳକ ଡୁଡୁକା ଆଦର୍ଶ ବିଦ୍ୟାଳୟର ଛାତ୍ର ସ୍ୱପ୍ନେନ୍ଦୁ ପାଢ଼ୀ ଶକ୍ତିକୁଶଳ ସ୍କାର୍ଟ ଗୃହ ମଡେଲ ପ୍ରଦର୍ଶନ କରିଥିଲେ । ଶକ୍ତିସଂଚାର ନିୟମାବଳୀ ନିର୍ଦେଶନାମା ଅନୁସରଣ କରି ଆଦର୍ଶ ଗୃହ ଉକ୍ତ ମଡେଲ ପ୍ରସ୍ତୁତି ନିମନ୍ତେ ରେଙ୍ଗାଲି ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ଦିଲିପ କୁମାର ଧଳ ଆବଶ୍ୟକ ମାର୍ଗଦର୍ଶନ ପ୍ରଦାନ କରିଥିଲେ ।ଶକ୍ତିବିଭାଗର ସର୍ବୋଚ୍ଚ ଯନ୍ତ୍ରୀ ଇଂ. ସୁରେଶ ଚନ୍ଦ୍ର ମହାରଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟଅତିଥି ମାନ୍ୟବର ଶକ୍ତିମନ୍ତ୍ରୀ ପ୍ରତାପ କୁମାର ଦେବ, ସିଇଏସ ଡକ୍ଟର ମୁର୍ଗାସେନ ତଥା ବିଦ୍ୟୁତ୍ ବିଭାଗର ପ୍ରମୁଖ ପଦାଧିକାରୀ ପ୍ୟାରୀମୋହନ ମିଶ୍ର, ସୈାରଜିତ୍ ରାୟ, ସମ୍ମାନୀତ ଅତିଥି ଭାବରେ ଯୋଗଦାନ କରିଥିଲେ । ପ୍ରୋଗ୍ରାମ ଅଫିସର ପ୍ରଭାତ ମୋହନ ଦାଶ,ପ୍ରୋଜେକ୍ଟ ଅଫିସର ପ୍ରଶାନ୍ତ କୁମାର ନାୟକ ତଥା ଅନ୍ୟତମ ନିଷ୍ଠାପର କର୍ମଚାରୀ ଭରତ ଜେନାଙ୍କ ସମେତ ଅନ୍ୟାନ୍ୟ କର୍ମଚାରୀଙ୍କ ଅକ୍ଳାନ୍ତ ପରିଶ୍ରମ ଫଳରେ ସମଗ୍ର କାର୍ଯ୍ୟକ୍ରମଟି ସରସସୁନ୍ଦର ହୋଇପାରିଥିଲା । ଚଳିତ ଶିକ୍ଷାବର୍ଷ ୨୦୨୩ରେ ବଲାଙ୍ଗିର ଜିଲ୍ଲା ଡୁଡୁକା ଆଦର୍ଶ ବିଦ୍ୟାଳୟର ଜଣେ ଛାତ୍ର ପ୍ରଥମ ଥର ପାଇଁ ରାଜ୍ୟସ୍ତରୀୟ   ପ୍ରଦର୍ଶନୀରେ ଭାଗନେଇ ଥିବା ଗୌରବ ଅର୍ଜନ କରିଛନ୍ତି । ଏପରିକି ଏଥିରେ ଅଂଶଗ୍ରହଣ କରିଥିବା ପ୍ରତିଯୋଗୀଙ୍କ ମଧ୍ୟରେ ସର୍ବକନିଷ୍ଠ ରହିଥିଲେ ।ଏହି ସଫଳତା ପାଇଁ ବିଭିନ୍ନ ମହଲରୁ ଶ୍ରୀ ପାଢ଼ୀଙ୍କୁ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରାଯାଇଛି ।