10-Dec-2023

ବଲାଙ୍ଗୀର(ପ୍ରେରଣା ଖବର ): ୧୦ ତାରିଖରେ ଚନ୍ଦନଭାଟିଠାରେ ୨ୟ ବେଣୁଧର ମେମୋରିଆଲ ଫୁଟ୍ ବଲ୍ ଟୁର୍ଣ୍ଣାମେଣ୍ଟ ଉଦ୍ ଯାପିତ ହୋଇଯାଇଛି ।  ୧ମ ସେମିଫାଇନାଲ୍ ଖେଳରେ ଅମାମୁଣ୍ଡାଦଳ ଚନ୍ଦନଭାଟି ଦଳକୁ ୩-୦ ଗୋଲ୍ ରେ ପରାସ୍ତ କରିଥିଲା । ଅତିଥିଭାବରେ  ବିଶିଷ୍ଟ ପୂର୍ବତନ ରଣଜୀ ଖେଳାଳୀ ସୂର୍ଯ୍ୟ ନାରାୟଣ ମିଶ୍ର , ଅଶୋକ ଦଳାଇ , ସୁଶୀଳ ପାଣିଗ୍ରାହୀ ଯୋଗଦେଇଥିଲେ । ୨ୟ ସେମି ଫାଇନାଲରେ

କଦଳିପାଲି ବରଗଡଦଳ ସମ୍ବଲପୁର ଦଳକୁ ୪-୦ରେ ହରାଇ  ବିଜୟୀ ହୋଇଥିଲା । ଏହିଖେଳରେ ପୂର୍ବତନ ଫୁଟବଲ ଖେଳାଳୀ ନରେନ୍ଦ୍ର ଆଚାର୍ଯ୍ୟ , ବ୍ୟାଡମିଣ୍ଟନ ଖେଳାଳୀ ସାଇସ୍ମୃତି ପାଣିଗ୍ରାହୀ ଯୋଗ ଦେଇଥିଲେ । 

ଫାଇନାଲ୍ ଖେଳ ପୂର୍ବରୁ ଚନ୍ଦନଭାଟି ଓ କୁଶଙ୍ଗଦଳ ଭେଟେରାନ୍ ଖେଳାଳୀ ମଧ୍ୟରେ ଏକ ବନ୍ଧୁତ୍ବପୂର୍ଣ ଖେଳ ହୋଇଥିଲା ।ଫାଇନାଲ୍ ଖେଳ ଅମାମୁଣ୍ଡା ବଲାଙ୍ଗୀର ଓ କଦଳିପାଲି ବରଗଡ ମଧ୍ୟରେ ହୋଇଥିଲା । ଏଥିରେ କଦଳିପାଲି ଅମାମୁଣ୍ଡାକୁ ୩-୨ ରେ ହରାଇ ଚମ୍ପିୟାନ ହୋଇଥିଲା । ଫାଇନାଲ୍ ରେ ପୂର୍ବତନ ଲୋକସଭା ସାଂସଦ କଳିକେଶ ନାରାୟଣ ସିଂ ଦେଓ , ବିଜେଡି କାର୍ଯ୍ୟକାରିଣୀ ସଭ୍ୟ ଅର୍କେଶ ନାରାୟଣ ସିଂଦେଓ , ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ ,

ବଲାଙ୍ଗୀର ନଗରପାଳ ଲିକା ସାହୁ ଯୋଗଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଟୁର୍ଣ୍ଣାମେଣ୍ଟର ଅଧ୍ୟକ୍ଷ ତଥା ପୂର୍ବତନ ଖେଳାଳୀ  କପିଳେଶ୍ବର ପାଣିଗ୍ରାହୀ ଓ ବ୍ୟାଡମିଣ୍ଟନ ଖେଳାଳୀ ସାଇସ୍ମୃତି ପାଣିଗ୍ରାହୀଙ୍କୁ ଉପଢୌକନ ଦେଇ ସମ୍ମାନିତ କରାଯାଇଥିଲା । ଜାତୀୟ ତଥା ଆନ୍ତର୍ଜାତୀୟ ଖେଳାଳୀ ତଥା ମୁଖ୍ୟ ଉଦ୍ୟୋକ୍ତା ସୁକାନ୍ତ ପାଣିଗ୍ରାହୀଙ୍କ ଉଦ୍ୟମ କ୍ରମେ ସଫଳଭାବରେ ଟୁର୍ଣ୍ଣାମେଣ୍ଟଟି ଶେଷ ହୋଇଥିଲା । ଅନୁଷ୍ଠାନର ସମ୍ପାଦକ ପ୍ରଭୁଦତ୍ତ ପ୍ରଧାନ ସମସ୍ତ ସଭାକାର୍ଯ୍ୟ ପରିଚାଳନା କରିଥିଲେ । ମୁଖ୍ୟ ଉପଦେଷ୍ଟା ଲକ୍ଷ୍ମଣ ମେହେରଙ୍କ ସହ ଅନୁଷ୍ଠାନର ସମସ୍ତ ସଭ୍ୟ ଉପସ୍ଥିତ ରହି ସହଯୋଗ କରିଥିଲେ ।